زهرة الفصل الثاني بقلم سوزان المندلاوي الناشربارق العراقي

الفصل الثاني الجزءالرابع بقلم سوزان المندلاوي الناشربارق العراقي

#مسائكم_جوري.
💜🌷💜
#قصة_زهرة
#الفصل_الثاني
#الجزء_الرابع
#بقلم_سوزان_المندلاوي ..
#الناشربارق_العراقي

ابن عمها ناهي عليها ..منير ..

ضليت اتلفت ع امي ..
هذا شديحجي
عزة بعينج زهرة
عزززة
اباع امي رفعت ايدها للسما وكالت الف الحمدلله ربي الف الحمدلله وراحت للمطبخ ..
بقيت بمكاني ..
منير نهة علي ..
لا ..
اريد اطب الهم ..
وصلت للباب ..
واسمع ابوي يحجي ..يكوله ياخوي لا حجيتو ولا كلتو ..نريدها ..
ومن مشو عليها ..ابنك نهة يلا هي قسمه
واولى بيها ابن عمها ..

....
وسمعت ضحك ..من الغرفه ..
واني كلبي يتكطع وينعصر ..
عصر ..
رحت مشيت ..وطبيت للغرفه ..
كعدت ..بالكاع ..

ليش هيج ياربي مو انت وكفت وياي ليش هيج ..
منو اني مرة لمنير ..
لا ..لا ...
وين اروح يالله ..
اروح لبغداد ..
لو اطب ع ابويه واحجي اله الي صار ..
ومنو كال يصدكوني
وان حجيت راح يزوجوني اله ..
غصبا علي ..
وين تنطين وجهج زهرة
ومين ماترحين مسدودة ومصخمه ..
طبت امي ..
ولج الف الحمدلله ولج هم وانزاح عني ..

راح ياخذج الي اخذج ..
شتريدين بعد ..كولي ..

كتلها ماريدة وماحبه ..
شنهو ...تحبي ..من شوكت عدنا بنات تتمعشك
والله كل كلمه صادجة عليج
ام دروب وزلم ..
زهرة والي سواج ..
ان عارضتي لو حجيتي شي ..
لا اخنكج وانتي ونايمه
وبقت تغلط علية ..
كتلها شمسويه اني كوليلي شمسويه
وشنو ذنبي ..الله ذبني بنصكم
ليش انتي هم ام وحاسبه نفسج ام
هاي البزونه هم تحامي ع فراخها ..
همت عليه دتضربني ..
كمت من مكاني ..
كتلها ايييي ضربي ضربي
كلكم اكرهكم ومانزف لمنير
اني احب فارس يايمه
فدوة اروح الج اوكفي وياي وخلي نرفض
منير ..
ولج ام العشك .....و......و......
تريد فارس ..
ولج اخ الله وتعض اصبعها لوما ابوج لا املخج تملخ
اصبريلي ..يابت بطني اصبري

ورمتي افادي الله يورم افادج ويعلج ويسلج
اسمع ابويه بالحوش يكول
صبرية ..
تعاي ..
راحت امي وضليت اضرب ع وجهي ..
وابجي
يعني الفرحه انباكت مني
ومنو الي باكها
نفسه الي باك مني احلى سنين عمري ..
ليش هيج يسوي ليش ..
طبت ..
مرة ثانيه .
كالت طلعي طماطات وسويهم مخلمه ..
للعشا
هسة جايه اني
لبست عباتها وطارت مدري وين ..
واسمع الباب مال حوش انركعت ..
طلعت برة ..
بعدهم عمامي وابوي كاعدين ..
ابوي صاح جاي سوي جاي زهرة ..
بين الهوسة ..
وامي ماكو ردت اشرد ..
بس وين اروح واني لا علم ولا فهم ..
وين اولي ..
طبيت للمطبخ ..
اخذت القوري من السله ..
وخليت بي مي وسرحت ..
بخيالي ..ودموعي تجري ..
انهزم واروح لبيت المختار ..واكةلهم انا اريدكم
خلصوني من منير ..
اي فارس يحبني لوميحبني ميمشي عليه ..

من ساعه السودة جبنا الكراسي
من ساعه كشرة ومصخمه ..
ليش امي وابوي يرجفون منهم ليش .
بس حجايه تنحجي منهم تصير امر علينا ..
اسمع صوت القوري يفور ..
اعاين المي خلصان ..
زودت مي عليه ..
وكملت وصبيت الجاي ..
دكيت الباب ..
طلع ابوي ..
ويبتسم الي ..
كال والله وكبرتي يازهرة
وخطابج زادو ..
اخذة مني وسد الباب .
مرات كد مانبجي يخلص الدمع ..وتبقى الروح تنوح وحزينه ..
من سمعت بنهوة منير ..واني احس روحي بنار ..
مالها تالي ..
راحو عمامي واجتي امي
جانت رايحه ع بيت المختار وناهية كل شي ..
وكايله الهم ابن عمها اولى بيها ..
كعدت بيناتهم ويحجون ..
هي وايوي ..
تكوله زين ماسويت مركتنا ع زايجنا ..
ابن العم ولا الغريب ..
وهو يكولها هذا هو ..بس خجلت من المختار ياصبريه ..
شسوي يارجال ..بس كول لمنير يهم بزواجه لا يبرد ..
ولا عبالك اني بينهم ..
واني الي راح ازوج ..
ولا عبالك اني العروس ..
بقيت اباع عليهم ..
ولا حجيت شي ولا كلت ..
خاله ايدي ع خدي وساكته ..
وابالي شلون اشرد منهم واخلص ..
من العيشة الكشرة ..
هاي ..
ماكو غير حل اروح احجي ويا منير
وافهمه واكوله ماريدك وفك نهوتك عني
وخليني ازوج ..فارس،..
مر اليوم واني،ساعه ابجي وساعه انكفخ من امي واشتغل ..
مرات اسال نفسي شنو ذنبي ياربي ..
ليش حظي هيج عاثر ..
ليش هيج يصير وياي ..
ليش ..
مرن يومين واني احس روحي انسلبت مني سلب.
وجع قوي ماعرف افسرهه ..
شكد اريد اصير قويه ارجع وانهزم واوكع ..
ع وجهي ..
....
بهاي الفترة ..
ابويه حاير بين يكمل افلوس البيت وبين يبني ..بي ..ويطلع النا  جناسي وهوايات
وامي ..فرحانه وطاير عقلها بالبيت الجديد ..
وتفرفر من بيت لبيت
تحجي بخطوبتي والبيت ..