فرح،، رجعت من اهلي وجنت مشتاقة لهاي الخبلة
مروة كلش رغم اني متإخرت هو يوم بس لان تعودنه سَوة دائما
سوالفه وضحكنة ومروة طيوبة تستاهل كل خير
المهم دخلت اسلم ع عمة
وجان اشوف نوران بوجهي طبعا ماعبرتها ولا حسبتها موجودة
بس الي لفت انتباهي حجت كلمة غريبة بس مدري صدك لو اني غلطانة
كالت،، نوران خلي اروح انام احسن الي من هاي الاشكولات حتى ماالبيبي يتعب
فرح،، باوعت بطرف عيني بااستغراب وسحبتني من ايدي مروة وصعدنه
فرح،، اكلج مروة سمعتيها شكالت لو اني اذاني تسمع غير شكل
مروة،، يمعودة ماعليج بهاي البومة انتي متعرفين هي تريد تغثج بأي طريقة
وشي ثاني ترة لاتنسين هي صديقتج والمفروض تعرفينها اكثر مني
فرح،، اني اعرف تريد تسمعني حجي وهي صح صديقتي بس صديقتي قبل وكت من جانت بريئة هسه اني حتى تندمت عرفتها
مروة،، يلا عاد لاتضوجين وتضوجيني واني في منتهى الفرح، 😂
فرح،، هههه يلا يامنتهى الفرح احجي
مروة،، ههههه وحجيتلها كلشي صار وياي
✨✨✨✨✨✨✨✨✨✨✨✨✨✨✨✨✨
أوس،، طلعت من بيت خالي واني ماغابت عن بالي فرح
ومن نظري بس اباوع عليها اووف لو تعرفين هذا ويأشر ع گلبة
ماحب غيرج ابد ولا احد حاول يكون بمكانج
أيمان،، شفت أوس ضايج
وكلت خل اضحكة شوية باليل بعد مارجعنة من بيت خالي
واشوفه مهموم وصافن دخلت عليه وكتلها هنيالها ماخذة عقلك
أوس،، هههه تعرفينها ميحتاج
أيمان،، اي صح اعرفها بس بارتباك حجيت
اوس،، بس شنو شبيج ايمان ولو انتي كعدتي وياها هواي يمكن
عرفتي شنو مشاعرها اتجاهي
ايمان،، لامو هيج شوف اوس اني متعودة اضم عليك شي وهم ماأحب أتدخل بين احد بس فرح متفيدك
اوس،، شنوووو ايمان كل عقلج تحجين لج والله احبها اكثر من روحي وانتي كلش زين تعرفين
شلون هيج تحجين (بصياح)
ايمان،، اوس حياتي بس خل نتفاهم ترة اني مااحجي هيج الا اكو سبب
اوس،،،احجيلي يلا متحبني موو اي متحبني واني صار سنين احبها
ايمان،،، حجيت ودخلت بالموضوع بدون مقدمات
اوس فرح رايحة فصلية
والسبب زوجة عمها
اوس،،،كمت وكفت ع طولي وايدي ترجف واحس كمت اتنفس سريع ودكات گلبي اسرع
شلون هيج تحجين ولج كل عقلج منو كلج
ايمان،، اوس اني مااكتلك حتى هيج تسوي بنفسك
بس حتى تشيلها من بالك
فرح كتلها انته تحبها
بس هيه ع ذمة رجال ثاني مابيدها شي ليش حسبالك انته تلگاها تنتظرك وانته ماحجيت بقيت ساكت
اوس،،، 💔اووف ياربي شسوي اني ولج نار بگلبي ماتطفى
ليش هيج لج سنين اني احبها
ولحد هسه ماشفت غيرها من طلعنه خارج العراق لحد مارجعنه
ايمان،،، هدى نفسك هسه وكافي لايروح يصير بيك شي
اوس،، كمت طلعت وسديت الباب
صعدت بالسيارة ورحت امشي وماعرف وين اريد اروح
لحد ماوصلت كدام باب بيت خالي
بقيت كاعد بالسيارة لحد مااخذتني النومة
كعدت الصبح واني بالسيارة حركت ومشيت رجعت للبيت
🌸 🌸 🌸 🌸 🌸 🌸 🌸 🌸 🌸 🌸 🌸 🌸 🌸 🌸
فرح،،جنت بالاستقبال انظف وادندن مع نفسي واغني
واجتي مروة
مروة،،، لج فروحة
فرح،، ها ولج خير شكوو
مروة،،، لج سمعت خبر جديد
فرح،، غير تحجي هسه
مروة،، لج البومة حامل
فرح،،، انصدمت صدمة الظاهر انو ماكو امل ولو شعرة انو ننجمع بس ماطول هيج
والله لو مو بس احبه لو روحي بيه بعد مااحجي وياه
وكما ارجف وعيوني تذب دمع
مروة،،، حبي ع كيفج بروحج ليصير بيج شي
يعمري والله لو ادري مااكلج بس كلما اشوف منها شي اكرها بالزايد
فرح،،، كما ابجي وردت اصعد لغرفتي وقبل لا اوصل الدرج
دخت كلشش بعد مااشوف وجان اوكع
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
حسام،،، جنت طالع بشغلة
وخابرتني ست نوران تريد اشياء مشتهيتها لأنها حامل
وتخاف ليطلع بالطفل
نوران،،، ألوو حبيبي
حسام،، هلاو احجي شتريدين
لان عندي شغل
نوران،،، حبيبي مشتهيه ليمون كلش
حسام،،،ماشي يصير خير
حسام،،، سديته من نوران واحس مو مرتاح مااعرف ليش
المهم كملت ونزلت للسوك اخذ ليمون ورجع دگ التلفون
شفته طلعت مروة
مروة،،، ابجي واحجي هلا حسام شلونك
حسام،،، خير مروة شكو ليش تبجين
مروة،، حسام فرح اتخربطت مااعرف شبيها
تعال حتى ناخذها للمستشفى
حسام،،، جاي هسه مااتأخر واني يمكم
اخذت اليمون لهاي وبسرعة وحتى مااعرف شلون حاسبت صاحب المحل
وطلعت صعدت بالسياره وحركتها بسساع
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
هلا حبايب طبعا كلش اسفة لان البارت قصير بس والله صار عندي حالة وفاة ومكدرت بس هاي البارت الي كتبته
حتى الي متابعيني ماينسون ولخاطركم نزلت هذا البارت
واعتذر مرة ثانيه
احبكم
يتبع،،، 😞😥
#بقلمي
#الكاتبة هبه
