احبتت معلمي الحلقه { 17 } 🎀
مؤيد شاطت فيه النار كسر التاليفون وعدا المطبخ وشد شعر نسرين
الصبايا قعدن يتعايطن خدا نسرين ونسرين
تعيط
نسرين :مؤيد حول خيرلك
خش بيها الدار وسكر بالمفتاح وبدا فيها كفوف انا تخوني فيا يا حقيره يا وطيه انا الي خاليتيني نهزب اعز الناس عشانك وطلعتي ف الاخير وحده خاينه وحقيره وبدا يضرب فيها بحزامه وصبايا يتعايطو بره
وام نسرين: مؤيد سيب البنت خيرلك
فتح مؤيد الباب
مؤيد:شوفي بنتك المحترمه شن دايره ماشيه وداير علاقه مع واحد وهيا مخطوبه انا بنتك هذي معش نبيها وهذي اخر مره نشوفكم هنا
ام نسرين: هكي يا نعيمه عاجبك الي وليديك يقول فيه
ام مؤيد:اها عاجبني دبينه بنتك طلعت هكي معش نبوها
ام نسرين انقهرت طلعت وهيا مقهوره معها نسرين وهيا تبكي واول ماوصلو الحوش
امها عطتها طريحه
..................
مؤيد قعد يذكر كيف هان زينه وشن الكلام الي قاله لها غمتله طلع ولع سيارته وعدا لاخته جوري لان هيا الوحيده لما يزعل يحكيلها وهيا عارفته ان يحب زينه
مؤيد:انا مش عارف كيف قتلها هكي
جوري:انت تحبها
مؤيد: اها نحبها لاكن مستحيل حتسمحني
جوري:ع فكره حتي هيا تحبك والي يحب اكيد يسامح
مؤيد:قصدك هيا تحبني كيف عرفتيها
جوري:البنت واضح عليها لما نسرين تحكي عليك وجها يتغير
مؤيد: اها حتي نا يوم عيد ميلاد الحقيره هذي كلمت زينه وقتلها وقتلها شن نجيبلها قالتلي شن البنات يحبن وبعد قتلها شنو اخري تعقدت وقالتي راسي يوجع فيا
جوري:اه يا ناري عليها عليك طلب حتي انت كاني مكانها كان هزبتك
مؤيد: باهي شن الحل
جوري: بعد بكرا نبي ندير لمه للبنات لان ماجونيش ف حوشي بكل تعال انت
مؤيد: والله فكره ناعلي منك اها صاح وين اسامه
جوري: بيش تعرف ف العمل
مؤيد:باهي امته اللمه
جوري:يوم الاثنين
مؤيد:اوك تم نتلاقو سلام
جوري:سلام
..........
اياد قعد مدرس فرنسي لان كان عايش ف فرنسا وحالتهم فوق الريح وعيلته راقيه بكل
كلم هله وقاللهم نبي نخطب هله وافقو
ايمان ام اياد كلمت امينه ام جنات وقالتلها انهم يبو موعد
ام جنات وافقت
دانيه:خودي نفس
زينه:هههههههه
جنات:زينه بطلي ضحك خيرلك
زينه: باهي به هههههههه
جت ام اياد وخواته الاثنين وكانو عيله راقيه حتي ف كلامهم ولبسهم
نعيمه ام جنات قعدت تهدرز مع ايمان ام اياد
وبعدها خشت جنات تقدم ف العصير وقعمزت
ام اياد قعدت تبحت فيها كويس
وطبعا جنات ماتحبش حد يبجت فيها
لاكن البنات قالولها خليكي cute
جنات ودانيه وزينه قعدو يهدرزو مع سوزان وملاك اخوات ايادالمهم ام اياد قالت لام جنات توا نرد عليكي لعند مانسألو عليكم
.............
