ايام من عمري

حياة نصف جديده

بعد وفاة ماما  مشت حياتنا طبيعي وبلشت ارجع ادرس صف ثاني....  تمرض بابا فبعد اصرار والحاح مني قررت ااجل السنة وظليت كاعده بالبيت ويه بابا  و قررنا بعدها ننتقل نعيش باربيل حاولت انقل هناك مرهمت المهم ظلينا عايشين بغداد وظل بابا فتره بالبيت واصدقاءه يزوروه بين فتره والثانيه وجان شخص اسمه ابو ثائر ظابط مثل بابا دايما يجينا بس هو وحده وبيت خاله ام فراس امها لهالة واولادها ايضا يزورونا وبيت خالو طاهر اللي ساكن شارع فلسطين افقر واحد بخوالي وكلش احبه لان حنين وزوجته بعد بس حالته الماديه ووضعه لهذا ما اعتب عليه اجة العام الدراسي البعده ورجعت لدراستي وهم التهيت وحست الدنيا تركض عبالك .... بيوم من الايام وكعادتي ارجع من الكليه اتغدا ويه بابا وانام شويه واكعد اكمل شوف شنو عندي لو نطلع اني والحب بابا بذاك اليوم كعدت متاخرا فايت العصر على صوت بابا من ورا الباب مال غرفتي بابا سماوي  سوي جاي وشي وياه لان عمج قادر يمنا وتعالي .... اوك زين وعمي قادر لويش وحده يجي دايما شسالفه لعد عوائلنا مو مفروض اصدقا لويش هو الوحيد اللي يجي وحده المهم كعدت عالسريع وغسلت وعدل عالمطبخ سويت الجاي وحطيت هالموجود كله نعمه ودخلت سلام عليكم وعليكم السلام ,وسال دراستي وشلوني وصحتي يعني مجاملات ختمها يا هلا بعروستنا وكمت اترخصت وطلعت رحت اكلب بالتلفزيون ونهائي معندي فكره عن اي شي بعد زياره عادي والسلام ورا مده راح عمو واجه بابا سد الباب وراه واجه كعد يمي عالقنفه وكمت اني محظره عشا  وخفايف حطيته عالميز مال هول مبيه حيل انصب ميز وكعده مال متعاجزه والله  وضحك وسوالف اني وياه ميانه رغم جنت اخاف منه بصغري بس صفينا لبعض فعوضني كلشي اساسا هو كلشي عندي بابا ....سكت شويه ديريد يبدي بحجايه اول سالفته بابا سماوي اني قررت ازوجج ..وصار سكوت والله لحد هاللحظه صوته يرن باذاني ظلت مدنكه وبعدين داريد احجي وجان يكول لتردين ولتجاوبين اسمعي بابا قبل كلشي الحياه قصيره وانتي حياتج ماساه واني اسف على هالحياه اللي مكدرت اقدمها الج بسعاده امج كد ما حبيتها للاسف الدنيا استكثرتها عليه واتمرضت وهذا قدرج وقدري واني عمري احس ايام معدوده وينتهي ويا بنتي هاي شوفه العين منو الج باقي كلمن ملتهي بنفسه وبحياته وانتي بعد شوفي حياتج ولتضلين مثل امج تاخرت بزواجها واريدج تملين البيت جهال ويه رجال يقدرج ويصونج ويخاف عليج فاني بضحك كتله اريد عريس حلو جان يكول وهو حلو بعدوابن ناس وخوش ولد وضابط مهندس شتردين بعد كتله بابا وين شايفني هالظابط هذا من جاوب تكولين انكفخت براسي كال لا بابا مشايفج ابوه اجه خطبج اله وهو يمشي ورا كلمه ابوه وهو يصير ابن عمج عبد القادر. صفنت كلت  معقوله اكو ناس بعدها تتزوج بشور اهلها لعد اشو ياسمين كاعده تحب وتتمعشك ولا يمها القصه  اني مبدئيا وافقت وكلت اي ليش لا اذا هيج الحجي بس اعرف هالموضوع طقوس وترتيبات واني لازم اعدل وارتب نفسي حتى سعاده السفير ينعجب بيه ويتم الموضوع وطلع بابا متفق