مامليت من هالخدود والضحكة💜💜 چن تردلي الروح من تصغير هالعيون وتورد الشفه😘❤
...
اسفه على التأخير
اجه وقت نيشان غفران طبعا بهذا الاسبوع عقدنا اني وعساف محمكة وسيد جان فرحتي لا توصف من اشوف فرحته بعيونه كلما يجي اوووف يا عشك گلبي دنطلع علمود نكمل سوالف النيشان من مكيياج للصالون فخلصت وطلعت بالطرمه خابرني عساف
سارة.. الوو
عساف... هلا بعشگ عساف الاول شحوالج
سارة... ههههه بخير يعمري وانت
عساف.. توني صرت بخير. شوكت يجي الشهر الجاي
سارة.. عسااااف والله مالحك اجهز روحي بشهر
عساف. يول انتي تعاليلي بعباتج وهاهية لو اعرف البسج من هدومي
سارة... هههههه فدوة لكلبك حياتي
اندارت سارة جان تشوف رائد
سارة... عزة جفلتني
عساف.. شكو منو
سارة.. هذا رائد
عساف.. لتحتكين بي ولا توصلين يمه سارة هسة تدخلين
سارة.. يي انشالله ها اها دخلت
عساف.. يله حياتي دير يالج على نفسج
سارة.. انشالله يله يعمري باي اجه عمي
عساف.. الله وياج يالغاليه
سدت التلفون
محمود... عفيه سارة افتحي باب الاستقبال بس اجيب المستمسكات دنطيهن الرائد
سارة.. بس.
محمود.. يله بنيتي بسرعه
استسلمت سارة راحت فتحت الباب جان توكع عيونه على عيونه عيونه جان بيهن حزن وغضب وندم ووو.. حب
رأسن سارة ادركت الوضع دنكت ومشت جان تسمعه يكول
رائد.. هذا تالي عشگ الصغار
سارة اندارت علية ممفتهمه هو صفن عليهة بعصبيه هي خافت وطلعت
راحوا كملوا الجهاز من كلة اشتريت فساتين وهم جهز لحفلتهة علمود بعد بس طلعاتهم على شغلات قليله
رجعوا كملوا واستمرن لحد وقت الحفله وتأنقوا ولبسوا وعلى اخر شياكه
اجتي بنت عمهم الصغير
.... اكلج اكو واحد ينتظرج بالباب
سارة... يي حبي جايه
طلعت لكته عساف
عساف باوع عليهة ضل صافن جانت لابسه فستان ازرق جويتي ويه اصفر والشعر تسريحه طالعه اية جمال
عساف.. شنو هالجمال بنتي امشي فوتي لحد يشوفج شورطني وناديتج
سارة... هههههههههه فدوة لگلبك حبيبي شلوني
عساف.. اني الشلوني مو انتي.. شلونج يولي
سارة.. بخير يالعمر وانت
عساف.. شمحلات العمر بحلكج والله تمام اني بس جيت انطيج الفلوس اتجهزين بيهة روحج للعرس
سارة... انشالله يله حبيبي تريد شي
عساف... سلامتج يحياتي
راح وهي فاتت ركص والى اخره كملوا طلعوا وبدوا يجهزون للعرس لان حيسوونهة هي حنه هي نيشان وراهة يرتاحون وراهة الزفه مو ثاني يوم🌚🙂
طبعا مشاكل بينهة وبين عمامهة مخلصوا كل يوم وجايين مبجيهة وطالعين بس ماباليد حيله
.....
