هلاوو اني اسمي فرح عمري ١٩ سنة طالبة كلية مرحلة ثانية قسم إدارة واقتصاد بشرتي بيضة وجسمي حلوو لاضعيفة ولاسمينة وطولي ١٦٠،،وشعري طويل اني بطبعي هادئه
ومن عائلة غنيه وعندي ٣ اخوات أصغر مني ثنين تؤام اسمائهن نور وسرور واختي الخ اسمها رحمة..
عائلة ابوفرح☺️☺️
حسين (ابو فرح) عمره ٤٩ سنه وعندة شركة يشتغل بيها ويشتغل معاه اخوه حسن..
هلا اني حسين والد فرح وعمري ٤٩ سنة وعندي شركة واشتغل بيها اني واخوي حسن واحنه ناس اغنياء ابا عن جد واحنه بس ثنين اني واخوي حسن وعدنه اخت وحدة اسمها اسماء
حسن اخو حسين يشتغل مع اخوه حسين بشركة كلش جبيرة وضخمة
هلا اني حسن عمري ٣٥ سنة اصيرعم فرح متزوج صارلي ١٧ سنة وماصارلي أطفال وبقيت متزوجت ع زوجتي احبها وتحبني وبالتالي هذا رزق من الله،، زوجتي اسمها إسراء... إسراء من النوع الي تحب الفخفخة واني مدللها ممنقص عليها شي.. بيت الها وسيارة خاصة بيها
هلا اني بسمة والدة فرح عمري ٤٦ سنة ربة بيت وماصارلي اولاد بس اربع بنات والحمدلله كلشي من الله حياه الله
هلا اني إسراء زوجة حسن عمري ٣٠ سنة موظفة بالشركة مع حسن واني دارسة ومكملة دراسة وتوظفت بالشركة مع حسن وافتهم بهيج أشغال وهم وحدي بالبيت وماعندي أطفال ولهذا حتى أملي وقتي،،
هلاو اني نوران صديقة فرح عمري ١٩ سنة طالبة كلية ونفس قسم فرح اني طولي ١٥٥ يعني قزومة وبيضة للشقار وشعري قصير وعيوني خضر احب فروحة كلش واني المقربة الها وهي همات مقربة الي
هلاوو اني رحمة عمري ١٦ سنة طالبة صف الثالث متوسط راسبة سنة😏ماأحب الدراسة،، بشرتي حنطاوية وطولي ١٥٤ اي اي قزومة وشعري طويل وعيوني وساع وطبعي مزاجية 😏☺️
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عائلة ابو حسام ☺️☺️
هلاو اني حسام عمري ٢٨ سنة متخرج ومهندس شكلي طولي ١٧٨ وزني ٧٥ ومعضل وعيوني عسليات
عصبي،،، واحب اهلي كلش واخاف عليهم من الهوى
هلاوو اني عماد والد حسام عمري٥٠ سنة احنه عائلة متكونة من ٦ حسام الجبير وعلي الوسطاني وعمر الي اصغر منهم الصغير وعندة سكر ومريض وميستحمل... وبنت وحدة اسمها مروة،،
هلاوو اني والدة حسام اسمي سارة عمري ٤٨ سنة ربة بيت وعندي ٣ولد وبنت وحدة
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
رحمة،، لج فروحة كعدي كعدي كافي نوم كعدي
فرح،،، امممم😪😪
رحمة،، لج كومي امي تكول خل تكعد كافي نوم
فرح،،، اهووو خليني نايمة 😴اليوم ماعندي دوام
رحمة،، خل اروح اجيب كوب مي واني اخليج مو بس تكعدين اخليج تكمزين،،
فرح،، ولج عزاااا صخام بوجهج شسويتي ولج خبلة اكو احد يكعد احد من النوم هيج😠
بسمة،،، (الام) ولجن كافي عرايك من الصبح
،،،،،،،
😍😢يتبع
#الكاتبة #هبه
