احببت معلمي { 6 } ♥
وبدا اياد يضرب في سراج وعركه كبيره وجنات تبيكي جنات لما لقت اياد قريب يقتل سراج اغمي عليها دانيه :جنااااااات زينه:جنات جنات اياد تلفت ولقاها طايحه ع لوطه وحد اها زينه ودانيه يتباكو ومن غير ما يحس عدالها يجري شالها اياد:هيا انتن معايا وعدو معاه زينه ودانيه من غير ولا كلمه طبعا سراج وجه كله دموات امنيه خشت للحمام تجري قعدت تبكي:ليش هكي يا سراج انا نحبك ليش تعذب فيا هك باهي ماتحبنيش اوك لاكن ع الاقل راعي شعوري شوي ومسحة دموعها وغسلت وجها وطلعت محمد يرن ع دانيه. وما تردش وشباب في المدرسه يمسحو لسراج في وجه لان كله دم ووصلو للمستشفي اياد شال جنات وخش بيها زي الهبل اياد:دكتور دكتور جو الممرضات جابو سرير وخدو بيه جنات منه وخشوها لادكتور اياد بره وحالته حاله قعمز ع كرسي وحط ايده ع راسه والبنات مقعمزات مقبلاته ويبكو جوري جوها بنات خلاتها وهيا مقعمزه معاهم وخطر عليها اسامه جوري:شوي بنات توا نجي مرام:خودي راحتك رن تاليفون اسامه اسامه:الو منو معايا جوري زعلت تحسابه سجل رقمها جوري:اهلا انا جوري اسامه:اها شن جو جوري جوري:تمام انت شن جوك اسامه:الحمدالله تمام جوري:من بدري نرن عليك لاكن نالقا فيك مشغول اسامه:اها نكلم في الكبيده جوري حست بحاجه وجعتها لاكن مابتش تعدل جوري:خطيبتك اسامه:لالا لاكن ام شاءالله ح تقعد جوري:اها باهي ان شاءالله اسامه:تسلمي جوري:باهي سالت ع تاكلفة السياره اسامه:سراحتا انا صلحت السياره جوري:كنك ما قلتلي باهي كم التكلفه اسامه:انا اصلا هكي هك مش واخد منك فلوس لاكن انا خديت رقمك بالعاني عشان نتعرف عليكي جوري بضيق:اهااااا تتعرف عليا ماهو بنات الناس لعبه تكلم كبيده وتبي تتعرف خزي رجاله ما تحشم وسكرت في وجه اسامه طبعا منصدم وكل شويه يرن عليها ومتردش. قفلت نقالها وطلعت تهدرز مع بنات خالاتها اما اسامه ركبت فيه النار حدف النقال وطلع ولع سيارته وقعد يبرم في الشوارع الدكتور طلع من عند جنات اياد جا يجري بسرعه اياد:كنها يا دكتو شن فيها اياد:عندها انهيار عصابي عطيناها ايرة مهدي وهيا توا راقده اياد:باهي نقدر نشوفها الدكتور:ماحد يقدر يشوفها الا الي يقربلها دانيه:نحنا صحباتها ممكن انخشولها الدكتور:لالا لازم حد من هلها بس اياد: انا خطيبها الدكتور:اوك انت تقدر تخش البنات: خش اياد قعمز اياد ع كرسي الي حدا سرير جنات ومسك يدها اياد:جنات سامحيني انا عارف انا الي سببتلك المشكله بسبب مشاعري لاكنوالله ما تحملت انك تحبي وترتبطي بشخص جنات انا نحبك وحب يدها وطلع جنات فتحت عيونها وعيونها دمعو وقلبها يدق جنات طلبت من الدكتور ان يدخل صحباتها خشو البنات دانيه:جي جي نضتي يا روحي زينه:حبيبتي خوفتينا عليكي جنات:الحمدالله انا كويسه وقعمزو معاها البنات وغيرولها جوها دانيه:لاكن استاذ اياد ناعلي منه كان تشوفي كيف نهبل عليكي وشالك ولدكتور قال ممنوع يخشو الا الاقارب قال للدكتور انا خطيبها لالا العطيب مكبد بالحيل اخري زينه:لاكن زعما شن صار في سراج وشن يبو يديورو لاياد بعد الضرب الي ضربه لسراج جنات بزعل:ان شاءالله خير .......... طبعا جنات كلمت هلها وجو لاكن البنات قالولهم روحو نحنا حنقعدو معاها رن نقال دانيه دانيه :حي عليا هضا محمد من الصبح ماكلمتاش اكيد مشغول وطلعت لاجنينه متاعت المستشفي دانيه:الو محمد:وينك من الصبح مش محصلك دانيه:سوري لاكن جنات داخت وتوا قاعده معاها انا وزينه في المستشفي محمد:معقوله باهي كيف حالها توا دانيه:اهي الحمد الله تمام محمد:باهي حمدالله ع سلامتها دانيه:الله يسلمك محمد:رايفت عليكي دانيه:حتي نا واستمر الحديث اياد روح خدا شور ويفكر في جنات بعدها طلع اتصل بي مؤيد مؤيد:تي وين يا برووو كنك ما ترد اياد:والله راقيلي وحالتي مايعلم بيها الا ربي مؤيد:تي شنو الي مضايقك يا صاحبي تعال اياد:لالا فوت مؤيد:تي خمس دقايق تالقاني قدام حوشك جا مؤيد خدا اياد يغيرله جوه شويه اياد:نبي نشوفها نبي نطمن عليها مؤيد:تي انت مجنون اكيد البنت توا مضايقه ومش حتعطيك فرسه تحكي معاها اياد:مالياش علاقه حتي لو مش طيقتني نبي نشوفها المهم سكر راسه وطبعا اياد وافق عشان هوا صاحبه من زمان وعارفه بعد يتعصب شن تكون حالته المهم وصلو للمستشفي زينه مقعمزه مع جنات ودانيه في جنينة المستشفي تهدرز مع محمد زينه:جي جي انا جعانه نجيبلك حاجه معايا جنات:اها وجيبي حتي ل دانيه اكيد حتي حتي هيا جاعت زينه:اووك طلعت زينه وعدت للكافتيريا تجيب وكال ....... اياد:ارجاني هنا مؤيد:اووك مؤيذ حس بعطش وعدايجيب شيشة امياه فا عدا للكافتريا وصبا ورا زينه رن نقاله مؤيد:الو نعم يا جوري اوووك حاضر من عيوني يالحب {طبعا جوري اخته} وخبط في زينه من غير قصد تلفتت عليه زينه زينه:هي يا بابا افطن مؤيد:غير بشوي مش قصدها زينه:باهي مره ثانيه شوف قدامك مؤيد:ليش تشوفي فيا اعماء زينه:والله كل واحد ادرا بروحه مؤيد :اها شكله لسانك طويل يا فرخه زينه:احترم روحك وما تقولش يا فرخه مؤيد بستفزاز:لللل نبي نقول فرخه يا فرخه زينه كان معاها كباية مياه كبتها ع وجه مؤيد طبعا تعبا مياه مؤيد منصدم: زينه:بيش مره ثانيه تقول فرخه وعدت تاخد طالباتها من الجيها الثانيه ومؤيد مزال منصدم ويبحت فيها ........ اياد خبط الباب جنات:زينه خشي يا همي اياد فتح الباب :ممكن نخش جنات بتوتر لابسه توتها وشعرها مطلوق من غير وشاح نجنات:اها تفضل {نست الوشاح بكل} اياد:جنات انا اسف جنات تقاطعه اياد مش داعي تتاسف انا سمعت ك من بدري وعرفت كل حاجه اياد مصدوم:يعني تعرفي اني انا نحبك جنات بحشم:حركة راسها بي معني اها اياد: انا عارف ان حبي مش حياثر فيكي وانك ما تحبنيش وانك علي علاقه مع سراج لذلك انا بس كنت جاي عشان نتاسفلك علي الي سببته لكي اليوم وصبا يبي يمشي جنات من غي ما تفكر:ومن قالك انا ما نحبكش اياد تلفتلها:يعني قدك تحبيني زي ما انا نحبك جنات بحشم وبخدود حمر:حركة راسها بي معني اها اياد:باهي وسراج مش انتي دايره علاقه معاه جنات:مافيش منه الكلام هضا انا سراج معرفتاش الا سنه هذي انا ما نندريش هوا شن يعتبر فيا لاكن انا نعتبر فيه ك زميل مش اكثر اياد قرب منها انا مش بس نحبك انا نموت فيكي {جنات التغطيه راحت من عندها} جنات:اييييياد اياد:ههههههه ناعلي نا من الحشومه جنات:اياد اياد:عيون اياد جنات:هيا امشي قبل ماحد يجي اياد:لالا مش ماشي الا لما تقوليلي نحبك جنات:اياد اياد:خلاص مش ماشي وخليهم يجو جنات:خلاص باهي نحبببك اياد:وانا نموت فيكي لاكن ناعلي من السماحه والشعر ترييييف يا بنت جنات:حي عليا نسيت بكل اياد:هههه حي عليكي تنسيها قدام حد بعدها نقتلك جنات:ناعلي نا من الي يغير اياد:وكان ماغرت عليكي ع من بنغير جنات:نجك ليا اياد:وليا نجك دبالك من روحك جنات:حاضر حتي انت اياد:اوك سلام جنات:سلام .......... مؤيد يبحت في زينه ونار بتطلع منه اما اياد طالع يغني ويرقص {سبحان من غير الاحوال} مؤيد:هيا يا باتي هضا كله اياد:غير تهزب وكنا دبشك مياه مؤيد:انا عقاب بنت اديرلي هك اياد:من دار فيك هك ههههههه ارجي شوي هذي زينه اياد:زينه زينه زينه :خير استاذ اياد اياد :خيرات طبعا استغربة لما لقاته مع اياد ومؤيد استغرب بمعرفتهم هذي هيا الفرخه زينه بعصبيه:معش تقول فرخه خيرلك مؤيد:فرخه زينه : قتلك معش تقولها اياد: غير وسعو بالكم خليني نعرفكم ع بعض هضا مؤيد صاحبي وهذي زينه صاحبة جنات زينه : هضا صاحبك مؤيد : هذي صاحبتها اياد: ههههههههههههههههههههههههه اها مؤيد: ان شاءالله بس جنات لسانها مش طويل كيف هذي زينه : والله انا لساني طويل مع الي كيفك وقعدو يتعاركو واياد يحز ويضحك لاكن في الاخير بكل حزها وخدا مؤيد وعدا مؤيد وايد في سياره مؤيد : بنت جالطه اياد: لاكن طرف وطيوبه مؤيد : اها بذات لسانها طرف بكل اياد: ههههههههههههههه جنات: هضا كلا ياهمي دانيه: قريب نرقدوووو زينه: اسكتو كنت اندير في عركه دانيه: كدابه تعالي احكي جنات: احكي احكي وانتي ديما لسانك متبري منك وحكتلهم زينه القصه جنات ودانيه : ههههههههههههي وقعمزو البنات يتعشو واياد اول ماروح رن ع جنات جنات: قصدك هضا رقمك الي ديما يرن عليا وما يحكيكش اياد: اها كنت نحب نسمع صوتك وستمو الحديتث للفجر ناض في صبح دز مسج لجناج صباح الفل والياسمين وعدا يشوف شن يبو يقولوله في المدرسه خشت مكتب الا داره المدير: شوف شوف يا اياد ان خليتك اتقري رغم صغر سنك قلنا اوك لاكن انك تضرب طالب هضا ممنوع منعا باتا لذلك ياسفني اني انقولك انك مرفود
