جازتني الدنيا بجروح عميقه ما اضن بيوم طيب بس ماكو جرح ماله علاج وانت جنت بالنسبه الي علاجي من كل الجروح... حتى جرح گلبي
.....
سارة
كعدت ونزلت جوة بالبدايه ترددت بس سمعت صوت خالة ام عساف ونزلت وكفت بالنص ماعرف وين اروح كومه ممرات وكومه غرف مشيت وصلت للمطبخ لكيت مريتين ماعرف منو واكفات ديفسلون مواعين ووحدة كاعد ترتب
سارة.. السلام عليكم
ام نور... ياهلة خالة أمري تريدين شي
سارة.. لاخالة جيت اسوي النفسي عشة
ام نور... لاعيب يمه كولي شتريدين انتي مو ظيفه الشيخ
سارة.. يي خالة اني
ام نور..هاهيه لعد من واجبنه نكرمج ونضيفج
وراهة انداروا عليه الي جانوا واكفين يم السنك ام عامر وام خديجه
سلموا ومدري شنو اني بقيت كاعدة على مجموعه كراسي ورجلي ماواصله الكاع واهز بيهم ...
ام عامر... وهذا العشة جهز لاحلى سارة
سارة.. تسلمين خالة .. كعدوا اكلوا وياي
ام عامر.. لاخالة احنه تعشينه الحمدلله
سارة. لعد اكعدوا وياي
ام خديجه... نكعد ليش منكعد
سارة.. احجولي عنكم
ام خديجه... اني ام خديجه وهاي ام نور وهاي ام عامر احنه يابنيتي اصلنه من بغداد بس ماكو شغلة لرياجيلنه اجو يشتغلون فلح هنا واجينا وياهم اني عندي خديجه وبعد اربع بنيات ابني يدرس ببغداد بس لان صغير فمشت عليه ام خديجه
ام نور.. اني خلفتي بس بنات الله مارزقني بولد عندي ست بنات والحمدلله متزوجات بس بقن ثنين
ام عامر.. اني عندي ٣ولد واربع بنيات والحمدلله مزوجين بقى عندي الولد الصغير والبنت الصغيرة
سارة.. اوي فدوة
بقت تاكل وام نور وعامر وخديجه يحجون وياها كلش حبتهم وحبوهة كملت غسلت مواعين ورجعت كعدت على الكراسي جان يفوت الشيخ عساف..
....
عساف
كاعدين وطلابه ابن عمي صگر المتخلص ولا تنتهي لو متعاركلة ويه زلمه لو متحارش بأعراض الناس والله حرت شسويله والله لو مو ابن عمي حان تبريت منه من قال وبلى بس شعملوا وابوي راكب راسو مايرضى وانه اعرف هذا ماورى الا المشاكل ووجع الراس
عمي ابو صگر.. دخيلك شيخنا عجل انت مو تكول مثل ولدي انصفه
ابو عساف... والله انه اذا هذا ولدي لتبرة منه ولااكعدة ببيتي يوم واحد عجل جايب المشاكل وجاي راسي وجعني منوو ومن مشاكلوا كل يوم وجاي ويا مشكلة
صگر... عمي والله
ابو عساف... شالك الله لتحلف لك وك انه اذا تكلي هسة ضلمه والگمر طالع هماتين ماصدك بيك
عساف... انت شوكت تخاف ربك هااا الي بكدك ولدو بطولوو وانت حاير بمشاكلك وك حتى شغلة ماكو ماتملك وعايش ع رزق عمي خلف الله عليه
محمد... استهدو ياجماعه مايصير هيج عساف هدي واكعد وهي تنحل.
صگر هالمرة مشكلته تختلف متعرض لبنيه واهل البنيه شايفينه ومسويله مشكله وابن عمها مكوم الدنيا ممكعدهة على اهل صگر..
خلص اتفقوا انو باجر يرحون ويشوفون شيريدون منهم وانششالله خير
عساف ... كمت اريد اروح للبيت واشوف ام عيون واسأل عليهة فتت من باب المطبخ لكيتهة كاعدة وذابة الشال على راسهة وتهز برجليهة ومطلعتهن نصهن اني شفته لو تخبلت بلكي واحد فايت منا وشايفه
حمحمت جان تجفل
ام نور.. يله عيني امشوا انروح دير بالج على حالج بنيتي
سارة.. انشالله خالة
طلعوا سلموا على عساف وطلعوا
عساف... انتي شلون كاعدة هنا هيج
سارة... شبيه ليش
عساف ... ماتكولين احد يمر ويشوفج وانتي رافعه الكلابيه
سارة.. انتبهت على نفسها.. عزة وانت شلون تباوع
عساف... هسة صار العتب عليه لو ماانتي مطلعتهن
سارة... اي مو بقصدي وانت منو علمود اتصيح عليهة
عساف قرب عليهة... انه الشيخ عساف وغصبا ماعليج تحترميني وله تشوفين مني تصرف عمرو مايعجبج روحي لغرفتج بساع
سارة. ماكو وراهة بس التراب وصلت الغرفتهة سدت الباب وتنهدت اوووف
عساف راحت واني اضحك عليهة شلون ركضت لغرفته جنهة طفله الله يعلم شمسوية بيه هاي البنيه....
هلو واسفه على التأخير بس تحديث الواتباد دمرني صدك لان كتبت اكثر من بارت وكلت انزل واحد بس النت جان فد نوب ضعيف اتحدث الواتباد وانمسحن البارتات وحتى القصه اختفت وخلل صار بحسابي فضيع واسفه واعتذر من الكل اذا جان قصير بس انشالله اعوضكم والقصه شبه تتوقف لحد متخلص الامتحانات لان اني عندي امتحانات واغلب المتابعين هم ووعد التنزيل بالعطله بين يوم ويوم 🙂🙂🙂 احبكم
