احببت معلمي {12}🎀
جنات واميره بصدمه:زييييييييييينه
جنات بدت هيا واميره يعيطو بصوت عالي الشباب خشو يجارو
ام اميره:شن فيه شن فيه
لقو زينه دايخه ف الحمام ويدها دم والحمام كله دم وتحفه مكسوره بحدها
{من كثر قهرتها زرت ع تحفه بيدها وتسمع ف نسرين قاعده تضحك هياوياه و قلبها قريب يتقطع ماحستش الا بانها نكسرت ع يدها وطاحت😭😔}
مؤيد:😧😧
اسامه ومؤيد جو يجارو شالو زينه وحطوها ف
سياره وعدت معاهم جنات ودانيه
البنات يتعايطو
اياد:اسكتووووو 😠
مؤيد :انا ماشي معاكم
اسامه:لالا خليك
مؤيد:تي هيا قتلك ماشي
اسامه:باهي هيا بسرعه
دانيه وجنات مقعمزات لاوره ومسكات زينه
واسامه يسوق و مؤيد بحداه
ومؤيد يبحت في زينه من ع المرايا
جنات وهيا تبكي:زينه زينه حبيبيتي
دانيه :زينه يا روحي زينه
وصلو للمستشفي
مؤيد :لو سمحتو معانا بنت مغمي عليها
نزلو زينه
الممرضه:لو سمحتو ارجو هنا
جنات ودانيه مقعمزات ع كراسي
ومؤيد مصبي عند الباب
واسامه مقعمز ع كرسي الي بحداه
بعدها بشوي طلع الدكتور
كلهم:شن فيه يا دكتور شن فيه
الدكتور:لالا الحمد الله تمام حودنالها الجزاج الي خش ف يدها وخيطنا لها
جنات:باهي توا نقدرو نشوفوها
دكتور:صراحتا توا لا لان هيا توا تحت تأثير البنج لاكن بعد تنوض تقدرو تشوفوها
اسامه:اوك شكرا دكتور
الدكتور:الشكر لله هضا واجبي
...........
الدكتور :البنت ناضت كان تبو تشوفوها
خش مؤيد وجنات ودانيه
زينه نصدمة لما شافت مؤيد
كلهم:الحمد الله ع سلامتك
زينه:الله يسلمكم
اسامه: معقوله تكسري حوش ناس
كلهم:ههههههههي
اسامه:باهي نا ماشي نجيب تاليفوني من السياره
كلهم :اوك
دانيه:ارجي خودني ف طريقك نبي نمشي للكافتيريا نجيب مياه
وطلعو
جنات: حبيتي انتي كويسه توا
زينه؛اها الحمد الله
جنات:باهي انا حنخش الحمام
زينه:اوك
زينه كل شويه تبحت ف مؤيد تلقا يبحت فيها تنزا عيونها لوطه
مؤيد:تعرفي ان شكلك حلو
زينه:😳😳
زينه:ممكن نسألك سوال
مؤيد:اكيد تفضلي
زينه:انت ونسرين من امتي مخطوبيت
مؤيد:صراحتا من فتره قصيره
زينه:يعني ف الفتره القصيره هذي حبيتو بعضكم
مؤيد:لالا صراحتا نحبو بعض من زمان لاكن من فتره قصيره كيف قررت نقول لهلي
زينه تسمع ونار ف قلبها💔💔
مؤيد:لاكن عليش
زينه:لا شي فظول بس
بعدها خش الدكتور
الدكتور:كيف حالك توا
زينه :الحمد الله تمام
الدكتور:باهي تمام ترا وريني يدك ومسك يدها وقعد يبحت فيها ويتامل فيها وقلبه يدق
وكانت ف عيون تراقب فيهم بعصبيه
صبا بسرعه مؤيد:خلاص مش شفتها يا دكتور
الدكتور:اها اها باهي تمام خلاص وكان حسيتي بأي حاجه كلميني دغري
مؤيد:ماتخفش مش حتحس بحاجه
الدكتور مابش يرد وطلع
زينه:مؤيد عليش حكيت مع الدكتور هكي
مؤيدبعصبيه:ماشفتيش كيف يدحنس ويبحت فيكي
زينه:لاكن
مؤيد بعصبيه:لاكن شنووووو وفنص فيها وطلع
زينه ابتسمت وعرفت ان مؤيد غار عليها❤️ عدا مؤيد يشوف ف اسامه
.........
