ايام من عمري

البارت الخامس

ردت تفسير معرفت ! سمعته طلع من الحمام كمت على حيلي سريع ويه ما كمت اشو رجلي عبالك واحدشابعني دفرات ، وايدي عبالك مكسوره ، ودم مثل الدوره بس خفيف، كلت يلا هسا اغسل ويروح،  فتت من يمه ولا باوعلي ولا ابد ولا يمه عبالك خدامةوخلص وياها وسوت العليها .
رحت الحمام اشو كلما اغسل ينزل ازود النوب صارت حركه عندي كلت هاي يمكن جرح ويطيب فكرت يمكن هو هيج وظليت حايره بالحمام ماعرف شسوي المهم قررت استخدم هاي الفوط النسائيه واقنع روحي هسا هو يوكف ويطيب عادي ،  رحت اتمدد كلت هسا الكيه كاعد ينتظرني اشو هذا نايم ولا اله علاقه بالقصة ! ويم راسه حبايه بندول الظاهر شارب حبايه راسة يوجعة،، صدك اختنكت وصلت حدها بهيج شي رحت اخذ مكان بالفراش شويه واشو احس رطوبه جوايه كمت على حيلي رحت عالحمام وظليت كاعده وهالشي ابد ما انقطع ، زين شنو الحل شسوي ماعرف النوب صار عندي رجفان باطرافي والوجع زاد عندي وهاي الحجي تقريب ساعه اربعه اخرها قررت اخابر على هالة وكتلها...
_ يمعوده تعاي لحكيلي ، ترا مادري شبية .
خطيه ما كذبت خبر جايبة اختها واجت وبذاك الوقت صعبه نسوان وحدهن يطلعن.
اجت والله فاتت فتحتلهم الباب من الهول وكوا امشي بس فتحت ومشيت كبل رجعت عالحمام وشافو وضعي وشافو بالحمام الكلينكس والحفاظات هالة صفنت بالاول بعدين ضاجت وكامت تحجي بصوت مسموع وهذا كله والافندي نايم ولايمة السالفه سالتني عالصار حجيتلها مختصر وفهمت هي ، وراها اختها خابرت احد من صديقاتها وعرفت منو  خفر ويا مستشفى حتى نروحلة يسهللنا الموضوع وهمينه لا ياخرونا .
وين مشوار وكعد غوث على صوت الهوسة مال هالة  اجه مخروع يباوعلي ولا عبالك مسوي شي ، اجه غوث وشاف الوضعيه ومبين جان مو بالوعي مالته وراسا كال هاي شكو وظل صافن عاطو بيه البنات كالوله
_ انته كللنا شكو شسويت بالبنية ليش هيج ومن هالحجي منعو يدخل عافهم وفات سالني
_ شبيج سما ؟
  جاوبت
_ ماعرف .
سأل
_ منو خابرهم يجون
جاوبت
_ اني لان مادتحمل حيل متاذية وانتة نايم واستحيت اكعدك .
ظل يباوعلي وساكت بس نظرته مفهمت شلونه .
اجت  الدكتوره اخت هالة  كالت طبعا اذا سكران وميدري بروحه مركزت على هاي السالفه جنت مخبوصه جوي ديساعدوني دياخذوني للمستشفى اتذكر جانت النعمان بالاعظميه اقرب شي علينا كلهم لحظه بس ابدل واجي مدارو بال ماكو ثواني عبالك ديحاولون يمشوني اني مدري خوف مادري وجع فعلا ماكدرت اجة من بينهم دفعهم وشالني وصعدني بالسياره مالتة فسكتو البنات مسمعت احد عارض  واجت هالة ويايه صعدت واختهه بسيارتها كدامنا.