ومكمل ومن بلغني موافقتي تحصيل حاصل يعني مشت الايام واني بالي مو ويايه افكر بهالش وصار عقلي كله بهالعريس اللي مشايفته زين ميصير اشوفه يشوفني حجيت لياسمين وكتلها تكلي لو قرد اقبلي يمعوده ضابط وين لاكيتها انتي زين ليش ما لاكيتها لعد بابا مو ضابط لويش يعني ترا مو قحط واني هم ابويه وحسبي ونسبي المهم اجه الموعد والصبح واني كلشي ماكو الكفشه وشعري ذيل الحصان نفس التسريحه وحواجبي جنها عبسي اصلا بحياتي تسريحتين اعرف. لو ضفيره فرنسي لو ذيل حصان لو ملل فاتركه مفتوح لا صبغ لا تعديلات كلشي ماكو اما المكياج ما اسولفلكم حاولت مره استخدم ايلاينر فكستها لعيني ومعرفت 😂😂😂بس عادي اني ما اهتم لان كلها تكول بدون مكياج حلوه انتي بس هذا يوم مهم صح اني معدله وام بيت واسوي اللي محد يسوي  من البنات اللي بعمري حتى خبز جنت مرات اساعد جيرانا حتى يخبزولنا فيعني عندي معلومات عنه المهم اشتغل وحايره وعيوني دمعت هالة خابرتها تكلي وافقي شايفته للولد هي وتكول حلو وحجيتلها بموضوع اللي شاغلني تكلي شوفي صالون يمج زين اني ما اعرف شنو لازم اسوي انسطرت وصدك بجيت لا ام لا صخام ليش هيج ما اعرف يمكن اني من الخوف من شي مو موجود ظليت كل عمري متجبجبه حتى من جنت احتاج شي جنت اخاف اطلب اضمه بكلبي احسن ...واخيرااا بابا كال سماوي امشي دوديج. دتحضرين نفسج والله مال سريع بدلت ونزلت صعدنا بالسياره اخذني اشو للحارثيه شنو ديوديني دكتور!!!وجان نوكف يم عماره بيها فد مكان اسمه حلاقه الحلوه فد محل بيه فاترينه حلوه وظل كاعد بالسياره دك بالموبيل مالته ومادري منو جاوبه بس كال ها ابو حسين اني هنا شنو وين ماخذني بابا طلع فد واحد جبير بالعمر يعني بدايه الاربعين لو اصغر بس اشو هذا مايع والعلج بحلكه وحركاته ماعرف شلونها واشو بابا نزل وتحاضنو وتباوسو هلو واجه عليه شلونج حبيبه عمو زين اني مشايفته يلا اهلا وسهلا بهالاثنا طلعت وحده حلوه وتارسه وجهها مكياج ولابسه صدريه حمرا بيها شعار المحل وسلمت على بابا جان يكلها هلو سوزانه هلو بابا شلونج رجلج الكواد شلونه وحجي ........المهم عافني يمهم وراح كالوله 3 ساعات بعدين كلهم اخابر قبل لا اجي عندي كم شغله وارجع باي وعليكم السلام بدت سوزان ويايه كالت شوكت منظفه وجهج اخر مرا كتلها ولا مرا انصدمت كالت لعد حبي ميفيد الخيط تعالي نسوي شمع وكعدت تشجع وتسوي كلشي خلصت كالت باوعي شلون صرتي باوعت بالمرايه صدك انعجبت بنفسي مال ضحك كالت جنتي فنسنت هسا ساندريلا ضحكتني بس اباوع حواجبي شكد حلو معرفت نفسي سالتني على جسمي مال خجل جاوبتها اي انظف كرايبنا تجي تساعدني ما اعرف اني اسوي عاد اجه هاي الرجال المايع شاورها وراح فهي سكتت بس بين حزن بوجهها وكامت تشتغل وساكته بعدها اني قطعت السكوت كلتلها مكانكم حلو واول مره افوت صالون ابد مرايحه اشو هاي بجت حسستني فقيره ودا اطلب شي مساعده بعدها اجت كالت والدج اله افضال علينا زوجي اللي هو اخو علي ابو الصالون جان يخدم عسكري وماخذ سياره وداعمها وذاك وقت صدام جان اللي يدعم سياره حكوميه مو باوقات العمل ينسجن ويتغرم قيمتها كامل وجنت حامل ووابوج عرف اني صابئيه ومتزوجه مسلم ومهزومه من اهلي فخلاهم يغيرون التقرير وشالها برقبته كال انو جان رايح واجب للمشجب وصار الحادث ..