ايام من عمري

البارت التاسع

ظليت ساكته ما عرف شحجي واكلها ترا احنا فراش مثل الاوادم ميجمعنا.
اخاف تكول عليه حجايه مو زينه واذا سكتت وبلعت معناها اموت موت بطيء وهي ما شجعتني احجي الشي الجوايه بس داخلي يكول يمعودين غوث مدا يتقي الله ويايه ويشرب ويجيني سكران معلية من يروح يصحصح بالحمام وياخذ دوش ،وغير هذا اكو شي ظامة عليه اني حاسة وهذا اللي ديبعده .

لاحجيت وياه ولا وياهم كلت خلي اشوف تاليها.
رحت صبينا غدا وكعدنا وهو كاعد يباوعلي وساكت بس عيونة تحجي الف قصة ، وصرت اعاند كلشي ميحبه اسوي كدامة خبطت اكلي بنفس الماعون وظليت العب بالموبيل واسولف ويه ميمي واضحك بصوت عالي وابد ماباوعتله بس اني احس يباوعلي ومن اضحك يلتفت وهو ساكت ابد ميعلق واتذكر جبت حب ابو الثول حب شمس قمر يعني هو يتخبل منه لا يحبه ولا يحب ريحته ويتنرفز من اهلة يجيبوه للبيت اني بعناد حطيت كدامة تاليها عمو قطع هالشي كال خلي نحجي سما وكافي زعططه !!
ظل عمو يسولف بشي ما مفهوم وعبالك اذاني متسمع لو متميز هالشي اوبالاحرى اني ضاربه صفنه ، وبس اكول اي وراها كام عمو يسال عالمشكله اللي خلتني اترك البيت ضحكت اني وراها بديت احجي :
_ابتداء كال امي تجي كم شهر الى ان الكيلها سكن مناسب ومنطقة قريبة وهاي رح يصير سنه وهمة كاعدين ومو بس محتله البيت وغرفه امي لا وكاعده تسب وتنعل ومو عاجبها اني ، والاهم من هذا كله تفشر وتذب حجي وتسمع والنوب كامت تمد ايدها علية، وابنها يايد كلشي اللي هو حضرتك ، (اشرت عليه وهو كاعد)
وانتة شتسوي غوث ها؟ تكمل وراها بالضرب
راد غوث يقاطعني بس سمعت كال
_ لحظة اجاوب .
عمو كال لا خلي تكمل حجي
كملت:
_ واني علما اصرف عالكل وغوث من تزوجنا لحد هاي اللحظه سال محتاجه شي لو لا وقبلها مصرفي من بابا وبعدها اتوظفت وهاليجيني من ورث بابا داصرف منه وفلس مدايبقى وكلشي بيده وعمري محاسبته ولا كتله وين فلوس اللي يدزها اخويه واعرف ياخذ منها وابد مكتله ولا سالته وين راتبك وشكد ظل هو ساكت ابد ما حجى وعمو يتنقل بيني وبينه وينتظر جواب من غوث ماكو.
ضل عمو يباوع بيني وبين غوث ساكت واحنا ساكتين وما سمع جواب من غوث لان حجتة بطلت واني بس اللي حجيت وطلعت قهري كلة ،وغوث ما رد على كلامي، لان معندة رد اكيد طبعا ، وبالنهايه عمو كال :
_ لازم تحجون وتتفاهمون بيناتكم صح فرق العمر اكو بس مو هوايه و١٢ سنه ماشوفها فرق تختلفون وكلمن عايش حياته بطرف حاولو تبدون جديد وهاي هسا غوث اجه وراج من زعلتي لان يعرف هو مقصر وسكتنا بعد .
صارت الدنيا ليل اغلبنا ما يتعشى فسوينا جاي وفواكه وخير من الله راد غوث يروح ليشوف اوتيل يبات عمو مقبل كال البيت والحمد لله ويبات عدهم كرصتني هالة من رجلي كمنا اشو هاي فرشت بنفس الغرفه اللي حنام بيها اتذكر سالتها:
_ لعد وين انام اني ؟؟
_ نامي بحظن رجلج ولتتعيقلين دتشوفية ميت عليج ويريد يعتذر بعد شكو
_ مسمعتة كال لو كلمة اسف وحدة وبعدين يا هالة اللي انكسر عمرة ما يتصلح .
ضليت اباوع عليها وعيوني تقريبا دمعت كالت يولي ترا عمج غسل الكاع بيه قبل لتجين واني لعبت بيه خلقه والولد ما حجه شي بالعكس اعتذر يجوز هو من ناس ميحب يحجي حاولي وياه والله كريم يتغير اكو مجال .
سكتت شكول بعد كملنا فرش وهو راح عللسياره جاب جنطه صغيره الظاهر من اول ناوي يبات باوتيل المهم طلعت حتى يبدل ملابسه ..بالمناسبه ٤ سنوات من زواجنا اني ابد مشايفته يبدل كدامي لو فايته حمام عليه ومن يخلص شغلته ويايه يكوم بسرعه بحيث جديات مشايفته واذا يبدل لازم اطلع لو يدير ظهره. المهم بدل وكمل ورجعت فتت الغرفه اني لبست بجامه بدلت بغير مكان يم الدرج اتذكر شافتني هالة ضلت صافنه كالت
_ وين جنتي؟
_ مو غوث يبدل واني رحت للحمام بدلت
فتحت عينها كالت
_وليش متبدلون بنفس الغرفه
_ ماعرف احنا من تزوجنا هيج ماكو هللشي واني سويت مثل ما هو يسوي
_ لعد شون متنامون سوا لو شبيكم ؟
_تقريبا ضلمه ،، ومن يخلص هو ينسحب ويعوفني الم نفسي ماكو شي طبيعي بينا مثل العالم
شفتها مثل الخافت واني هم خوفتني بس سكتت وما علقت ولا سالتني بعد ابدا دخلت عالغرفه لكيته ما خذ الفراش اللي بالكاع فكبل رحت عالسرير وطفيت الضوه ومددت بس اني براسي الف حجايه ردت احجيها وماعرف لويش سكتت ضليت اتكلب واتعوذ من ابليس ورا شويه حسيت فد ايد لزمتني من رجلي جمدت مكاني اشو الايد كام تجرني عرفت غوث بس جديات كلت هذا يريد يكتلني بعد ردت اعيط والله خفت داكوم على حيلي جرني من ايدي وسحبني على فراشه ولزمني من جتفي دارني عليه وراسا نزع البلوزه مالته وصرت جواه مثل الحاصرني بينه وبين الكاع بس اني غمضت عيني خفت لزمني من وجهي جان اسمعه يكول _باوعيلي...
فتحت عيني عليه راسا سالني
_ ليش انهزمتي ؟
ظليت اباوعله مستغربه بس اتذكر جاوبته كتله
_منهزمت ،،، اني طلعت من مكان هو الي بس حسيته انوخذ مني ومعندي صفه ابقى بية، مثل الاحتلال صار والمفروض ادافع عنه وارجعه بس الغلبه للاكثر واني معندي احد يوكف ويايه ، فالافضل اطلع وبلا مشاكل.