هلاوو حبايب الي تقرون القصة ممكن تتفاعلون وشكرا،،
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
فرح،، رجعنه من المستشفى وحسام حيلة مهدود بالكوة يمشي وأهله بالبيت مايعرفون انو عمو اتوفى،، وصلنه وتلكونه ويسئلون ع عمو ماكو ويانه،، نزل حسام وكعد ع القنفة وعمة سئلته ولك احجي وينه ابوك ليش مو وياكم،، اتنهد وبالكوة يحجي ابوي مااات اي ماات يعني لحك عمر،، وبهل حال احنه كلنة نبجي اني من جيت ابجي ع حالة حسام وضعة ميعجب
عمة وَكعت اغمى عليها وعلي كام يضرب بايدة ع الحايط ومروة سكتت محجت شي بس واكفة يم راس عمة.. وشممناها عطر حتى تصحى.. صحت وكامت كالت يلا ولدي امشونه نروح نجيب ابوكم ونودعة لآخر مرة حنشوفه،،،
وكانو بالكوة يمشون وصعدو بالسيارة وبقينه اني ومروة بالبيت وحسام وعمة وعلي راحو يجيبون عموو حتى يغسلونه ويرحون يدفنونه،، كمت اني ونضفت البيت كله لأن هوسه،،، وكملت ورجعو من المستشفى ونزلو عمو وجانو مغطينة بالأبيض،، ونزلت مروة وسلمت ع عمو ورحت اني همات بس جان شكلة كلش يقهر ودعناه واخذو غسلوه وراحو للدفنه اجتي عمات حسام وخالاته وكلها اجت وجوه اول مرة اشوفها،، راحو الدفنه ورجعو واني ومروة نشتغل بس الغريب انو مروة بعدهي مصدومة ومبجت وتشتغل وساكتة.. المهم نقدم جاي ونوخر والرياجيل يكعدون بالديوان بيت أهل حسام عدهم ديوان كلش جبير ويكعدون بيه الرياجيل المهم،، جنت واكفة بالمطبخ واجتي مرة متوسطة بالعمر تباوعلي بطرف عينها.. من جوة ليفوگ اني استغربت لان نظراتها بيها حقد او كره.. تركتها بعدين راح مروة اخذت الجاي رجعت بعدهي ما اصلة المطبخ وكعت رحت اركض واصيح عمه عمة تعاي مروة وكعت مااعرف شبيها،، اجتي عمة وصاحت لحسام شالها وصعدها فوك،، وشممناها عطر وكعدت تهلوس بابا وينك بابا بصوت كلش مبحوح وناصي من التعب وصار من الصبح هي ماماكلة شي،،،،مروة،،من سمعت بوفاه بابا واني بغير عالم، ماأعرف لابجيت ولازلت دمعة عكس عمر بقيت ابجي لحد مابعد مااكدر المهم بفاتحة بابا اني تعبانة وجسمي نحلان ومااكلت ابد ولانمت بس مصدومة 🤦♀️..رجعت داادخل للمطبخ ماحسيت بشي بعد وَكعت وفتحت عيوني بغرفتي وماما وحسام وفرح وعلي،، وجابلي اكل وكالولي لازم تاكلين واهتمي بصحتج لان الحي أبدى من الميت، واحنه كلنه ع هذا الطريق
حجو معاي وصبروني،،
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
حسام،، بعد وفاة ابوي كلش انهاريت وممستوعب يعني عمر بعد ماعابر ع وفاته شهرين،، وتعبت وبعد مااستحمل راح اطگ اذا مااحجي.،، عبر ع فاة بابا ١٠ ايام وبالكوة عدت الايام والناس الي تجي تسلم بدت تقل،، وفراغ بابا عمر كلش كاعد يأثر علينه
فد يوم من الايام جنت ضايج كلش وبس اريد شخص احجيلة
رحت للمطبخ حتى اشرب مي لگيت فرح كاعد تنظف كتلها جيبيلي مي حتى اشرب كعدت ع الطاوله واباوع عليها شكد هادئة وصبورة وملتزمه كلش ومؤمنة،، جابت المي سحبت ايدها مع المي كتلها اكعدي هي استغربت اول مرة المس ايدها،،
