احببت معلمي الحلقه { 18 } 🎀
زينه قعدت تضحك
زينه:باهي خلاص سمحتك
كلهم قعدو يصفقووووو👏👏👏👏👏👏
بعدها البنات روحو مؤيد اتصل ب زينه
مؤيد:نحبك
زينه:......
مؤيد:ناعلي من الحشوم لالا نبي نسمعها منك
زينه:لالا
مؤيد : هيا خيرلك
زينه:باهي يا همي نحبك
مؤيد:هههههه خوافه
زينه:مش خوافه
مؤيد:عندك محاضره بكرا
زينه:اها عندي
مؤيد: الساعه كم
زينه: تسعه
مؤيد: اها باهي
زينه:يلا سلام
مؤيد:سلام يا روحي
.............
جا يوم بيان جنات
لبست بدله ومابتش تمشي للكوافير لان زينه شاطره ف الميك اب
المهم البنات طلعهوها تهبل جو هل اياد وجايبين معاهم حجات راقيه باسطي والمشروب ودبش وجيبيلها بدله تهبل. خشت جنات غيرت ولبست البدله الي جابوها لهاهل اياد
وكان يوووووووووووم يهبل لولولولي
.......،......
هنادي قالت لراجلها تبي تبات
وجوري قالت لاسامه تبي تبات
لموووو البنات الحوووش
ولبسو توت وقعمزو يهدرزو ع قصصهم وحكياتهم
مشت هنادي سخنت الموالح
وطلعت مشروب وقعمزو يتعشو ويهدرزن
جنات تكلم ف اياد
زينه تكلم ف مؤيد
دانيه تكلم ف طارق
❤️❤️❤️❤️
طارق:قتلك بكرا عندك محاضره
دانيه:اها عليش
طارق:نبي نشوفك
دانيه:لالا مش ...
طارق:من غير مش بكرا جاي يعني جاي ونبيكي ف موضوع حياه او موز
دانيه:هههههي موز
باهي ياهمي توا نشوفو شن هوا مرضوع الحياه او موز ههههههه
طارق:: خلاص تصبحي ع خير
رقدن البنات ودانية اتفكر في موضوع طارق
ناضو البنات ووتن وشالهن بات جنات وصلو لجامعه وطارق رن علي دانيه
طارق:: صباحو
دانيه:: صباح الخير
طارق؛: وين قاعده؟
دانيه:: في جامعه
طارق:: وين ف جامعه
دانيه:: في كفتيريا
طارق:: باهي تم جايك
دانيه: تم
جنات:: من يبي يجيك
دانيه:: طارق
زينه:: عليش؟؟
دانيه: مش عارف قالي نبيكي ف موضوع حياه او موز
زينه :حياه او موز ههههه باهي ومطوليش الحقينا
دانيه:تم
عدو البنات ودانيه قعدت ترجي فيه
جاها طارق
وقاللها مرات حد يشوفنا هنا وخداها ف مكان مافي حد
طارق:دانيه انا ن ن ن ن ن ن
دانيه:شنو
طارق:انحبك يا همي
دانيه حست بقلبها قعد يدلف ووجها انحمر والتغطيه هربت من عندها
طارق: ها شن قالتي انا نحبك
دانيه:طارق شوف انا حبيت مره وكان محمد وشوف شن دار فيا عشان هكي انا سكرت ع قلبي انا مش مستعده اني ننجرح مره ثانيه
طارق:دانيه صدقيني انا نحبك وانتي كل حياتي ومستحيل نخليكي تبكي وحنعوضم ع لي داره فيكي محمد وكان مش مصدقتيني انا مستعد نمشي لهلك ونخطبك توا انا نبيكي ب الحلال هيا قوليلي رايك توا
دانيه:طارق.
طارق:هيا نبي نعرف رايك
دانيه شفت لعيونه ونبرت صوته الصادقه
دانيه: عطيني وقت نفكر باهي
طارق:اوك نص ساعه ونرن عليكي نشوف رايك
دانيه:هههههي لالا مش لهدرجه
طارق:يعني كم
دانيه: لعند امتي ما نكمل تفكير
طارق: اوك تم
..................
اياد يرن ع جنات وجنات ماتردش
لان تاليفونها سايلنت
دانيه:جنات جنات شوفي منو هنا
جنات:هضا شن جابه هنا
زينه:مش عارف
وقرب عليهم
الشخص :جنان اهلا شن جوك
جنات:الحمدالله تمام انت شن جوك
سراج:والله تمام وقعدت تمام اكثر لما شفتك
{طبعا اكيد عرفين منو هوا سراج سراج هضا الي كان يقري مع جنات وكان يحبها واياد ضربه وترفد من المدرسه}
وقعدو يهدرزو ويضحكوووو
واياد مقهور عشان جنات ماتردش عليه بعدها قال مرات صاير معاها حاجه عدا ركب السياره وعدالها
..............
