تلك الدمعة المتلألئة
على محور جفنك الاسفل
في كلتا عيناكي
كسرت مشاعر بيننا
كنت اتجاهلها💔
.....
بعد مرور اسبوع على وجود اهل عساف ببيت المزرعةسامر.. شيخنا اريد احاجيكم بموضوع
عساف.. تفضل
سامر... زاد فضلك.. والله ياشيخ اني جاييك علمود سارة
عساف...من كال اسمهة لاشعوريا حسيت بشي داخلي اتجاهة.. شجرالهة بيهة شي
سامر... لاشيخ سالمة البنيه بس اني ماكدر استضيفهة يمي اكثر
عساف... شصار ؟شايف منهة شي؟
سامر.. لاشيخ البنيه خلوقه وحبابة بس اني الاسبوع الجاي حتجي خالتي وعدها شباب ولد واخاف يطلع منهم شي تعرف بعدهة شباب والبنيه صغيرة وحليوة واخاف عليهة واكيد راح يسئلون هاي منين وين وشجابهة وشكللهم فكلت احجيلك اتشوفلنه حل
عساف.. من كالي حسيت مي بارد وندار عليه لان جنت اريد افاتحهة ناخذهة ويانا
عساف.. انشالله خير. انا البنيه بامر الله اخذها بلكتن تذكر شي عن اهله علمود نبدي ندور عليهة
سامر.. انشالله شيخ.. يالله انه العندي كلته اروح لعد
عساف.. طلع سامر رحت لامي حاجيتهة وكالت مابيهة شي ورند كيفت وامي كالت انا افاتحهة بالموضوع رجعت للربعه ورثت جاركتي وانا اتذكر كل موقف جمعني بيهة
من مرة واكفه برة ببيت ام سامر وكاعد اتشر الهودم والشمس طالعه خدودهة وردن على كد ما هي بيضه وردن خدودهة وانا ضليت حاير بيهة بعدين تعوذت ربيجنت شارد ودخلت عليه
سارة..
صار اسبوع همة هنا خاله ام رند كلش حبابه ورند هم يعني كلش حبيتهم وتعودت عليهم
رنا..ولج سارةسارة.. ها حبي
رنا.. الاسبوع الجاي حيجون بيت خالتي حشوفه
سارة.... منوة هاااه خالد
رنا... يي يمه فديته لعد تعرفين شكد احبه
سارة.. انشالله تصيرين من نصيبه
رنا... امين. يله كومي كومي خل انكمل شغيلاتنا
كمنه اشتغلناا وكملنه ورحت كعدت يم خاله ام سامر وام عساف وجانت وياهم رند كاعدة
رنا.. يمه سامر رايدج
ام سامر.. اي يمه جايه
راحت ام سامر
ام عساف. .. عيني سارة تعاي كعدي هين عليش كاعدة غاديسارة.. انحرجت.. يي خالة اجيت
راحت كعدت يمهة
ام عساف.. خالة اني راح اخذج ويانا للديرة اهناك يمي
ساررة.. هاااه بس خاله ا..
ام عساف.. لتبسبسن وها هاي اني رايدج وياي تصيرين بنيتي ويه هاي الصقجه(الصغيرة) وهمات وديج الدكتور وانشوف حالتج يخاله خوما هيج وبكلتن من الله تذكرين شي علمود يكدر الشيخ يساعدج يايمه خوما تبقين هيج معلكه اكيد الج علاج واني من عليه اذا ماتذكرتي لسوييج بنتي واعز ولايغلى عليج شي
سارة... حست خجلت كلش وحست نفسهة عاق على الكل الي هنا واجتهة البجيه بس صارت قويه.
سارة.. خاله بس اني اتعودت هنا على رنا وعلى خالة ام سامر وموبسهوله اعوفهم هم احتضنوني من مجان عندي احد خوما اجازينم اعوفهم واروح
ام عساف.. خالة صح جانت امنيتي اني تجين ويانا لان حبيتج كلش وعزيتج بس طلب انو تجين ويانا اجه من سامر وام سامر الحجيه جايتهة خيتهة الاسبوع الجاي واخيتهة عدهة وليدات مو حديثين لا شباب وتعرفين انتي حليوة ماشالله عليج وصغيرة والشيطان شاطر ياخالة.. وثاني شي اجه امر هذا الشي من الشيخ عساف يعني لازم يصير ييمه
سارة.. انهضمت فرد نوب وهذا منو علمود يدخل ويحشر خشمه بكلشي
سارة.. الله كريم خالة..
استاذنت سارة وراحت على الربعه
دخلت بدون مااطرق
لكيته مورث جكارته ولازم السبحه وكاعد كعدت عربسارة.. انت بأي حق تدخل بيه
عساف... شنو
.....