Best Mistake (Completed)

Kabanata 4

Arci POV

Hindi makatingin ang lalaki sa akin matapos ang mainit na sandaling naganap sa amin. Hindi kayang tingnan ng lalaki ang bahid ng mantsa na nagmarka sa bedsheet ng kama.

"Sana pumalag ka. Hindi dapat nangyari 'to."

Hindi ko magawang mag-react. Iyak na lamang ang nakaya kong gawing mga sandaling ito.

"I thought, you're one of those women na.... na after sa one night stand for a cost."

"Hindi mo pinakinggan ang pagtutol ko. Sinisikap kong pigilan ka pero...." at hindi ko na naituloy ang gusto kong sabihin.

Ako man ay may pagkakamali. Aminado akong natangay ako ng kanyang damdamin kaya naganap lahat ng wala akong panlalaban. Nasabunutan ng lalaki ang sarili. Larawan niya ang malaking pagsisisi. Tila pinagsakluban ng langit at lupa ang mukha niya.

"Magbihis ka na. Bukas na bukas ay aayusin natin ang lahat," aniya.

Naisip ko, papaano pang aayusin ang lahat? Maibabalik pa ba ang aking pagkababae? Kahit anong gawin ng lalaking ito ay hindi na muling mabubuo ang nasira na.

Sa labas ay lalong lumalakas ang ulan. Dumadagundong ang malakas na pagkulog at pagkidlat. Dumadagundong Din ang aking dibdib sa tindi ng takot. Anong kapalaran ang naghihintay sa akin matapos ang gabing ito? Paano kung mabuntis ako? Paano ako haharap sa aking mga magulang, lalo na kay Papa?

Ang daming pumapasok sa isip ko. Ang huli kong natatandaan ay nakatulog ako sa kama. Siguro dahil sa matinding pagod. Totoo pala ang mga naririnig ko sa aking mga kaibigan na may asawa na. Kapag daw nag-sex ang isang babae at isang lalaki, sumasarap ang tulog.

Nasaan ang hinayupak na sumira ng aking pagkababae? Bukod sa hindi na nagbayad, kung talagang bumabayad nga ng babae, mukhang ipapahawak pa niya ako. At saan ako kukuha ng ibabayad sa kwartong ito? Paano ako makakalabas dito ng hindi ako masisita ng mga tauhan ng hotel?

Kasalanan ko ang lahat ng ito. Kung hindi ako naglayas, hindi ako sumuway kay Papa hindi ito mangyayari sa akin. Wala akong ginawa kundi umiyak. Nag-iisip ako kung paano ako makatakas. Posible bang makatalon ako sa bintana? O dumaan kaya ako sa bintana ng CR? Pwede rin naman akong tumakbo na lang palabas. Pero hindi 'yun kadaling gawin. Malaking gulo lang. Naiiyak akong naupo ka kama. Pinagbuntungan ko ng galit ko ang mga unan. Bawat unan na nahahawakan ko ay binabato ko sa pinto.

Nang biglang bumukas ang pinto at ibinato ko sa lalaking pumasok ang unan na hawak ko na eksakto naman ito sa mukha niya. Nabigla ako nang sumimangot ito ng tamaan ko siya ng unan.

"Nagbalik ka pa!" lakas-loob kong sigaw sa kanya.

"Bakit? Hindi naman kita iiwan, ah," seryosong sabi nito sa akin sabay dampot ng mga binato kong unan. Isang supot ang inihagis niya sa aking kandungan.

"Magbihis ka. Lalabas na tayo sa hotel pagkakain natin ng breakfast."

Isang dress at isang high heels ang laman ng supot. May bago ring damit pangloob. Napangiti ako dahil mukhang nakuha ng lalaki ang size ko. Pati paa ko ay nahulaan niya ng sukat. Wala akong masabi. Naging sunud-sunuran lang ako sa bawat sasabihin ng lalaki.

Walang nakakilala sa akin ng lumabas ako. Naka-ponytail kasi ako at walang make-up na nakapahid sa mukha ko. Nagawa ako ng mailabas ng lalaki ng walang sumisita sa akin.