جنات تحاول انها تختصر الكلام مع سراج لاكن هوا مزال يحكي وفجاه جا اياد ونصدم لما شافها معاه ويضحكو وهوا قاعد مشغول عليها سراج شاف اياد ودار روحه ما شفاش ومسك يد جنات عناد فيه جنات نصدمت و
جا اياد يججري ضربه وجنات قعدت تعيط مسكوها صحباتها واياد بدا يضرب ف سراج ومابش يسيبه وجنات تبكي
وبعد ماضربه طبعا سراج كان طايح ع الوطه ومش قادر يصبي
اياد ركب السياره وعده و مبش يعدل ع جنات
جنات نصدمت من لقطت اياد وقعدت تبكي صحباتها قعدو يهدو فيها
وروحو
جنات قعدت ترن ع اياد ومايردش عليها قعدت تبكي حطت تاليفون ورقدت وهيا تبكي
امها امينه :جنات هيا تعالي تغدي
جنات:لالا تغدو انتو عنديش نيه يا ماما
امها امينه :كنك عليش تبيش تاكلي
جنات:لالا عنديش نيه
امها امينه :باهي انا طالعه لخالتك كان جعتي حطي لروحك
جنات:اوك
ورقدت ودمعتها ع خدها
...............
اياد راقيله بكل ومش طايق جنات
عده لقه نجات صاحبت اخته
هذي قريب تموت عليه
انقهرت لما عرفاته انه خطب
اياد:السلام عليكم
البنات:وعليكم السلام
وخش داره
البنات خشو المطبخ يديرو ف عصريه يكسدو بيها مع نجات لاكن نجات استغلت الفرصه ودارت روحها تبي الحمام
وخشت عند دار اياد ودارت روحها متلخبطه
وخشت لدار طبعا
اياد بعصبيه :هي انتي فيش اديري هنا
نجات نزلت دموع تمسيح
نجات:سوري كنت نحسابه الحمام وطلعت
طلع ورها اياد ومسكها من يدها
اياد:اسف غير كنت متعصب لان عندي مشاكل ف شغل
نجات:لالا عادي
اياد:يعني مش زعلانه
نجات:لالا مش زعلانه ممكن نطلب منك طلب لو مافيش مانع
اياد:اها اكيد
نجات:سمعت انك دير ف دورات فرنسي
اياد:اها
نجات:انا كنت نبي نتعلم الفرنسي لذلك حبيت نقرا عندك
اياد:اكيييد تشرفيني ف اي وقت
نجات:ممكن توقلي المكان بس
اياد:اهو الكرت ف رقمي والعنوان
نجات:شكرا
اياد:العفوا
نجات عدت قعمزت مع البنات وروحت
واول ماروحت
مايا:كيف درتيها
نجات:تي حتي نا نجات يعني اول مانحط واحد ف راسي ناخده خديت منه الكرت ودايره روحي نبي نتعلم فرنسي.ههههههه طبعا انا خديته عشان رقمه
مايا:ههههههههههه
.............
مؤيد:حبيبتي مرايف عليك نبي نشوفك
زينه:حبيبي حتي نا مرايفه عليك لاكن مش حينفع
مؤيد:باهي امتي نشوفك
زينه: I don't now
مؤيد:والله
زينه:هههههي
مؤيد: مادخنيش بكرا نبي نجيكي ونشوفك باهي ولانزعل
زينه:باهي ياهمي
مؤيد:يا شنو
زينه:يا عيوني قصدي
...........،
جنات ناضت وراسها توجع فيها من البكاء ومتبيش تاكل وترن ع اياد ومايردش
وقعدت ع الحال هضا لمدت اربع ايام
تاكلش واجد وتبكي وترن عليه مايردش
.............
ف الجامعه
جنات:بنات انا مش حنحضر المحاضره انا حنمشي لاياد
زينه:تمشيله وين
جنات:في المعهد الي يقري فيه
دانيه:لالا
جنات:لالا محد يقولي لا انا حنمشي نبي نعرف عليش يعامل فيا هك
زينه: باهي مدام هضا الي يريحك عدي
دانيه: باهي باتك الي يبي يجي ياخدك
زينه: اتصلي بيه وقليله عمو بشير بات دانيه جاي يخدنا
جنات:تم
دانيه:باهي من يبي يمشي معاها معقوله تمشي بروحها
زينه : انا توا نمشي معاها
.............
