احببت معلمي { 9 }🎀
طبعا جنات كان حد ضربها كف قاعد منصدمه
مايا: الو
جنات:........
وطاح
منها النقال البنات انفجعو ناضو
سكرت مايا النقال ورداته كيف ماكان
زينه:جي جي حبي كنك
جنات:............
دانيه:جنات يا عيوني كنك
جنات قعمزت ع الوطا ونهارت في البكاء
البنات قعدو يهدو فيها لييين هدت وبعديت حكتلهم
زينه:خزي الحقير
دانيه:صراحتا مش مصدقه ان اياد يدير هكي
جنات تبكي ومنهار قعدو يهدو فيها البنات لييين رقد
.............
خش اياد لداره ورن ع جنات ناضت جنات لقت رقمه قلبها وجعها مابتش ترد ورن اكثر من مره لاكن اخر مره سكرت فيه وجه وقفلت التاليفون ورقدت
طبعا النار ركبت في اياد رن لقا التاليفون مقفل عزق النقال
اما جنات حطت راسها ع المخده وقعدت تبكي بصوت واطي عشان البنات ما يسمعوش
وقعدت تبكي ومسكتها العبره لييين رقدت
.........
ثاني يوم
جنات:صباح الخير
دانيه:قصدك مساء الخير هيا تعالي افطري
جنات:لالا نبي قهوي بس راسي توجع فيا
دانيه:من عيوني
زينه:حتي نا صبيلي معاها
دانيه:اوك
وبعدها البنات تغدو وجا بات جنات روح بيها
في طريق
باتها محمد: ارجي نجيب طلبات الحوش
جنات:ننزل معك باهي تعالي
ونزلت هيا و باتها وخشو سوبر ماركت
باتها محمد :ارجي نجيب كروسه وانتي شوفي الحاجه الناقصه
جنات :اوك حاضر
.............
مؤيد:الو يا برو وينك
اياد: والله جوي بعععع بكل
مؤيد: كنك احكي شن في
حكا اياد ل مؤيد
مؤيد :بالك البنت عندها ضرف
اياد :والله ما عارف ان شالله خير يلا سلام
مؤيد: ان شاءالله اوك سلام
اياد مقعمز في السياره ويفكر عليش ما تبيش ترد وجا بياخذ دخان لاكن لقا الدخان كمل نزل ل سوبرماركت عشان يجيب
سمع صوت مش غريب عليه
جنات:زينه نعم ياحبي شن في
زينه:جي جي راكي نسيتي شحنك
جنات:واااااك ع جو الشين
زينه:باهي خلاص توا نجيبا لكي بكرا ف المدرسه
جنات:او تم
جنات سمعت اسمها وقلبها قعد يدق ويوجع فيها تلفتت لقاته اياد
اياد:جنات كنك ما تردي ع تاليفون
جنات:.............
اياد:نحكي معاكي نا
جنات:هذي حاجه تخصني
اياد بعصبيه :جناااااات
وفجأه جا باتها
باتها محمد:منر هضا
جنات بتلبك:ه ه ه هضا استاذ اياد استاذي كان يقري فيا فرنسي
باتها:اها كيف حالك يا وليدي
اياد:الحمدالله ياعمي كيف حالك انت
باتها:الحمدالله بخير
اياد:دوم ان شاءالله وهي سلام نستأذن
باتها :اذنك معاك يا وليدي
وروحو جنات وباتها جنات اول ما وصلو خشت دارها وطاحت ع سرير وقعدت تبكي
.........
اسامه يفكر في جوري كيف حلوه ومحترنه وعسوله رن عليها
اسامه:الوو جوري
جوري:اهلين اسامه شن جوك
اسامه:الحمدالله تمام انتي شن جوك
جوري:والله حال لقرايا
اسامه:ايوا هك ركزي في قرايتك وما تخيبيش ضني وربي يوفقك
جوري:اوك هههههه ان شاءالله
اسامه :ايوا هك ههههههههه
جوري:هههههههه باهي خليني نقرا ماتعطلنيش
اسامه:باهي اقري يا فالحه ههههه سلام
جوري:سلام
.........
اياد عدا الحوش مؤيد
اياد رن ع زينه عشان يسالها كنها جنات لاكن زينه شافت رقمه ما بتش ترد
اياد:مؤيد نبي نطلب منك طلب
مؤيد:تفضل
اياد:نبيك ترن ع زينه وتسال ع جنات
مؤيد:مستحيل نحكي مع جالطه هذي
اياد:باهي منور براحتك
مؤيد:باهي هات الرقم يا همي
وخدا الرقم ورن ع زينه
مؤيد:الوو
زينه:منو معايا
مؤيد:انا مؤيد صاحب اياد
زينه بعصبيه:شن تبي انت وكيف جبت رقمي
مؤيد: انا ران عشان اياد يبي يعرف جنات كنها
زينه:ههههعي فيه الخير العطيب قول لصاحبك بنات الناس مش لعبه
مؤيد:غير شن في بس اياد شن دار
زينه: قصدك قول شن ما درش صاحبك امس جنات رنت عليه ردت عليها وحده وقالتلها انا خطيبة اياد خزي يحسابو بنات الناس لعبه يخليها تتعلق بيه وبعدها يطلع خاطب
اسمع الرقم هضا معش ترن عليه مره ثانيه
وسكرت في وجه
اياد:شن قالتلك
مؤيد حكا لاياد الي قالته له زينه
اياد:شن الي تقول فيه هضا بس 😠
ومن اصلا بيرد ع نقالي
مؤيد:بالك حد حش دارك
اياد:مايا
مؤيد:مايا منو
اياد:مافيش غيرها
طلع اياد يجري من غير ما يرد ع مؤيد
..........
ام جنات امينه:جنات تعالي كولي
جنات:عنديش نيه
امينه:كنك يا بنتي شن فيكي ما ذقتي شي
جنات:ما فيا شي يا ماما عنديش نيه بس
نبي نرقد
وخشت دارها فتحت دولاب وطلعت الصندوق الي جابها لها اياد وهدت الدب اضبطاته وقعدت تبكي😩😭😭
............
اياد وصل الحوش
مايا كاينه مقعمزه مع امها وامه
اياد:مايا مايا
امها:شن في
امه:امشي شوفي شن يبي
عدت مايا وعيا جسمها يرعش
اياد:انتي دريتي ع تاليفوني
مايا:ها لالا
اياد:متأكده
مايا:اها انا الي رديت في مانع
اياد:وقتي انك خطيبتي
مايا:اها
اياد شدها من شعرها وبدا فيها ضرب 👊
الصبايا:وااااك شن في
ام اياد: اياد سيب البنت
ام مايا:سيب بنتي خيرلك
اياد......يتبع
