ايام من عمري

البارت الثاني عشر

جبرت نفسي اغمض مكدرت انام  ظلت بالي فكرتة عني وعن ياسمين وليش هيج يحجي عليها وظليت اتافاف بيني وبين نفسي بس الظاهر انتبه وهو نايم جان يكول
_ الظاهر المراكب غركانة ليش تافافين؟
_ ماكو شي
_لعد نامي
_نام انتة قابل ماثرة عليك
_ لايبو ابد
_ شكو تضحكين
ضحكت بس ضميتها للضحكة
_ يمعود ماكو شي بس عوفني
_ دكومي لبسي خل ننزل جوة يولي اشو جوعان
_يولي؟؟؟ اشو تحجي عبالك مثل هالة
_ اف لتجيبيلي طاريها لخاطر محمد
_ ترة مقام خالتي  ( بكلبي فاكسة عينك ومطيحة حظك)
_ اي الله يثخن لبنكم دكومي لو اروح اجفص اشوف منو كاعد .
_ يمعود كمت شبيكم بصلتكم محروكة هالعايلة. كمت وهو ظل نايم على ظهرة فتحت الضوا جان يفتح عينة
سالتة شيريد اسويلة كال اي شي بس مو تمن 
_ جبن؟
_ اذا جبن عرب ما اريد كلة حمى مالطة
_ يابة والله معميلي بالكسرة ونظيف وثقة
_ دكولي والله
_ من عقلك احلف على جبن بكيفك
_ ديلا خنشوف بس اذا لكيت شعراية بالاكل البس الماعون براسج هههه
_ ترة متضحك
غير الموضوع من كام وكف على حيلة
_ خاتون حتنزلين هيج
_ لا يابة قابل مسلسل مصري شنو هالميانة
_ عبالي
نزلت على كيف الجماعة نايمين بغرفة امهم اللي هي غرفة امي بالاساس والرجال نايم بالاستقبال مبين مطفين الضوايات دخلت عالمطبخ وغوث بعدة فوك سمعت صوت رجلين تمشي كلت هاي غوث ما التفتت دانكع الجبن بالمي الحار وسويت جاي وابد مو بالي سالفة لو شي ولكيت كلاصات ومواعين بالحوض كلت اغسلهم جفلت على صوت مو صوت غوث حتى الكلاص وكع من ايدي بالحوض
_ هاي عندج صيام طلب دتسوين سحور ؟
التفتت بالخرعة وجان يطلع زوج مي اسمة كمال ظليت اباوعلة بس بعصبية ورديت علية
_ طلب شنو ويا صيام انتة شعليك بهالسوالف
_ على كيفج يابة شحجينة
_ كلشي لتحجي وو بهالحجي نزل غوث ومن عالدرج صاح _سما؟ هاي منو يمج
_ ها غوث زوج اختك ابو لانة دياخذ مي هياتة تعال ،
_ كمال شعندك هنا مو على اساس نايم؟
_ يابة عطشنا هااا اها يلا تصبحون على خير يا عصافير.
راح وبقينة اني وغوث
_ شبية شعندة وياج؟
_ شعندة وياية؟ هاي شبيك شسامع !!!
_ الحجي مو عليج الحجي علية هو ميضبط نفسة .
_ اوك روح انتة اضبطة لويش يمي تحجي ؟ انقهرت كلت اغسل ايدي واصعد دامشي وجان يلزمن من زندي
_ هاي شبيج بابا اني خايف عليج ليروح بالج بعيد ، سمعتج شهكتي وشي وكع  ونزلت عبالي سوالج شي .
_ خايف علية؟
_ طبعا
_ شعجب
ظل صافن جان يكول
_  لان ابوج وصاني امانة .
تمنيت يكون غير سبب بس صدك عيوني دمعة بطارفهن . حس هو الجو توتر جان يكول
_ الجاي راح يحترك
ضحكت كتلة
_ متوقعت همك بطنك حجيت هالكلمتين وضربتة على بطنة عادي المفروض حسيتة كلش اغتبط لو متعجب بس ما علق
كمل عشة ما اعرف شسمية المهم خلصت المطلخ وعدلت الهوسة الجانت بية وصعدنا اني كدامة وهو وراية عالدرج التفتت جان المحة يباوع علية من ورا شافني انتبهت ديداري عود على نفسة جان يكول
_ يمكن انتي سمنانة لو متوهم ؟
_ اي وزني زايد
سكت ما حجى طبينا الغرفة جان يكول
_ بس احلى تدرين؟
_ ما اعرف شتشوف !
_ اشوف احلى ..... تتذكرين بيوم خطوبتنا من عقدنا ؟ _ اي؟
_ جانت البدلة رهيبة والصدر مدلوع جنتي مسلوعة وصغيرة بعدج بريئة
_ وهسا شنو مجرمة؟
_ لا احس كلشي تعرفين بس متحجين.
_مو كلشي بالضبط بس لا نحلف على احد نفسة يصعد وينزل .