اني بس اسمع فكالت اني توقعت امج عايشه ومجنت اعرف شي عن اهلج وابوج وهسا ابو حسين كال امج متوفيه وحياتكم منغلقه ومعندج احد يعلمج فحيل انقهرت ومتحملت وووحجي كومه اني بس كلت لتديرين بال اتعودت اني فكالت استغربت ضابط ودنيا وبنته هيج حبابه كتلها شكرا من ذوقج كالت جنت خايفه تطلعين ملعبه وشايفه روحج ظليت اضحك هذا كله وهي تحجي سطرتني وكاعده تكص وتمعط بشعري ماعرف شتسوي تاليها تبين انها كصت شعري وداتريد تغير لونه سوته فد لون جوزي لامع حلو جان وقتها بيه شويه شقار بس مو فاتح المهم كملت صبغ وسوت شسوار ورتبته بطريقه حلوه كالت بس من تشتغلين حطي شي على شعرج لايخرب ومكياج حيل خفيف يادوب ترتيب وكالت بس الاي لاينر بالبيت ضيفي عليه اني صدك خربت ضحك كتلها معندي وما اعرف بعدين اتذكرت ياسمين كتلها اوك ادبرها بهالحجي خابرو لبابا اجه برا كمت سلمت وطلعت وهو ديدفع الحساب وهاي مال لا والله والحلفان المهم مقبل لازم يدفع دفعنا ومن الباب صعدت بالسياره وبابا صعد التفت ضل يباوعلي ويضحك ويسمعني حجي مال بابات حلو وراها سكت كال تشبهين روناك كتله طبعا مو امي لعد كال احلى ام جانت بس الزمن والحظ وذب حسره وسكت وصلنا البيت ودخلت لكيته جايب الدنيا كلها حلويات وفاكهه ومشاوي وهيج سوالف وخبز حار وصمون واني مسويه جنت اتذكر تمن برياني والله لايكذبني مركه ما اتذكرشنو وجان اكو اكله توها طالعه اسمها راس العصفور هسا يسموها لفائف باذنجان بكرات اللحم المهم شي حلو جان ويشرف حضرت كلشي ورحت بدلت لبست شي كلش عادي خفت ليكولون ما مصدكه وهدوؤ البيت ابد ماكو حس فرح وهالشي ...مرات افكر اكول بيتنا رغم جماله بس كئيب وما بيه حياه والواحد يحس بضيق نفس من يدخله كرهته على كثر ذكريات امي اللي عشناها وتعبها وووجعها ما اعرف امي جانت مصعبه الموضوع الحمد لله على كل حال بس هي مجرد فكره داخلي جانت ..المهم نزلت واجو الجماعه وكالعاده كانت عدنا وحده تجي تساعد من نحتاج اسمها ام قتيبه خوش مره ساعدتنا هوايا وقت ماما الله يرحمها مره فقيره وحبابه وهادئه ومتودي وتجيب حجي مقصرت خطيه بهاليوم وكلساع تكلي امانه لتنسين بنتي كرصيها اني بس اضحك ماعرف لويش اكرصها وهاله تخابر وتسال ذيج الفتره جان الفيس مو كلش ناس عدها مثل هسا جان الياهو والصور اميل تندز وتعال يا عمي شينزلها والله ايام. اجو الناس ورحبنا بيهم وقدمت العشا وبابا كاعد ومرات يجي يشوف شنو نحتاج دخلو جانو عباره عن العائله كلهم الام والاب والعريس واخوانه الثنين والاخوات الاربعه والعمات ثنين وعمهم الكبير. وراه اتعشو وكملو وسوالف وحجي طبعا ولا احد كال شلونج عدا السلام من دخلو البنات الكبار ال3 كاعدات يم امهن ويحجن تبسبس عمتهم كسرت الموضوع وحجت ويايه شويه واخت العريس الصغيرا مها يسموها مهاوي هي بس اللي