بعدها جو البنات وقعدو يهدرزو مع زينه ويغيرولها ف جوها
زينه: بنات نبي نقوللكم حاجه
دانيه وجنات :شنو
جنات:لالالا عيونك يالمعن وقلوب قلوب
دانيه:احم احم شكلها العطيبه تحب
زينه حركت راسها بمعني اها
جنات:قصدك تحبي جديات
زينه:اها
دانيه:منو منو هيا قولي منو
جنات:هيا قولي يا همي
زينه:انا انا ن ن نحب م. م مؤيد😬
جنات:😱😱😱😱مؤيدهضا صاحب اسامه واياد
زينه:اهاااااا
دانيه:حي عليكي هضا خاطب
زينه:ماهو نا حبيته قبل ما نعرف انه خاطب وتعلقت بيه😫
جنات:حي ع الكارثه
دانيه:المشكله مش حيسيبها هوا يحبها تي ديما يحكو عليهم ويقولو مؤيد ونسرين اقوي علاقة حب معقوله بيسيبها بسهوله وحتي كان ما يحبهاش هذي ف الاخير بنت عمه ماتنسيش هضا
زينه حست بقلبها الي وجعها لان الانسان الي حباته مكتوب لحد غيرها💔💔
جنات:قعدت تفنص ف دانيه تبيها تسكت
دانيه:لا ياجنات خليني نحكي هضا صح هيا لازم تعرف خير ما بعدين قلبها يوجعها
جنات بعصبيه:باهي خلاص مش وقته الكلام هضا
زينه:دانيه عندها حق فعلا مستحيل يسيب حبه وبنت عمه عشان خاطري
دانيه:حبيبتي دانيه ما تزعليش مني لاكن انا بس نبيكي تعرفي كل حاجه عشان قلبك ما يوجعكيش ف الاخير
زينه اضبطت دانيه وقعدت تبكي
بعدها خش مؤيد واسامه
اسامه:شن في
جنات بأرتباك :ها لا لا غ غ غير بس يدها توجع فيها
اسامه ومؤيد:هههههههههههههههي
اسامه:ياي ع دلوعه ههههههه
زينه:باهي به توا تشوف
جنات :كنك طولت
اسامه:كلمت هل زينه وهل ودانيه وكلمت هلي وفاهمتهم القصه
جنات:اها باهي تمام
اسامه:باهي يا قرده ماشي نجيب عشاء وجاي باهي
جنات:باهي جيب كلا نا جعانه
دانيه:اها حتي نا وخليه يكترلي المايونيز
اسامه:عنجد المجاعه غير راكم تاكلوني بس
كلهم:هههههههههه
اسامه:هيا مؤيد هيا نوصلك
مؤيد:لالا قاعد معاك
اسامه:تي روح الحوش يا را اكيد تعبان
مؤيد:تي عيب يا را ماك قعدت معايا بعد ما اختي دارت حادث
اسامه:باهي املا تعالو نجيبو عشاء ونجو
مؤيد :اوك تم
عدو الشباب يجيبو ف عشاء
والبنات قعمزو يهدرزو
بعاها جابو العشاء🍗🍟🍔🍗🍕
والبنات قعدو ف دار والشباب ما جاهمش نوم قعمزو ف الكافتيريا
.......
اسامه لقا مسج من جوري
اسامه:شوي بس توا نجي
مؤيد:خود راحتك
عدا اسامه يكلم ف سوزان
ومؤيد رن ع نسرين وقعد يتمشي ف المرارات
.....