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
فرح،، عبر ع وفاه عمو ١٠ ايام ونفس الروتين نكعد الصبح ونطبخ ومو هواي ياكلون جنت واكفة بالمطبخ انظف وسمعت صوت حسام كلي جيبيلي مي حتى اشرب كتله اي رحت فتحت الثلاجة وخليت بالكلاص مي وداانطي سحب ايدي مع المي،،
تفاجئت بس مابينت لان اول مرة يلمس ايدي،، كالي تعاي اكعدي كعدت كلي فرح،، كتله نعم،، كال ممكن تسمعيني اريد شخص افضفضله طگت روحي ومااريد احجي لشخص خارج البيت عندي أصدقاء بس ماأحب احجيلهم هيج اشياء،،
اني تفاجئت بزايد لان معقولة إني الفصلية هيج يحجي وياي،،
فرح،، كتله اي تفضل احجي،، بدى يحجي واني اباوع ع عيونه.. يربي شكد حلوات عيونه،، يحجي واني اسمع حجة كل الي بگلبة،،، واني اسمعة كتله حسام،،، كلي نعم،، فرح،، نعم الله عليك التزم بصومك وصلاتك وشوف التغيير وانطي زكاة،، وشوف شلون الله يوفقك،،
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
حسام،، كمت احجيلها وافضفضلها وتسمعني،، وتنصحني انو التزم بصلاتي وصيامي،، وانو انطي زكاة يربي شهل بنية اني مشايف هيج برائة بوجها المهم كملت وكتلها اترخص،، ترخصت رحت اشوف امي شلونها دخلت للغرفة شفت مروة يم امي ومروة شوية تحسنت،، سلمت ع امي وبست راسها
وكلت لمروة شلون صرتي كالت احسن الحمدلله
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
فرح،، اشتاقيت لنوران كلش ولسوالفها وشقاها ورحمة وأهلي وبابا وماما وعمو حسن اففف،، خلي اطلع جهازي اتصل عليهم،،
سحبت جهازي واتصلت ع بابا جاوب،، ألوو شلونك بابا اخبارك اني فرح،،
ابوفرح،، هلا ببنيتي شلونج صحتج عافيتج شلون الناس وياج مرتاحة ان شاء الله،، فرح الحمدلله بابا مرتاحة والناس كلش زينين ومعامليني احسن معاملة،، ابو فرح،، الحمدلله بنتي طمنيني عليج،، فرح،، بابا لعد وين ماما اريد احجي وياها،، ابوفرح،، اي موجودة هسه انطيج اياها،، ام فرح،، هلا ببنيتي شلونج يبعد عمري لج يضربوج موو طبعا ادري انتي ممرتاحة بس شسوي والله الذنب مو ذنبج بس شسويين والله بالي كله يمج،، فرح،، هههه لج ماما انطيني مجال احجي والله زينه اني والناس كلش يعاملوني زين ناس مثقفين وماشفت منهم شي،، ام فرح الحمدلله،،، فرح،، ماما سلمي ع رحمة ونور وسرور،، لازم اسدة هسه،، ام فرح،، الله وياج بنتي،،، بعدما سديته من اهلي نزلت حتى اشوف حسام وين مدري صرت من مااشوفه بالبيت ماارتاح،،، وسئلت عمة وين حسام، كالت طلع مااعرف وين،، ومروة جانت بالمدرسة،، (طبعا بعد اقنعتها يلاقبلت تروح وعمو صارله فترة قليلة من توفه) كمت نزلت سويت حلويات وكيك وخليته بالفرن وكعدت كلت خل اسوي دولمة واخليها بالثلاجة،، كملت والساعة صارت ٤ اجتي مروة من الدوام وكعدنه نحجي كالت اليوم جان عندي امتحان كلش مهم والحمدلله عدة على خير،،
🌸 🌸 🌸 🌸 🌸 🌸 🌸 🌸 🌸 🌸 🌸 🌸 🌸
هلاوو اعرف البارت كلش قصير بس ان شاء الله السادس أطول،، تابعوني وتفاعلوو،،، وشكرا
يتبع،،،
💔😔
#الكاتبة_هبه