اتفاعلت ويايه وتحجي وتسولف غير هاي ماكو ابد عبالك جايبيهم غصب ورا هذا كله عمو وبابا صاحوني كالو تعالي رحت كعدت يم بابا وصاحو على واحد كالوله اكعد بصف عروستك لنقرا الفاتحه اجه العريس كعد وواخييييرا عرفت منو العريس شكله حلو مقبول ومرتب انيق ومبين اكبر مني بس عادي الكبر حلو وريحته تخبل من اجه بصفي بس وهذا كله اني مو مرتاحه محسيت الناس فرحانه ولا شعوري اني فرحانه وكلش متحمسه تحسين الولد مجبور عليه قرو فاتحه وراحو ولا باوعلي ولا حجى ويايه ولا ابد كل يوم اكول هسا يخابر لو يجي بس ابد مصار هالشي زاد تاكيدي انو مجبور بس محجيت واهله نهائي محد اتصل ويعرفون انا وحدي ومعندي خوات ولا احد بيوم سال وجاملني لو مجامله بعد هالمده كالو  بعطله نص السنه نعقد ونكمل حتى عالعطله نزوجهم ونتمم كلشي طبعا هالشي باتفاق الاباء والام ابد مرحبا وهلو ماكو وحددو اليوم وكلشي وجانت شي ابيتنا اني ما قبلت قاعه وهالخبصه ومن فشلتي انا معندي احديجي بيت خالي ما هلكد والبقيه كلها بالشمال ويخافون وصديقتي ياسمين جيراني وهاله جانت توها راجعه من عمان وهي قامت بالواجب تنظيفات وترتيبات وكعده وكلشي هي اتعاونت وسوت بس بيوم الكعده اشو هو اجه شخصيا. ودانا الكوافير ووصى هاله اصبغ شعري احمر !!!! على والله ميحب الاصفر والميش زين واني فكالت هاله خليه هو اول تالي انتي مسويه اله مو لاحدمشيتها اني لكن الحمد لله البدله جانت اختياري بس هو كان موجود جان يضايقتي انو رسمي جدا ووجهه ابد مو ضحوك يعني وجهه ميكصه السيف. المهم كال خلصو وخابروني اجي اخذكم خواته ولا وحده بينت بس اخت هاله الدكتوره اجت ودفعت من جيبها لنفسها. كل العرايس فرحانات ووياهن احد من اهل العريس الا اني بس هو اليتيم يتيم من يومه جانت هوايه امنيات مكبوته جوايه مثلا شعري مو هاي التسريحه البدله جنت احب بدله ساندريلا لكن مع هذا طلعت حلوه ومناسبه علئ راي الموجودين اجه اخذنا بسياره أبوه ودانا للبيت اشو دخلت هو عافني وراح حتئ كلمه باي ماكو. بس الهيئه عجبته وعجبه اللي شاف والحمد لله اجو بعد العصر اهله كلهم واقرباأ وناس عازمين اما من طرفي فماكو غير هاله واهلها واختها  واخوها متزوج وزوجته وياه وها طبعا بالمناسبه اخوها لام عبودي يصير صديق غوث وهاي هم بعدين عرفت لان بابا وابوها لهاله  وعمو قادر تلاثتهم دارسين كليه عسكريه ببريطانيا ايام زمانات بس خاله ام فراس امها لهالة متقاطعه ويه زوجه بابا فطومه وما هلكد علاقتهم المهم اخو هالة  صديق غوث وعمو زوج هالة  يصير هو وام غوث اقربا من الامهات صار العقد واجه قاضي عالبيت قاضي اسمه شاكر النجار صديق بيت ابو عبدالله ومنها عرفت عيالي يموتون عالشكليات والفيكات واني هالشي ما احبه. ظليت جامده بكاعي اهله طبعا عدا عمو جان فرحان واجه بارك وبنتهم مهاوي والباقي جايبيهم عبالك بتهديد السلاح ولا وحده تحركت وعمتي لا تقربت ولا الها علاقه بيه وبهاليوم عرفت عمتي كورديه وغوث وابوه عرب طلعو عبيد...... فجانت العاده بالعشا يخلون العريس وعروسته وحدهم علئ جنب يكعدون فهالشي سوته هالة  وزوجة اخوها اذكر رتبو مكان بالهول الجوا والباقين جان بالحديقه مسوين جادر وبالممر ويبو هوسه جابتنا فوتتنا وكالت اخذو راحتكم وعافتنا وطلعت وكلساع اكول هسا خواته يجون يسلمون ويحجون لكن المشتكئ لالله حسيت عبالك بابا متوسل بيهم ليخطبوني لابنهم لو مفروضه عليهم دخلنا نتعشئ سد الباب ورانا جنت اتمنئ. وضع اليوم غير شكل بحيث يصير فعلا احلئ. يوم لكن ظلت امنيه فقط علئ. راي هالة  هوش الله بارض الله رحت داكعد اشو هذا لزمني من ايدي وجرني عليه وبدون مقدمات باسني وحسيت  ايده ما اعرف وين فاتت عزا مد ايده علئ صدري شنو هالقابليه انسطرت ومن الخوف. انلصمت بحيث كلشي مسويت ولا تجاوبت زين بعيدا عن الخوف وين الرومنسيه والعين بعين والابتسامه. . . . حرام مثل الزوبعه افترت بيه وركعتني بالكاع كلشي محسيت اصلا لعبت نفسي بيومها وغبالك بنج وفتح سمعته بس كال تعاي اتعشي ظليت خرسه كاعده وبس اقلب بالاكل ساكته اقشمر روحي اكول كلساع هسا يعتذر وهذا ياكل ولا يمه شي اشو شكله متعود علئ هاي الحركات بس شويه بدا يبتسم ويحاول يلطف الجوسالني دراستي ويا مرحله زين انته من خطبتني متعرف بيا صف اني حتى ميعرف بيا صف ظلت هوايا اسئله بعقلي بس سكتت بس اتشجعت وسالته كتله اشو تحس اهلك مو عاجبهم الموضوع سكت مجاوبني وغير الموضوع وما اذكر شكال المهم انقفلت السالفه وخلص اليوم على خير وظلينا اني وهالة  نظفنا وشلنا الهوسه وترتيب واختها ويانا بقت جنت فرحانه بنفسي مكياج وتسريحه وحواجبي مرتبه وبابا محجه شي ولا اترزلت نمت جنت مرتاحه وتعبانه نفس الوقت جان هذا احساسي وقتها كعدت من النوم عبالك فاقده للذاكره بعدين اتذكرت كلشي ضحكت وشفت الحلقه بايدي زين اشو وين الرومانسيه ووين من يرجع يخابر ونظل سهرانين تالي الليل ويكلي طالعه حلوا اشو كلشي من هذا مشفت ولا حتى سال على رقمي ولا كال شي ولا جاب سيره الموبيل كلت ميخالف يجوز يستحي او شكله رسمي وميحب هالامور عموما بابا اعرف بمصلحتي غسلت ونزلت اتريك قريب عشره ونص بابا يكعد من الصبح يتريك فيبقيلي لان عطله واكعد براحتي دخلت المطبخ البيت هادي ماكو احد سويت شي لاتريك وضربتلي صفنه عالبيت وبابا والوضع اللي حيصير وشيسوي بابا وحده ماكو احد يمه اشو فجاه سمعت صوت بابا وياه احد يضحك ....بس من شافني وجهه نشف وما عرفت الا باوعت على نفسي والله دشداشتي خفيفه وتقريبا كلشي مبين منها لان ملابسه جواها مكسي واني عادي بالبيت البس معدنا احد عالسريع سلمت ورحت بدلت ونزلت وسويت جاي جديد وقدمت الهم اشو هذا ظل يباوع عليه وعالكوب جان يكول ترا الجاي ينشرب بالاستكان والله بساعتها ردت اشمره بوجهه واكله هذا الموجود بس احترمت نفسي وجبتله استكان وحطيت كدامه ظليت ساكته بس جوايه يغلي اندب حظي على هيج واحد معقد ظل يباوع واحس نظراته فاضحته اني اخذت الكوب الي اني اشربه شربت منه مره وحده اشو هذا سحبه من ايدي واخذه وشرب منه باوعت عليه جان يضحك مشيتها واني ضحكت بعد كلت يجوز حباب واني غلطت بالحكم عليه