زينه ناضت من النوم عطشانه
جت تبحت ب حداها لاكن لقت المياه كامله
زينه:جنات جنات دانيه دانيه
لقتهم ف سابع نومه ماحبتش توعيهم ناضت لبست محرمتها وطلعت
وهيا ماشيه ف الممر تسمع ف حركه تمشي تبحت تلقا مؤيد
زينه:واااااااك فجعتني
مؤيد سكر ع نسرين
طبعا نسرين ركبت فيها نار🔥🔥
مؤيد:ههههههي شن طلعك انتي
زينه:شي عطشت والمياه كملت ف دار
مؤيد:اها وكنك ما قالتي للبنات يجيبولك
زينه: لقيتهم رقدات ما حبيتش نوعيهم لاكن انت شن مواعيك لعند توا
مؤيد: كنت نكلم ف نسرين
زينه :بس توا ليل ومش وقت مكالمات
مؤيد:وعليش مضايقه انتي
دينه بتوتر:ها وع ع عليش نبي نضايق انا بس قصدي ان في ناس راقده
وجت تبي تمشي
مسكها من يدها
مؤيد:متأكده
زينه قلبها قريب طلع فكت 😳❤️يدها بسرعه من غير ما تحكي معاه وعدت تجري ع دارها وحتي المياه فاتتها 😂
..........
زينه نطت ع سريرها وقعدت تتخايل ف الموقف❤️
مؤيد عدا قعمز ع طاوله
شن الي نا ندير فيه انا خاطب 😩
ورن ع نسرين
مؤيد:حبيتي
نسرين بعصبيه:مؤيد منو الي كاينه تعيط بحداك وسكرت ف وجي
مؤيد:اها هذي زينه
نسرين:باهي وشن جابها عندك انت مش قلت انها هيا وصاحباتها ف دار وانت واسامه بايتين ف الكافتيريا
مؤيد:ماهو جت عشان تجيب مياه
نسرين:مش دروحها مريضه كنها ماجبولها صاحباتها
مؤيد:نسرين كنك تحكي هكي انتي البنات رقدات عشان هكي جت هيا وبعدين ما تنسيش ان اسامه قاعد
نسرين: وانت عليش ادافع عليها
مؤيد:عشان كلامك كله غلط ف غلط
نسرين:باهي تمام
مؤيد:هيا سلام نبي نرقد
نسرين:سلام
............
جا ثاني يوم مؤيد روح واسامه خدا البنات وروح بيهم
نسرين باتت عند جوري بالعاني عشان تبي تشوف مؤيد
..........
مؤيد مقعمز ف سياره يبرم
نرن عليها
لالالا
باهي ح نرن عليها ع اساس شنو
اها اها الصندوق الي فيه دبشي ما خديتاش منها
طبعا ما صدق لقا حجه
رن مؤيد ع زينه
زينه اول ما شافت راقمه قلبها قعد يدق❤️وتوترت لاكن مسكت روحها وردت وبصوت واطي
زينه:الو😌😁
مؤيد:الو اهلا زينه
زينه:اهلين شن جوك
مؤيد:الحمد الله تمام شن جو يدك
زينه:لا باهي تمام
مؤيد:يعني معش قعدتي تبكي منها يا بكايا 😂
زينه:خزي عليك ماهو انت ما جربتها عشان تحس بيها
مؤيد:تبيني نجرح يدي توا عادي ما يهمك شي
زينه:هههههههي اها ديرها
مؤيد:تم
زينه:لاكن شن يبي يضمنلي انك جرحتها ههههه
مؤيد:توا نصورها لكي
زينه:حي عليك انبصر راهو رد بالك
مؤيد: لالا انتي طلبتي مني ونا مانقدرش نرفض
زينه:ياهمي انت مجنون
مؤيد:اها اول مره تعرفيها
زينه:باهي مؤيد عشان خاطري كان ليا عندك خاطر ماديرهاش
مؤيد:باهي خلاص يا همي مش حنديرها
وستمر الحديث ❤️ونسي صندوق الدبش بكل
زينه طبعا رقدت وهيا مضبطه التاليفون
ومؤيد خاش للحوش يغني 😍🎶🎶🎤
كلهم:هههههههههي
نسرين:كنك
مؤيد:فرحان فرحان
امه:مشاءالله ان شاءالله ديما
مؤيد:ان شاءالله. باهي نا خاش نسبح
امه:هيا يا جوري وتي العشاء
جوري:حاضر
نسرين:ارجي نساعدك
جوري:لالا خليكي تريحي. توا ندير ع سريع
صبت نسرين دارت روحها تبي الحمام وعدت لدار مؤيد لقت تاليفونه ع المكتب
ف البدايا ما بتش تاخده لاكن بعد ما فكتر كويس خداته وخشت ع المكالمات لقاته كان يكلم ف{zina} ..........
يتبع..
