فريسة غلبت الصياد ©️ - الجزء الثاني - كاملة ✅

الفصل السادس والأربعون

الحلقة السادسة والأربعون :

في فيلا رأفت الصياد ،،،،

احتدمت المواجهة بين كنزي وفريدة ، خاصة بعد أن علمت فريدة بأمر زيجة زوجها من إمرأة أخرى ، فنظرت إلى إبنيها أدهم وعمر بأعين مشتعلة من الغضب ، وفغرت شفتيها في صدمة و...

-فريدة بنظرات غاضبة ، ونبرة حانقة : ايه اللي بتقوله المجنونة دي ؟

-كنزي بحدة وهي تشير بيدها : انا مش مجنونة !!!

-أدهم بنبرة مضطربة قليلاً : هو الحكاية وما فيها إن .. آآآ.. يعني آآآ...

حـــاول أدهم قدر استطاعته أن يبرر لوالدته ملابسات ما حدث ، ولكنها لم تقتنع بكلمة مما قال ، بل نظرت فريدة إلى أدهم بنظرات ثاقبة ، وعلى وجهها علامات الحنق الممزوجة بالغضب العارم و....

-فريدة بنظرات جاحظة : يعني انت كنت عارف ؟؟؟

-أدهم بنبرة مترددة : مش من زمــان أوي .. ده امبارح بس و...آآآ..

-فريدة مقاطعة بصوت هــــادر : يعني كنت عارف ان ابوك راح اتجوز أم الجربوعة دي

-كنزي بصوت عالي وهو تشير بيدها : لمي نفسك ، أنا مش جربوعة

-عمر وهو يبتلع ريقه في توتر : أووووبــــا ، ولعت ... !!

نظرت فريدة إلى عمـــر ورمقته بنظرات قاتلة وقاسية و...

-فريدة بنبرة صلبة : وانت كنت عــارف ؟

-عمر وهو يهز رأسه : لأ طبعاً ، أنا حضرت معاه كتب الكتاب وبس !!!

اشتعلت حدقتي عين فريدة ، وتحولتا إلى جمرتين ملتهبتين من الغيظ الممزوج بالحنق والغضب ...

-فريدة بنظرات قاتلة : حسابك معايا مش هايعدي بالساهل

-عمر وهو يمط شفتيه بصوت خافت : وأنا ايه ذنبي ! يعني أبو خـــالد يتجوز ، وأنا ألبس في الحيطة !

أمـــالت يارا بجسدها قليلاً على كنزي ، ووضعت يدها على كتفها وربتت عليه و...

-يارا وهي تحاول تهدئة كنزي : الله يكرمك ، ابعدي عن خلقة الست دي السعادي

-كنزي بإصرار : لأ .. !

-أدهم بنبرة عالية نوعاً ما : ماما مافيش داعي نغلط في حد ، الموضوع ده مع بابا و آآآ...

-فريدة مقاطعة بتهكم : لا والله ، يعني عاوزني اكون هادية لما أعرف ان ابوك خاني وراح اتجوز

-كنزي وهي تلوي فمها في استهزاء : انا عذرت عمي رأفت دلوقتي ، وعرفت ليه هو كان متمسك بمامي أد كده ، وعنده حق ، ماهو اللي يبقى متجوز واحدة زيك لازم يطفش مش بس يتجوز عليها