SDSS 1: Wrath

Kabanata 8

K A B A N A T A 8

༺❀༻

Nagising si Sabrina nang may maramdaman na nakatingin sa kaniya kaya kaagad siyang napadilat. Kaagad tumama ang mata niya sa abuhing mata ni Demitri na nakatayo sa gilid ng kama nito. Bumalik kaagad sa kaniyang ala-ala ang mainit na pagsasalo nila kagabi.

Hindi lang isang beses siyang inangkin ng lalaki, dahil nagising ulit siya nang maramdaman ang mainit na dila nito sa kaniyang kaselanan.

Pagkatapos no'n ay nasundan pa ng isa at isa pa at isa. Kaagad na mula ang kaniyang pisngi at nagbaba ng tingin dahil sa naisip.

Bakit ba hindi niya napigilan ang sarili? Kaunting haplos at halik lang nito ay natatameme na siya at kusang bumibigay.

"Get up, we have a sched," malamig ang boses nito.

Dahan-dahan siyang umupo at kaagad binalot ang hubad niyang katawan sa puting kumot. Nanuot sa kaniyang ilong ang amoy ng asawa. Napatingin siya rito at naabutan itong nakapamulsa at nakatingin sa kaniya na blanko ang mukha.

Doon niya napansin na bihis na bihis na ito.

Saan naman kaya sila pupunta?

Hindi niya maiwasan mapangiti nang makitang may pain patches ang tuhod niyang masakit kahapon, ang ilang pasa rin niya ay may parang cream na nakalagay. Ginamot siya ng asawa kagabi?

Malakas na bumuntonghininga si Demitri saka lumabas sa kwarto, nakita niyang nilingon pa siya nito bago isarado ang pintuan.

Kinagat ni Sabrina ang ibabang labi pagkaraan ng ilang segundo bago dumapa ang kaniyang tingin sa kabilang gilid ng kama.

Nakita niya ang isang black fitted gown na nakalagay sa itaas ng kama at isang itim na stiletto.

Si Demitri ba ang bumili nito?

Tuluyan na kaya siyang nakapasok ulit sa puso ng asawa? Wala na ba ang galit nito sa kaniya? Napatawad na ba siya nito?

Magaan ang kaniyang loob na tumayo at pumasok sa banyo. She can't help to sing her favorite song while cleaning herself, inayusan niya rin ang sarili para bagay naman sa kaniyang suot.

Nang matapos siyang mag-ayos ay napatitig siya sa repleksyon niya sa salamin. Mapait siyang napangiti nang may maisip, kailan nga ba siya nakasuot ng ganitong damit?

Halos hindi na niya matandaan kung kailan siya nakapag-ayos ng ganito. Paniguradong kapag nakita siya ni Devon ay sasabihin nitong maganda siya.

Bumukas ang pinto at agad siyang napaharap kay Demitri, nakita niyang bahagya itong natigilan nang makita siya.

She smiled genuinely.

Hindi man niya aminin sa sarili ngunit umaasa siya na sana ay mapatawad siya nito sa pang-iiwan niya noon. Hindi niya alam kung makakapag-paliwanag pa siya pero isa lang ang alam niya, sisiguraduhin niyang hindi mawawala si Devon dahil sa sakit nito. Pagkakatapos nitong magpagamot ay roon siya magpapaliwanag sa asawa kung ano ba ang totoong nangyari.

Doon na lang niya iisipin ang nakaraan, ang importante ay ngayon.

"Let's go?" anito kaya tumango siya.