احببت معلمي { 11 } 🎀
ردت جوري ع تاليفون بس ما بتش تحكي ومسكتها العبره
اسامه:..............جوري
جوري:...................
اسامه:رايفت عليكي
جوري قعدت تبكي وتشهق
اسامه: جوري جوري معش تبكي ما نتحملش نسمعك تبكي باهي قوليلي
قوليلي بس عليش تبكي
جوري : حتي نا رايفت عليك
اسامه:جوري انا انا نحبك ❤️انحبك يا جوري ولو تعرفي بعد خشيني المستشفي كيف كان حالي
جوري:........
اسامه:جوري اناعارف اني زعلتك وغلطت ف حقك و...
جوري تقاطعه:حتي نا نحبك❤️
{ احلا شعور لما يعترفلك الشخص الي تحبي بحبه ،،،،،كنكم تبحتو فيا حتي نا مش مجربته راهو الشعور هضا😠}
جوري:انت تبرعتلي بدم
اسامه :ولو نلقي نتبرعلك بقلبي
جوري:❤️❤️❤️❤️
وستمر الحديث بينهم ناعلي عسل هما الاثنين
...........
اياد:حبيبتي انتي عندك خوكي اسمه اسامه
جنات:اها كيف عرفت
اياد:........حكالها القصه كلها
جنات:😧😧😧 حي عليا كان عرف اني نكلم فيك
اياد:من وين بيعرف يا هبله
وستمر الحديث
............
مؤيد مش جايا نوم و يبي زينه ترد عليه ومقهور انها هزباته وسكرت في وجه رن ع اياد
مؤيد:الو اياد
اياد:في حد يرن ف الوقت هضا😠👌
مؤيد:اياد نبي نسألك سؤال
اياد:شن تبي تسأل الساعه 4 ونص وبكرا عندي مدرسه
مؤيد:بكرا عندك الحصه الكم
اياد:عليش
مؤيد:تي غير جاوب بس
اياد:الثالثه
مؤيد:باهي تمام هي تصبح ع خير 😘
اياد:غير صبرك
طوط طوط طوط مؤيد سكر في وجه
اياد:هضا يا اما حمار يا اما حمار
..........،،..،.،،،،
جا ثاني يوم
البنات مقعمزات وجت حصة اياد
اياد كيف بادي يشرح الدرس دق الباب
ابله ايناس:لو سمحت استاذ نبو زينه شوي عشان ولد خالتها يبيها
زينه:😧😧
صبت زينه وهيا مش عارفه شي نزلت
لقاته في الاداره
زينه بصوت عالي :انت😱😱
مؤيد قعد يفنص فيها بمعني وطي صوتك
الاخصائيه نستاذنكم شوي وجايه
مؤيد:خودي راحتك
زينه:انت شن تبي وكيف تقول انك ولد خالتي
مؤيد:اسالي روحك ماهو لو كنتي رديتي ع تاليفون ماكنش صار هضا
زينه:ياسيدي مانبيش نردبالصيف مثلا 😒
مؤيد:ع العموم انا اسف ع طريقه الي كلمتك بيها امس
زينه:باهي الي عارف
مؤيد:زينه صدقيني والله كنت مضايق
زينه:اها مش غير كنت مضايق الو نسرين حبيبتي وتقولي مضايق صاح
وعدت وسيباته لحقها ومسكها من يدها
مؤيد:زينه اختي دارت حادث وكنت مضايق وبالنسبه لنسرين انا ماكنتش نكسد نسرين هذي بنت عمي وخطيبتي وكنت نحسابك هيا لاني انا رنيت عليها وكنت نبي نشكيلها همومي هيا ماردتش وبعدها دغري انتي رنيتي لذالك نحسابك هيا ورديت من غير مانشوف الرقم
زينه طبعا مركزتش الا في ان هوا خاطب
زينه بحزن: ان ان انت خاطب
مؤيد: اها
زينه:تحبها😔
مؤيد:نموت فيها
زينه :باهي تأخرت ع الحصه سلام
مؤيد:زينه
زينه:نعم
مؤيد:ياريت نقعدو اصدقاء ممكن
زينه بحزن : اكيد
مؤيد:تفضلي سلسلتك انا اسف
زينه مش قادره ترد عليه من كثر ما العبره خانقتها
خدتها منه وعدت واول ما عطاته ضهرها عيونها بدو يدمعو خشت الحمام وقعدت تبكي وصوتها بدا يعلي وتشهق 😭 غسلت وجها وعدت للفصل
جنات:زينه كنك شن فيكي
دانيه:اها كنا وجك
زينه:لالا بس راسي توجع فيا
جنات:باهي ننزلو نخليهم يعطوكي بنادول
زينه: لالا توا تمام لاكن كان دارت اخري توا ننزل
..............
