احببت معلمي الحلقه { 16 } 🎀
الشخص:لو سمحتي راجلك دار حادث
جوري من كثر الصدمه حست الدنيا تبرم بيها وداخت وبخو عليها اميه لين استوعبت
امها:جوري حبيبتي كنك. فيش تحسي
جوري:لالا شي مغير راسي
امها :هضا من قلة لوكال يا بنتي
..........
وصل الخبر لهل اسامه
طبعا الحادث كان بسيط
جو يجرو ويتباكو
وخشو ع اسامه لقو
ف دار لاكن مجبسين يده وراسه عليها لزقه
امه خشت تضبط فيه هيا وباته وجنات تبكي هيا وتسنيم وهنادي جت تجري هيا ومعتز وزينه ودانيه.
اسامه:ماتبوش تروحو
هنادي:هههههه عليك لز لالا نبوش نروحو
اسامه:لالا والله نحكي جد روحي انتي وراجلك امشي لبنتك
هنادي:وانت نخليك بروحك
اسامه:بروحي منو تي امة محمدكلها قاعده عندي ف دار ههههههه
معتز:صاح خلاص خليه يتريح
هنادي:باهي خلاص توا نجوك بكرا
اسامه:اوك
اسامه:امي نبيكي تخطبيلي جوري
امه:حاضر يا وليدي انا ما يهمنيش الادسعادتك دبينك تبيها ومتماسك بيها لهدرجه توا نخطبها لك اسامه حب ع يد امه
اسامه:ربي يخليكي ليا
دانيه وزينه كل وحده جاها باتها وروحو
وجنات امها قالتلها روحي انتي واختك عندكم مدرسه توا نقعد انا وباتك معاه
جنات:لالا انا توا نقعد معاه انا
تسنيم:لالا نا
اسامه:لالا محد يقعد معايا مؤيد توا هوا واياد جايين بيتين معايا هيا روحو
جنات سمعت اسم اياد❤️❤️❤️
واول ماروحو هله رن ع جوري
جوري قعدت تبكي:حبيبي حمدالله ع سلامتك
اسامه:اسسس معش تبكي
جوري:خفت عليك
اسامه:ناعلي نا
جوري:باهي توا تحس بي حاجه
اسامه:لالا ياهمي قاعد نهدرز معاكي وجوي تمام
وستمر الحديث
......
طمن اسامه جوري ع روحه وقاللها بنجو نخطبك
.......وبعد فتره اسامه خطب جوري 💍
مؤيد رن ع زينه
زينه قلبها قعد يدق❤️❤️❤️
زينه:الو
مؤيد:اهلا يا صاحبتي العزيزه
زينه:اهلين شن جوك
مؤيد:تمام نبي نطلب منك طلب
زينه:نعم تفضل
مؤيد:اليوم عيد ميلاد نسرين ونبيكي تقوليلي شن نجيبلها
زينه حست بموس ف قلبها ومعش ردت
مؤيد:الو الو زينه انتي معايا
زينه:ا ا. ا اها معاك 😭
مؤيد:باهي قوليلي البنات شن يحبو
زينه: البنات يحبو الدبب والورد والعطور
مؤيد: وشنو اخري
زينه:مؤيد لو سمحت راسي توجع فيا
مؤيد:باهي اسف تعبتك معايا
زينه سكرت ف وجه وقعدت تبكي كيف يطلب منها طلب هكي 😭😭😭😭
بعدها نسرين كلمت البنات كلهم عشان يجو عيد ميلادها جو البنات كلهم ودارولها جو وغنو ورقصو
وبعدها زينه جت تبي تخش الحمام سمعت نسرين تكلم ف دار
نسرين:الو حبيبي وانته طيب شكرا ع الهديه تهبل
زينه تسمع فيها ومقهوره لاكن انصدمت بعد ما سمعت باقي الكلام