في المعهد البنات كلهم طلعو وقعدت نجات
نجات قربت من اياد وقعدت تدحنس
نجات:انا مافهمتش هضا ممكن تفهمه ليا
اياد:اوك
خشت جنات
ولقتهم حدا بعضهم بطريقه اوڤر ويضحكو
جنات :يعني انت ماتردش عليا ومخليني خايفه عليك ومقهوره وانت عايش حياتك هنا
صبااياد بعصبيه:جنات احترمي روحك شن قصدك وبعدين انتي شن جابك هنا
جنات قعدت مصدووومه من الطريقه الي يحكي بيها معاها
طبعا نجات فرحانه وتقول ف عقلها اكيد حيسيبو بعض
جا مسكها اياد من يدها وطلع بيها بره وهيا مصدومه
اياد:والله مابتش نكلمك مخليكي تاخدي راحتك مع حبيب القلب
جنات مابتش تحكي ولا حاجه لاكن فجاه داخت
اياد نصدم وبخوف:جنات جنات حبيبتي جنات يا عمري جنات ردي عليا
وزينه تعيط
اياد:جنات حبيبتي جنات ردي عليا
شالها اياد وزينه وحطها ف سياره وقال لزينه تركب
............
الدكتور طلع
اياد: دكتور طمني
الدكتور:البنت شكلها ماتكلش جايها هبوط لازم تاكل لانها لو استمرت ع حالتها هذي حاتقعد حالتها خطيره
اياد:باهي ممكن نخشلها
الدكتور:اها اكيد
خش اياد لجنات
ودانيه رنت ع زينه عشان تطمن
خش اياد فتح الباب
لقاها راقده
قعمز ع كرسي الي حداها ومسك يدها وحبها
اياد بحزن:جنات حبيبتي
جنات فتحت عيونها
جنات برمت وجها ماتبيش تبحت فيه
اياد:جنات حبيبتي بحتي فيا
جنات مابتش
اياد اضايق وطلع
زينه:اياد كنك شن فيه
اياد:جنات مضايقه مني وبعد هضا كله طلعت نا الغلطان
زينه:اياد انت ضربت سراج ومابتش تعدل عليها وعديت وحتي رد ما بيتش ترد عليها ولاتاكل وديما تبكي شن متوقع منها
اياد: يعني انرن عليها وماتردش وبعد مانجي نالقها تكلم ف سراج وهوا ماسك يدها وتضحك
زينه:ع فكره تاليفوناتنا درناهم سايلنت لان كنا نبو نخشو المحاضره وبعدها جانا سراج قعد يسلم ويهدرز وحولنا نختصرو معاه الكلام لاكن هوا الي بارد
اياد حس روحه ان ضلم جنات
اياد:باهي انا ماشي هيا هكي هكي مش طيقتني
....،.........
طلعت جنات
اياد يبي بتأسف لجنات لاكن مش عارف شنو الحل وقعد يفكر ويبرم بسياره لين لقا روحه وقف ف حوش اميره بنت عمه نزل
اميره:عاش من شافك يا c
اياد:لكي وحشه يا شفشه
اميره حدفت عليه المخده
اميره:صار شفشه نا
اياد:حدفها بالمخده
اياد:اها هههههه
وقعمزو يهدرزو وحكالها ع الي صار بينه وبين جنات وقالتله خليها عليا
..........
اميره اتصلت ب جنات
اميره:وكان مانسأل ماتسأليش صاح
جنات:تي والله قرايه معقوله يا حبها
اميره:ههههي باهي معناها نبيكي تجيني
جنات:عليش
اميره:هكي ياهمي صاحبتي ومرايفه عليكي لازم يكون في سبب عشان نشوفك مثلا
جنات:خلاص ياهمي مطول لسانك هههههي توا نجيكي بكرا
اميره:نرجي فيكي اموووووه باي
جنات:باي
...............
طارق:ها فكرتي
دانيه:طارق انت رنيت عليا اليوم كم مره عشان تعرف رأي
طارق:118 مره لالا 117 مره
دانيه:ههههههاي وااااااك
طارق:فكرتي ولالا
دانيه:فكرت
طارق:هاقولي بسرعه
دانيه:مش موافقه
طارق بحزن:اووك ع راحتك وتشرفت بمعرفتك
دانيه:تي نبصر مواااااااافقه ياهمي
طارق:تحكي جد
دانيه :هههههي اها
طارق:ناعلي ربي يخليكي ليا يا عمري
وستمر الحديث ❤️❤️❤️
............
جنات عدت لاميره وقعمزو ف جنان وفجأه جا اياد
اياد:السلام عليكم
جنات حست بقلبها يدق بسرعه
البنات:وعليكم السلام
اميره: شن جو اياد ليك وحشه
اياد:انتي اكثر
اميره: حي عليا الشاي اكيد شاط
وعدت تجري
اياد قعد يبحت ف جنات وهيا مطبسه راسها وماتبيش تبحت فيه
اياد:رايفت عليكي
جنات...........يتبع