اسامه دز مسج لجوري وهيا في العمل
{ صباح الخير يا غلايا ❤️}
هيا طبعا كاينه راقده في العمل مقعمزه ع كرسي وحاطه راسها ع مكتبها اول ما سمعت صوت الرساله ناضت دغري
جوري{ صباح النور يا عيوني ❤️}
اسامه:{ شن جوك في العمل. }
جوري:{ تعرف اني كنت راقده}
اسامه:{هههههههها 😂مش منك امس راقده الصبح}
جوري:{ماهو كنت نهدرز معاك يا همي }
اسامه:{هههههه عادي حبي كله فدايا }
جوري:{اكييييد}
اسامه:{لالا يا عيوني نبصر معاكي ماتخفيش هذي اخر مره نهدرزو لعند الصبح في العطله بس عادي ،ما يهونش عليا ترقدي ف العمل😂}
جوري:{ناعلي نا من اللي خايف عليا}
اسامه:{كيف عاد لو ما خفتش عليكي انتي ع من بنخاف}
جوري:{ربي يخليك ليا}
اسامه:{ويخليكي ليا يا غلايا}
جوري:{باهي توا سلام عشان تبيني صاحبة الشغل}
اسامه:{اوك تم ردي بالك ع روحك سلام❤️}
جوري:{اوك تمام حتي انت سلام❤️}
.................
اليوم عيد ميلاد اميره بنت عم اياد
اميره:الووو حبي
جنات:هلا يا عيوني كل سنه وانتي طيبه
اميره:وانتي طيبه يا حبي راكي تنسي اليوم تجي ع حفلة عيد ميلادي
جنات:اوك توا نجي
اميره:وردي بالك تنسي تكلمي زينه ودانيه
جنات:اوك من عيوني
{اميره كانت تقرا من قبل مع زينه وجنات ودانيه وايناس اخت اميره المتجوزه صاحبت هنادي اخت جنات}
.............
مؤيد:هيا يا همي هضا كلا
جوري:اهو ارجي شوي قريب نكمل
مؤيد:باهي خديتي هديا
جوري:لالا انا و نسرين ماخديناش انت شيلنا نختارو
مؤيد:باهي هيا
{ طبعا مؤيد هوا الي هيشيل جوري ونسرين لان جوري دايره عمليه وممنوع تسوق ونسرين ما تسوقش }
مؤيد خدا جوري ونسرين شالهم محلات الهدايا وخدو هدايا وحطهم قدام حوش }
حلت الباب
جوري:حبي كل سنه وانتي طيبه
اميره:وانتي طيبه يا عيوني
نسرين:كل سنه وانتي طيبه يا شينه
اميره:وانتي طيبه ههههي وين مؤيد
جوري:توا يجي بعد ما يجي اياد وخواته
اميره:باهي هيا خشو
{طبعا اكيد مستغربين كيف يعرفو بعضهم
هل اياد وهل اميره وهل مؤيد اصحاب من زمان وكانو يسكنو حدا بعضهم من زماااان وعلاقتهم ببعض كيف الخوت كانو يمشو المدرسه مع بعضهم ومشاكلهم مع بعضهم من هما في الابتدائي }
.........
جنات: شن رايكم
دانيه:يهبل
زينه:عنديش نيه نمشي انا صراحتا
جنات:عينك البنت تزعل
زينه:عنديش اصلا ما نالبس
جنات:ارجي شوي
دانيه:اها هيا امشي قيسي
زينه:عنديش نيه
جنات ودانيه:😠😠😠 صبي خيرلك
زينه:باهي يا همي انتي وياها اهو مصبيا
زينه طلع عليها يهبل ودارت تسريحة الكعكه❤️❤️ ولبسو البنات و خدو هدايا واصلهم اسامه
اياد واسامه وصلو هما الاثنين مع بعضهم
اياد:تي شنو الصدفه السمحه هذي
اسامه: ههههههه لنقانها صدفه سمحه
وهما خشيين فتحتلهم جوري
اسامه قعد يبحت ومركز
جوري تحشمت خشت بسرعه وخشو البنات وسلمت عليهم
البنات قعمزو في الصاله
اميره : خليني نعرفكم ع بعضكم جنات ودانيه وزينه صحباتي من قبل وع فكره يا سوزان و ملاك اياد يقري فيهم فرنسي وهذي جوري ونسرين جوري هذي الي نحكيلكم عليا قتلكم هيا وخوها جيرانا وكيف الخوت وطبعا هذي خطيبة وبنت خوها وبنت عمها نسرين
زينه منصدمه: هيا ولا لا
وطبعا هضما خوات اياد حتي هما حكيتلكم
عليهم ☺️ ملاك وسوزان
البنات تعرفو ع بعضهم وقعدو يغنو ويرقصو
جنات:لولولولولي
زينه تبي تتأكد ان هذي هيا خطيبته ولا لا
الشباب مقعمزين في الجنان اميره طلعت راسها من الباب لانها تحشمت من اسامه ماتعرفاش واجد لاكن اياد ومؤيد متربيا معاهم من هيا صغيره
اميره:اياد اياد
عدالها عند الباب
اميره:هيا غنولي
اياد:تي خشي جوا خيرلك
اميره:اياد تي هيا نزعل راهو عيد ميلادي
اياد:باهي خلاص ما يهونش عليا زعلك يا شفشه هيا امشي جيبي الدربوكه
اميره:تي لنقانك صقع بكل اوك تم توا نجيبها👍😜
عدت اميره جابت الدربوكه
الشباب قعدو يغنو وهما في الجنان وعندهم عرم اغاني واغانيهم يهبلو
البنات قعدين في الحوش يسمعو فيهم ويرقصو وجو صقع بكل👏👏🎶🎶🎻🎶🎸🎤
..........
وبعدها قصو التورته🎂
زينه قهمزت وجت قعمزت حداها نسرين
زينه تبحت فيها بقهر وتبي تتأكد
قعمزو البنات يهدرزو تاليفون نسرين كاينه حاطته بينها وبين زينه رن التاليفون مكتوب{ مؤيد❤️}
زينه:😧😧😧😧
نسرين :الو حبيبي شوي بس
بنات نستأذن شوي وجايه
اميره:احم احم خودي راحتك اكيد لكبيده
البنات:ههههههههي
نسرين:اها هوا ناعلي منه
وعدت
زينه:اميره وين الحمام
اميره:من هنا يا حبي
عدت زينه وتسمع في نسرين في دار تحكي
نسرين:اها ياروحي حتي نا رايفت عليك
خشت زينه للحمام وسكرت الباب بالقوه ونهارت معش قدرت تمسك روحها وتبكي بقهر💔💔
جنات :هيا اسامه قالي هيا
وين زينه
اميره: في الحمام
جنات:توا نخبط عليها
جنات تخبط ومحد يرد
جنات:زينه زينه زينه
جنات:ماحد يرد لاكن الباب مسكر
اميره: ارجي عندنا مفتاح احتياط توا نجيبه
عدت اميره جابت المفتاح الاحتياط وحلو الباب
جنات واميره بصدمه:زيننننننننننننننه😱😱😱
............يتبع