نسرين:نزار حبيبي
زينه طول خشتلها الدار وسكرت الباب
نسرين سكرت ع نزار
نسرين:انتي كيف تخشي عليا
زينه:انا شن الي سمعته توا انتي تخوني ف مؤيد
يعني هوا يستاهل منك هكي انتي مش عارفه كيف يحبك انتي مش عارفه اليوم كيف سألني عشان ياخد راي في الهديا والمفاجأه الي دايرها لكي معقوله انتي اديري هكي باهي حتي لو ما تبيش هضا ف الاخير ولد عمك
نسرين:زينه اسمعيني
زينه:مانبيش نسمعك انتي لايمكن يكون عندك احساس
نسرين:نسرين اسمعيني بس
زينه:نعم شن الي تبيني نسمعه
نسرين:انا من زمان كنت نحب واحد اسمه نزار وهوا كان يحبني كنا نحبو بعضنا من وحنا ف ثانوي لاكن ضروفه ما كنوش يسمحو ان يجي يخطبني ف انا كنت نقوله انا توا نرجيك لان مسحتيل هلي يوافقو عليه بحالته هذي ومؤيد وقتها كان يحبني لاكن انا ماكنش في بالي غير نزار وبعدها بفتره عمي كلم باتي وقاله نبو نسرين لمؤيد
وانتي عارفه العوايد باتي ما يقدرش يرفضه لانه هضا خوه
كلمت نزار ونا نبكي وقتله كل حاجه قالي خلاص وافقي وربي يهنيك ويسعدك
انخطبت المؤيد وقلت خليني نسكر صفحة نزار من حياتي لاكن ماقدرتش
وتو من شهر كلمني نزار وقالي ان هوا سافر وشتغل بره وتوا حالته كويسه وقالي ان مزال مانساني
زينه:لاكن انتو ديما يقولو ان احلي علاقه علاقة مؤيد ونسرين
نسرين:العيله من نحنا صغار يقولو نسرين لمؤيد ومؤيد لنسرين يعني تقدري تقولي مكتوبين لبعضنا من وحنا صغار مع اني ماعنديش اي شعور تجاه مؤيد
زينه:لاكن مؤيد مافكرتيش ف قلبه
نسرين : ماهو انا ماعنديش وجه انقوله زينه انتي تستحقي مؤيد انا مانسنحقش لاكن لو عندي عندك خاطر انتي قوليله وفهمي بس ان كل هضا غصبا عني لان انا صعب عليا نقوله له
زينه:لالا
نسرين:زينه
زينه:لاكن
نسرين:عشان خاطري
زينه:باهي خلاص توا نقوله
روحو البنات
وكانو بايتين عند دانيه
زينه حكتلهم كل حاجه
وكلهم منصدمييين طبعا
.........
زينه اتصلت ب مؤيد
مؤيد:هلا بالعسل
زينه:مؤيد نبيك ف موضوع
مؤيد:تفضلي
زينه:هوا يخص نسرين
مؤيد:موضوع شنو احكي
زينه تمسكت وحكتله كل حاجه وقالتله ان. نسرين غصبا عنها
مؤيد:انتي كذابه
زينه:لاكن
مؤيد:انا صاح اعتبرتك صديقتي لاكن يا خساره ماكنتش نعرف انك غيوره لهدرجه عشان تعركتي مع نسرين من قبل اطلعي عليها الاشاعه الحقيره هذي يلا وجك معش تكلميني ومعش نبي نشوفك ولو صدفه وسكر ف وجها
زينه طاحت ع الوطه وجوها البنات
جنات:زينه حبيبتي زينه
دانيه:زينه.
وقعدو يبخو عليها
وهذي كانت اخر مكالمه بين زينه ومؤيد
...............
