احببت معلمي {13} 🎀
لقاته كان يكلم ف { zina } انصدمت وعيونها دمعو مسحت دموعها وطلعت ودارت روحها ما شافت شي
جوري:كنك
نسرين:كنه وجي
جوري:وجك كنه انتي با كيا
نسرين:ههههه وعليش نبي نبكي يا حنتي
جوري:حتي نا قلت معقوله هذي تبكي ههههههه
نسرين :هههههههعهه
مؤيد:كنكم تضحكو انتي وياها
جوري : مواضيع خاصه
مؤيد:من ورايا باهي به
وتعشو وكل واحد عدا رقد
نسرين رقدت مع جوري ف دار واول ما رقدت ع سرير غطت وجها بالبطنيه ونهارت
..............
ثاني يوم ف الصبح
جنات:يا همي كلميه توا نتاخرو ع المدرسه
دانيه :نرن عليه ومايردش
زينه:كنكم يا بنات توا يجي عليش الهرجه ع صبح
دايريلي فيها طالبات علم توا نمشولها المدرسه
ما عندكم عليش خيفات
جنات:شن نبي نديرلك ماهو انت فاشله
زينه:وافتخر😊
طول بكل محمد عليهم
لذالك زينه كلمة باتها وصلهم لان البنات كينات بيتين عندها
وصلو البنات
اياد: مزال بدري
زينه ودانيه : صباح الخير
اياد:صباح نور
جنات:صباح الخير❤️😊
اياد:صباح الورد والعسل والياسمين 😍😍
زينه:احم احم نحن هنا
جنات واياد:ههههههههي
اياد:هيا امشو طولتو ع الحصه
دانيه وزينه:اوك باي
اياد:باي
جنات:امتي حصتك
اياد:اللي بعد هذي
جنات:واااااك يعني حنرجه الحصه هذي كلها
اياد:ههههههه ما تخافيش الحصه قريب تكمل هيا عدي عشان متتاخريش
جنات:اوك see you
اياد:see you
عدو البنات الفصل وبعدها جا حصة اياد الي جنات ترجي فيها بفارغ الصبر طبعا هيا مش.فاهمه منه شي لاكن تبي تشوفه بس
وبعدها جا وقت الاستراحه
جنات قاعده هيا وودانيه وزينه
لقو محمد
زينه:مش هضا محمد
دانيه:وينه وينه
جنات:اها هوا
دانيه عدت تجري عليه
دانيه بخوف:محمد كنك في حاجه طمني عليك وكنك ما ترد
محمد:دانيه ....
دانيه:كنك شن فيه
محمد:دانيه معش ترني عليا
دانيه: ع ع ليش شن درتلك
محمد:دانيه انا انا خطبت وفرحي قريب وحتي سلمت الباص ومعش نبي نوصل وياريت تنسيني.