جا يوم الاثنين الي مؤيد يرجي فيه بفارغ الصبر
البنات قعدات ف حوش جوري جا مؤيد وقعد ف الجنان ورن ع جوري
جوري:زينه حبيبتي
زينه:نعم
جوري: نبيكي بس تشوفيلي امل صاحبتي جت ولا لا
زينه:اوك تم
طلعت جنات وكانت لابسه سروار جينز وبلوزه بيضاء وطالقه شعرها
واول ماطلعت تفاجأت لما لقت مؤيد جت تبي تخش مسكها من يدها ومشا بيها من الجنان من لاوره
زينه:مؤيد سيبني
مؤيد:زينه حبيبتي انا اسف
زينه:اسف ههههههي اسف ع شنو
مؤيد:زينه انا عارفك تحبيني ونا نحبك عليش تكسري ف قلبنا
زينه بدو دموعها ينزلو
زينه: انا صاح ما ننكرش اني حبيتك بس لأسف نادمه اني ف يوم حبيتك انت
حتي وانا ف عز قهرتي منك كنت ندعيلك ولما البنت قالتلي قولي لمؤيد قتلها لا مش حنقول عشان ما نبيش تكسر قلبك لاكن هيا اسرت عليا اني نقولك وبعد ما قتلك ههههههي طلعت كذابه ومعش بتشوف وجي انا الي من اليوم معش بنشوفك
ودفاته وخشت
مؤيد وجعاته وحس روحه ان كان معاها حقير طلع وركب السياره وعدا وهوا مقهور
خشت جنات للحمام مسحت دموعها وطلعت
وقعدت مع البنات
..................
رنت ام اياد ايمان علي ام جنات وقالتلها خوديلي موعد مع الرجاله
عدت ام جنات وقالت لراجلها طبعا سألو ع العريس الاول وبعدها عطوهم موعد
جا يوم الدف جو الرجاله يدفعو
والرجاله دفعووو
..................
اياد كلم جنات واتفق معاها انهم يردو زينه ومؤيد
قاللهم تعالو تعشو ف مطعم مؤيد
البنات قالو اوك الا زينه
ماوفقتش
جنات:زينه حبيبتي انا عارفتك عليش ما تبيش تمشي لاكن صديقيني مؤيد مش قاعد
زينه: كيف معقوله يبي يسيب المحل متاعه
جنات:يا غبو ماهو مسيبه ل اياد
وبعد اقناااااااع وافقت
............
جوري مقعمزه هيا واسامه
جوري:حبيبي نبي نمشي عند هلي
اسامه:امتي
جوري:بكرا
اسامه:اوك يا روحي توا نشيلك
جوري:ناعلي ربي يخليك ليا
اسامه: ويخليكي ليا
جوري حطت يدها ع فمها وناضت تجري للحمام ترجع ناض وراها اسامه
اسامه بخوف:حبيبتي كنك فيش تحسي
جوري:مش عارف حسيت بكبدي
زاعمه
اسامه:باهي نشيلك الدكتور ياروحي
جوري:لالا
وهيا طالعه حست ب دوخه مسكها اسامه و شالها للدكتور غصبا عنها
................
الدكتور:مبروك المدام حامل
اسامه فرح :الله يبارك فيك يا دكتور
روحو
اسامه:يعني انا قعدت اب
جوري:هههههي اها هوا صاح مش ماشي معاك دور الاب لانك طايش لاكن اهو
اسامه:شن قصدك
جوري:هههههي انبصر ياهمي تي انت احلي اب ف العالم
اضبطها ❤️❤️
اسامه:ربي يخليكي ليا يا غلايا
جوري:ويخليك ليا يا روح غلاك
............،،،،،،،،،،
البنات عدو لمطعم مؤيد
تعشو البنات وبعدها مؤيد ركب الدور الثاني من المحل وجا مقابل الطاوله متاعتهم وخدا مكريفون
مؤيد:السلام عليكم
الناس كلها الي ف المطعم قعدو يبحتو
جنات قعدت تضحك واياد غمزلها. زينه طبعا مصدومه
مؤيد:يا جماعه انا في بنت نحبها ونموت فيها وكان سيبتني نموت يرضيكم اني نموت
الناس :لالالالالا
زينه تبحت فيه وقلبها يددق
مؤيد : ياهو هيا البنت الي نا نحبها وهيا توا زعلانه مني اقنعوها ليا
الناس:هيا سمححيه
جتها بنت صغيره قعدت تشد فيها من دبشها وكلهم يضحكو
البنت:عميمه
زينه:نعم يا روحي
البنت:سمحي عمو حرام
كلهم:هيا هيا هيا
زينه...........يتبع