وبعد فتره
زينه سكرت ع قلبها بعد الصدمه الي انصدمتها من مؤيد💔
وجو الامتحانا
دانيه تعلقت ب طارق واجد وقعدت ما تقدرش ترقد يوم الا لما تكلمه وهوا كذالك
البنات جو وامتحنو
وجا يوم جنات ماكنتش قاريه كويس لانها كانت مريضه وكان شارف عليها اياد و ابله بارده وسوسه
اياد جا عند جنات وقاللها بصوت واطي ماتطلعيش
جنات استغربت حركت راسها بمعني باهي
الابله البارده فطنت
دانيه وزينه جو يبو يغشوها لاكن ماعرفوش لان كل وحده ف مكان وبعيده عن الثانيه والابله هذي مش مسيبتهم ف حالهم
وبعدها كلهم طلعو الا زينه ودانيه وجنات
زينه ودانيه مابوش يطلعو عشان جنات
{ناعلي هذي هيا الصحبه الحقيقيه تخطر عليا بالادمن توتي ماتطلعش من الامتحان الا لما نكمل ا😘}
اياد:استاذه منيه تقعدري تمشي توا نشرف عليهم نا
منيه:لالا خليني مش حتعرف بروحك
اياد:غير ما عليكي فيهم
طلعت الابله
اياد:بنات من اشطر
واحد عندكم ف الفصل
جنات:هضا الي يالبس ف نضرات شن اسمه
دانيه:ههههههه اشرف
طلع اياد ورقة اشرف وبدا يغشش فيهم😜😜
........
وبعدها البنات كملو الامتحانات
وبدو يوتو لفرح اسامه
موالح وجو وف الوقت هضا لازم زينه تشوف مؤيد
جا يوم الفرح
جوري كاينه طالعه تهبل لاكن كانت متوتره
وجنات لبست قفطان قصير اسود ومن عند الايدين مشبك ودارت تسريحه فوق وكعب
دانيه لبست قفطان قصير ذهبي بالاسود وكانت طالقه شعرها وزينه لبست قفطات احمر ضيق من فوق ومن لوطه مبوج ودايره شعرها فلو
جنات :زينه حبيبتي اختك تبيكي بره
زينه:بره وين
جنات:عند باب الصاله
زينه:اوك
وعدت
عدت جنات لاختها
اختها متجوزه
مرام:وين مقعمزين ماما وعميمه
زينه:في اول طاوله ع اليمين
مرام:باهي وين الحمام
زينه:اهوا
مرام:باهي ارجيني نسقم روحي ونجي معاكي
زينه:تم نرجي فيكي
زينه ترجي عند الباب وخش مؤيد لان امه تبيه. ولقا زينه زينه طبعا مش فاطنه قاعده تتمشي
وهوا يبحت فيها تهبل طالعه❤️
وبعدها جت امه قعدت تسأل ناقصهم حاجه الرجاله ولا لا وبعدها طلع
البنات يتراقصو ويعيطو خشت جنات علي اغنية {درجي يا احلي عروسه}👰
وبعدها خش اسامه وكلهم يتعايطو كان طالع يهبل البنات بدو يتراقصو ويغنو 🎤🎸🎼🎵🎶
....................
اياد: ياروحي نبي نجي نخطبك
جنات:اياد ارجي ع الاقل نكمل قرايتي
اياد:لالا مزال واجد ع قرايتك انا نخطبك ع الاقل بيش يعرفو انك شوري تمام
جنات:باهي تمام يا همي
اياد:يا شنو
جنات:يا غلايا ❤️
اياد:اها نحساب😂😒
.............
مؤيد مقعمز ف حوشهم وقاعده حداه نسرين
نسرين عدت للمطبخ تساعدهم ف الغداء
وبدا تاليفونها يرن
مؤيد قعد ينادي عليها وماتردش
بعدها خدا تاليفونها ورد لاكن مابش يدوي
نزار:ها نسرين حبيبتي كنك ماتردي من بدري ونا نرن عليكي نبي نسألك شن صار ف موضوعنا❤️
مؤيد:😡😡😡.......يتبع