وصلنا للطوارئ، بوقتها سالت على وحده اتذكر كالت دكتوره نجاح طلعتلنا جانت تنتظر ودخلوني  غرفه مقيمات مادري شنو ، المهم اجت دكتوره نجاح ورا ما سلمت عالبنات  دتشوف القصه شنو حجولها البنات فحصتني صارت تحجي عليهم وليش هيج وشنو اسمج ماما؟
جاوبت  اسمي وعمري عبالها اعتداء لو اغتصاب كالولها لا زواجهم جان البارحه والبنيةمتعرف وهو الظاهر مستعجل وهيج شي صارت النوب تحجي على غوث  وليش هيج وهمجيه ( طبعا اني بهيج وضع يا كاع انشكي وبلعيني كلت انفضحت وبحياتي ما متوقعه ادخل بهيج موقف ولا يخطر على بالي ابدا) 
  المهم ظلينة ساكتين وراها هالة وضحتلها شنو وضعة ومهنتة  انصعقت من كالولها مهندس ضابط كالت لعد شخليتو للي ميقرا ويكتب هو ساكت مسمعتله حس اصلا واكف برا .
طلعت برا اسمعها. تحجي بصوت مسموع شنو هالهمجيه مدمر البنيه وليش وحرام وسمعت صوت وحده تكول خطيه تستحي تكول وبعدها صغيره . عرفتها هالة  المهم اجت قامت باللازم طلع عندي جرح عميق وخيطو وكالوله 72 ساعه بالاقل لازم ميتقرب منها ظليت الى قريب 12 الظهر وطلعوني من جنت بالمستشفى بعدين كالو غوث جان مرتعب وممصدك الصاير وهالة قايمه بالواجب وزياده كالبه عليه الدنيا وشابعته رزايل والدكتورة مستلمته همينه خوش رزالة، عالعموم التقرير يكول اني عندي جروح ونزيف مقدم المنطقه لا زالت بنت ....
وبعد هذا كله بابا يخابر واكلة زينة والحمد لله وابد مبينت اني هيج صاير بية وخالتي امة اجت وجان مبين عليها قلق وخايفه اتاريها طلعت خايفة على ابنها لايسووها قضيه ويروح بية .... ومن اتطمنت ، اشو طلعت لسانها على والله بنتكم مابيها خير ومادري شنو وانهدت بيها  اخت هالة جاوبتها
_والله عاد معدنا شغل وعمل نكعد نعلم سوالف مجان علمتي ابنج شويه يصير محترم لمره بحياته والاهو مبين مو بوعيه من ريحه البيت سكران .
سكتوهم وظل الهدوء واني حيل انقهرت يعني هم من ورا خشمة متزوجني  وهم سكران لعد شكد كارهني هالانسان ظليت ساكته وجوايه انقهرت على نفسي وافكر بابا ليش هيج شمرني هالشمرة  وهيج اذاني .
خالتي من شافت الحجي مو بصالحها  غيرت لكنتها وصوتها بالكلام واعتذرت وكالت ما اعرف هيج صاير عاد الحمد لله سكتو .
اجه وقت الطلعه كتلهم ماروح ويه غوث اخاف  صراحة ، هو سمع كال لا نروح للبيت ونتفاهم  وترتاحين احسن
جاوبت بدون تفكير
_معندي ثقه بيك .
بعدين هالة  كالت
_ هو بيتج ولازم ترحين ويه رجلج شتكول العالم ميصير واني اجي وياكم ، وافقت  اخذوني للبيت لكيتهم منظفين، والاكل باقي على حاله محمض وشايليه ودخلتني للغرفه انام شوية وهي ظلت يمي
وبعدين عافتني وراحت ماادري وين واجه عمو ابو غوث ( عمو عبد القادر )سمعتة كام يحجي على غوث ويرزل بيه ويكله هي مرتك بعد والفات انتهى وانسى الماضي والتفت لحياتك تاكدت وايقنت اكو شي، وغوث ضام هالشي علية واللي توقعت طلع صح اكو شغله ما افهمها وبابا يعرف بيها بس اني ملكفتها شنو السالفه ولا عرفت شنو هي........

  اجه غوث ديحسن صورتة كدامي  وعلى اني جنت ما احس بنفسي وعلى والله زوج اخته منطيه حبايه كايله كلنا اخذناها بالزواج وشاربين شويه وكايله حتى تركز شويه وتطير الرهبة بينكم، بس هو موصغير حتى يسوي هيج يعني جان عمره وقتها بال30 سنه بس خلي يكول سوا هيج لينسى اللي جواه ردت احجي بس الكلمه وكفت بصدري ومكدرت اطلعها ردت اعرف شنو الماضي اللي ابوة حجى بيه بس ضميت السالفة وسكتت مردت يعرفون انا سمعت كلت لابد ويجي يوم ويكول لربما تتحسن علاقتنا ....