اجه اليوم المنتظر عند سارة وعساف(وعدكم😂)
الحنه
شكران.... ولج كومي عادي خبلتينه كومي حنتج ونايمه
سارة... ساعه بيش
شكران... ساعه سته
سارة... باوعتلهة بحقد ... امشي اطلعي برة
شكران... يله يا سارة اليوم حتشوفين حبيب الگلب
وخرت سارة اللحاف من عيونهة ... ييي والله كومي كومي كومي متأخرين اولشي بدلتيي وين العبايه خل البسها
شكران... ولج اتخبلتي صارلي ساعه اكوم بيج بعد وكت بس دنهيأج
سارة.. يي صح خل افوت اسبح ع السريع
سارة... دا اشتغل ودك الجهاز .. الوو
عساف .. هلا بهالصباح شلون صبح يخبل من سمعت صوتج
سارة بخجل...صباح النور
عساف.. هذا الي الله كدرج عليه هههه
سارة بضحكة... لتصير طماع ورانة حياة كاملةاشبع حجي بيها يلا روح جهز نفسك وكمل شغلك
عساف.. اعتبر هاي تطريدة هه
سارة .. لا مو هيج والله بس اريدك تشتاقلي حتى تستعجل بجيتك
عساف.. عيدي عيدي شكلتي
سارة.. ماكلت شي 😁
عساف.. ما اسد الخط اذا متكولين شي يفرحني
سارة... واذا ماكلت شلون
عساف... ما اجي للخطوبةاليوم هههه
سارة ... متكدر
عساف... لتخليني اتخبل واسويها
سارة قاطعت كلامة.. احبك وسديت الخط هههه
عساف... لك خررب سدتة ملحكت حتى اتهنة بالكلمة خرب يومها شالعة گلبي شلع اوويلي
سارة .. ،،، كملوا تجهيزاتهم طلعوا ساعه بالعشرة للصالون كملت بال٢ جانت ثاني عروس هي ،رجعت جانت لابسه بدله نفخ فوشي تخبل كاعدة عليهة ومكياج وتسريحه تجنن شويه وكالوا اجو اهل العريس علمود يلبسوهة حلقات ويحنوهة طبعا المسافه بين منطقه عساف وسارة بعيدة حدود ال٣ ساعات من الغربيه لنص بغداد طويل الطريق وصلو كعدت بالكوشة واشوفهم يركصون ويهوسون وبلكوة لازمة نفسي حتى ميخرب المكياج ههههه فجأة صارت هوسة والجهال يصيحون وصل العريس كلش توترت
عساف ... دخلت وشفتها كاعدة ومنزلة راسها ومتوترة وطالعة تخبل كعدت يمها ولزمت ايدها
سارة ... فزيت من لزم ايدي وگلبي كام يدك سريع كلش
عساف.. قربت راسي عليها طالعة تموتين
سارة.. من ذوقك
عساف .. 😒😒 ابقي خربي اللحظات الرومانسية بهذا حجيج
سارة ضحكت .. ويعني شتريد اكلك
عساف.. عالاقل كوليلي شرأيج بية
سارة... الي يعرف بنفسة حلو مينتظر احد يمدحة
عساف ... هههه والله غلبتيني
جنه كاعدين ويهوسون جان تفوت خالتي الي جانت برة مستحملت كمت اركض حضنتهة وابجي ضليت اعتب وهي تعتب وتتطمن عليه لان درت اني جنت مفقودة بلكوة شلعني عساف من حضنهة شويه ولبسنه الذهب
عساف.. لزمت ايدها لبستها الحلقة و دا البسها الكلادة جان اطخ ايدي بركبتها توترت حييل وكمت ما اعرف شلون اسدها بحيث من التوتر عفت السوار والتراجي هية تلبسهم ههههه
سارة .. حسيتة حيل توتر ضحكت عليه واخذت باقي الذهب اني لبستهم
عساف...شغلوا اغنية هادئة وحلوة سحبتها وكمنة نركص حضنتها وبلشنة نركص،، حبيبي سارة
سارة... عيونها
عساف... اموت عليج
سارة ... احبك يا احن واحد
عساف... اشكر الله الي خلاني اشوفج واتعرف عليج واحبج انتي نطيتي لحياتي معنى ثانية اول مرة اشوف الحياة هيج حلوة
سارة دمعت عيني .. ياروحي انتة هنيالي بيك
عساف... هسة مو دنتغزل بيج شبيج كلبتيها بجي
سارة ... ما ادري كلامك اثر بية حيل بس تدري شي انتة احلى شي صار بحياتي انتة نعمة اشكر ربي عليها الله يخليك الي
عساف .. مسحت دموعها ويخليج الي يارب ولا يحرمني منج وبست راسها وراهة رجعوا لان لازم يحنون الولد ويسوله حفله طلعوا بالاربعه ونص هيج يي من وكت لان بعيدين وهمة مطولوا وصلوا وحيو العساف حفلة وطبعا سارة هم حيولهة
خلصت الحفلة وكعدوا يتباججون شلون حيعوفوهة وشلون وشلون وهي تبجي بحضن خالتها طبعا خواتهة مال اجوي ابد ولا وصلوا خالتها اصلا تبروا منهة من يوم وفاة امهة
انتهى
اسفه ع التأخير كلش اسفه
بقه بارت انشرة باجر لتخافون قبل رمضان مخلصتهة اني😍😍😍 وتخلصون مني😅
البارت بمساعدة بنت خالتي mareamya