دانيه:هههههههه غير فكنا من البصاره يا محمد هيا قولي كنك ما ترد عليا
محمد:دانيه انا قتلك خطبت بيش تفهمي خلاص انسيني ومعش ترني عليا ارجوكي
دانيه بصوت عالي:انت فيش تقول محمد خلاص اسكت بصارتك صمطت نحكي معاك جديات
نا
محمد:دانيه انا خطبت ونحب خطيبتي وفرحي قريب يعني عن قريب حنبقا متجوز ف ياريت تنسيني
دانيه تعيط وتضحك:انت انت انت في فيش تقول تقول انت فيش تقول يا غبي انت فيش تقول وصوتها بدا يعلي وكلهم يبحتو جت جنات وزينه يجرو
دانيه:جنات زينه قالي ان ان هوا هوا خطب يكذب عليا صاح صاح ردو عليا 😠😩😭
وجت عنده ومسكاته من دبشه انت نستحيل معقوله دير فيا هكي انت حيوان 😭😭 وداخت
جنات
وزينه:يعيطو جو يجرو كلهم وجا استاذ طارق يجري
طارق:امشي اطلع بره
محمد:لاكن
طارق :قتلك بره
كلهم عدو لفصلهم
شالو دانيه لاداره وبدو يكبو عليها مياه لين ناضت واول ما ناضت لقت طارق قدامها وجنات وزينه حداها
طارق:شن تحسي توا
دانيه قعدت تبكي:😭😭😭😭😭😭💔💔
طارق ؛باهي كنك بس قوليلي كنا الشاب الي كان برا
دانيه:تبكي
طارق:باهي تكلمي باتك يروح بيكي
دانيه ماتبيش باتها يشوفها هك حركة راسها بمعني لا
طارق:باهي خلاص عدو انتو يا بنات احضرو حصتكم
جنات:ماهو مش حنقدرو نسيبوها بروحها ب حالتها هذي
طارق:ما عليكم فيها نا معاها
جنات وزينه:نعدو
دانيه حركت راسها بمعني اها
عدو البنات الحصه
ملاك ماسكه البنات وتحكيلهم
ملاك : الانسه دانيه معاها شاب وقعدت تهزب فيه
جناات :هاي انتي احترمي روحك خيرلك شن الكلام الي تقولي فيه هضا
ملاك:كني قالت حاجه غالط
زينه:اها كلامك كله غلط اولا الشاب الي تحكي عليه هضا ولد خالتها وجا قاللها ان جدتها مريضه وخشت للمستشفي جاها انهيار عصبي وما فطنتش ل روحها ف بلا الاشعات متعاتكم
زينه قعمزت وقعمزت حداها جنات
جنات:ناعلي يصير منك ف تأليف القصص تي انا قريب صدقتك
زينه:بيش تعرفي لاكن صاح شن القصه انا ما فهمت شي
جنات:دانيه حالتها خطيره مش عارفه شكله محمد قاللها حاجه فيها خطبه انا مافهمت منها شي من بدري
زينه:يلا ان شاءالله خير
جنات:ان شاءالله
...........
طارق:اشربي هضا توا يهديكي
دانيه خدت منه ال كبايا
وبصوت واطي ومبحوح: شكرا
طارق:العفوا
دانيه محمد كنه قالك حاجه ضيقاتك
دانيه:قعدت تبكي
طارق:ارجوكي بس ما تبكيش لو سؤالي ضايقك ما تجاوبيش
دانيه لقت طارق شاب ف العشرينات هوا صاح يقري ف المدرسه وشكله جديد لاكن ما تحشمتش منه حكتله القصه كلها وهيا تبكي
هيا مش عارفه كيف حكتله لاكن كانت منصدمه وحالتها حاله ومش فاطنه لروحها
قرب منها طارق
طارق:ما تبكيش هوا ما يستهلش ولا دمعه منك
خلاص معش تبكي
دانيه مزالت تبكي
دانيه خلاص باهي ان شاءالله سيارتي تخرب كان بكيتي
دانيه:هههههي
طارق:ايوا هك نبو الضحكه الحلوه
وقعدو يهدرزو طبعا طارق نسي ان هوا استاذ وهذي تلميذه وهيا كذلك ❤️❤️❤️❤️
................