سكتنا وقفلنا المواضيع واتحسنت صحتي، خامس يوم اجه عمو كال
_بنيتي اتمنى هالشي ميوصل لابوج وخليها عليةاني اصلح الامور اني ما رفضت
جاوبت _ عمو بكيفك شتسوي سوي ، وغوث ايضا كام يحاول يقرب بيناتنا ومرات يعتذر اني نسيت القصه ثاني يوم اجه عمو كال
_ شنو رايكم بدال السبعه والحفلة ترحون  فدشهرعسل سفره واحسن ما تقضوها عزايم واكل ومتتونسون اريد وحدكم واتفاهمو لان وراها غوث يرجع للدوام وافق غوث اني ما مانعت كلت اوك .
بس من هاي عرفت انو خالتي متريدسبعه ولان تصير بيتهم فمتريد احد يجي عليهم ومبينه السالفة حجة والسلام .
عاد سافرنا لماليزيا سفرة اسبوعين ..
قبل السفر اجه غوث كال خلي نحاول ونعيد وهالمره على كيفنا لان تنحسب عليه وعليج واوديج قبلها للدكتوره فحصي وشوفي خاف اكو شي واحنا نبلش قبل لنسافر بس جان وقتها حلو بكلامه واسلوبه ونوعا ما جان منفتح واتغير للافضل بتقديري .
اجت هالة وحجيتلها هذا هيج يكول !
كالت اتوكلي على الله وعيشي وخليها يم ربج.
رحت للدكتوره وفحصتني كالت مبيج شي وانتي تقريبا مكمله يحتاجلج شويه بعد ونظيفه معندج اي عائق وشجعتني وشافتني ما اجاوب ومبينه مرعوبة صراحة وظليت مرتعبه من غوث وشايله هم. وظل موضوع اول يوم عيونه ونظرته وريحته ابد مطيبه جانت يومها بس مع هذا كلت يلا بلكي تصيب ظليت بالبيت اني وياه وجنت اطبخ وسويت اكل وهو يفوت ويطلع ويتصرف طبيعي وضحك وحجي اكلنا وخلصنا ونظفت كلت قبل لا انام اسبح متعوده اني هيج اسوي اشو اجه انطاني علبة بيها  عطر اسمه كنزو كال احب اشم هاي العطر بيج  حطيه  وجديات هو. عنده ذوق سبحت وطلعت وسويت مثل ما راد وكال اريد كانما انتي عروس وصار هو يعلمني وراح هو ديسبح ورجع جان مثل اليصفن فشافني مبين علية عيوني مرعوبة  وجان يكول انتي بس غمضي عيونج وسلميني نفسج ولتخافين. وافقت. بس سويت شغله تموت ضحك بس بلا قصد والله اجة ديبوسني ورا المقدمات اشو ماحسيت على نفسي  ديبوسني وجان اعضه من لسانة هو خطيه ما اعرف شصار بيه مثل الجفل وجان يجلب بيه كال ولج هاي شسويتي ضيعت لساني انخرست كتله لويش حطيت لسانك بحلكي جان يكلي انتي شنو متعرفين كلشي كتله مادري هيج كال لعدشتعرفين ضليت ساكته ضحك هو كال سما كل عقلج انتي ؟؟ ضحكت ما رديت وراها عاد تجرا هو اكثروبلش بالقصه وكلساع يكلي شي واني منفذه بدون اعتراض واخرها كال رخي لتخافين وماكو شويه وجان يكول خلصنا.....

ومشت الامور عادي ،وسافرنا وهذا الموضوع صار بين يوم ويوم،  مرات يومية،ومرات كلساع ، بس ما احسة ويايه عبالك يتخيلني غير وحده واني مخليت بالي به بهالقصه وما استفسرت عن  هالشي وخليته على راحتة.
وللحكايه بقيه ............
اتمنى تصوتون وتضيفون متابعين وشكرا جزيلا  للي بقو متابعين ويسالون 🌺🌺🌺🌺🌺.