طلعو البنات وخدو دانيه وروحو ع حوش زينه
جنات:البنات كلهم يبو يجو اليوم عشان خشيتي المستشفي ما جوش
زينه: مرحبتين بيهم هيا خلينا انديرو موالح
كسدو ودارو عرم حجات يهبلو🍗🍖🍕🍟🍝🍰🍫🍪
دانيه روحت.خشت الدارد رقدت وقعدت تبكي مش مصدقه ان محمد يدير فيها هك 💔
جو البنات اميره وجوري ونسرين وملاك وسوزان اخوات اياد
قعدو يهدرزو ودارو جو حلووو دانيه طبعا مقعمزه ومش معاهم بكل
بعدها لقت رقم غريب رن عليها
ما بتش ترد بعدها لقاته سكن
دانيه:الو من معايا
طارق:انا طارق
دانيه حست بقلبها يدق صبت من حدا البنات وخشت الدار تجري
البنات كلهم قعدو يبحتو ومستغربين
دانيه:استاذ طارق كيف جبت رقمي
طارق:صراحتا خديته من جنات لان حبيت نطمن عليكي
دانيه:😳😌
طارق:باهي قوليلي شن جوك توا
دانيه:الحمدالله تمام
طارق:ان شاءالله ديما تمام
دانيه:تسلم
وستمر الحديث....❤️❤️
وبعدها طلعت تضحك بروحها وجت قعمزت وقعدت تبحت ف جنات بمعني معقوله تعطيه الرقم من ورايا
جنات عزقت الحوله ودارت روحها مش فاطنه
دانيه قعدت تضحك عليها
قعدو يهدرزو البنات
دارو جو حلو وطول القعده نسرين تبحت ف زينه كيف حلوه ووجها كله براءه وبسيط
مع ان نسرين تهبل
بعدها زينه طلعت ف الجنان عشان تبي وليد جيرانهم لصغير يجيبلها حاجه من الدكان
فتحت الباب وطلعت راسها وكاينه مش لابسه وشاح ومؤيد كان جاي بالسياره عشان ياخد هله
شافها طالعه نزل يجري
مؤيد :انتي شن مطلعك بمنضرم هضا
زينه:هي كنك تهزب نبي ولد جيرانا
مؤيد: خشي جوا
زينه:مش خاشه
مؤيد بعصبيه:خشي جوا
زينه خافت خشت وسكرت الباب ف وجه
قعد يحكي معاها من ورا الباب
مؤيد:شن كبرا وليد جيرانكم هضا
زينه:عمره11سنه
مؤيد:وشن تبي فيه
زينه:نبيه يجيبيلي زريعه من الدكان فيها حاجه هذي
مؤيد:ههههه باهي خشي توا نمشي نجيبها ونجي وبعد نرن عليكي اطلعي خوديها
زينه:باهي ممكن نفتح الباب نعطيك فلوس ولا حتي هذي لا
مؤيد:حتي هذي لا وخشي خيرلك
زينه:باهي يا همي خاشه
خشت وهيا متعقده وتقلد فيه
هوا قعد يضحك وعدا
قعدو يهدرزن البنات بعدها تاليفون زينه رن
نسرين سمعت زينه وهيا طالعه تقول مؤيد وصلت
مشت وراها
طلعت زينه فتحت لمؤيد بابا الجنان
لقاته ماسك عرم شكاير
زينه:شنو هضا
مؤيد:تي افتحي الباب خليني نحطهم ف الجنان ونمشي
زينه:اوك
فتحتله الباب
زينه:لاكن هضما شنو
مؤيد :شوفيهم يا همي.
زينه فتحت الشكاير لقتهم معبيات شكولاتات وشبسي وعصائر وزريعه
زينه: o m d. بس عليش هضا كله
مؤيد:قلت عشان تكسدي بيهم انتي والبنات
زينه:اها لالا حناخد الزريعه بس
مؤيد: خوديهم خيرلك
زينه:لالا نبيش
مؤيد بعصبيه:زينه
خفت باهي توا نخدهم معش تهزب
مؤيد:خوافه هههههه
زينه:مش خوافه
مؤيد:خوافه
زينه:قتلك مش خوافه
مؤيد:بس تعرفي انك تهبلي وانتي خايفه ومسك يدها وطبعا مش حسين ب نسرين الي مصبيه تشوف فيهم وقلبها مكسور ودموعها ع خدها
زينه تبحت ف مؤيد وقلبها قريب يطير
وهوا كذالك
مؤيد بعدها حس بشخص برم وبرمت حتي زينه ونصدمو هما الاثنين
........يتبع
