راحت نوران وجان البيت كله مكتئب
لان عيشتنه بأجواء حزينة وداعية
المهم جنت كاعدة بالاستقبال ومروة كاعدة بصفي طبعا احنه نبقى سوة دائما لان كلش احبها وتحبني
دگ مصطفى ع مروة
وطلعت من الاستقبال حتى تحجي وياه
مصطفى،، هلا حبيبتي شلونج
مروة،، الحمدلله انته شلونك شكو ماكو
مصطفى،،، ماكو شي بس ع اساس اجي وطلعتلي شغلة
مروة،، عادي حبي اصلا جان وضع البيت مايسمح حتى اشوفك
مصطفى،، ليش شكو شبيج معقولة متردين تشوفيني
مروة،،، لاوالله مو هيج بس نوران طلعت من المستشفى
واجتي ودعتنه وطلبت الطلاگ من حسام
مصطفى،، هاا بس ليش شنو السبب
مروة،،، والله مدري من وكعت اجتي للبيت ودعتنه وطلبت الطلاگ وحسام نفذلها طلبها
مصطفى،، الله يهديهم،، اكلج من كتلج اجي اشوفج حتى نحدد يوم عمود الخطوبة
مروة،،،الخطوبة يلا من يصير عندك مجال تعال ونحجي
مصطفى،،، ماشي حب بيباي
مروة،،، ماشي الله وياك حياتي
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
فرح،، من راحت نوران صح ضجت لان اني ماالي دخل بس خطية كسرت خاطري
بس قررت ماافوت هاي الفرصة واتقرب من حسام اكثر
فكرت بكلام مروة وصح كلامها
وهذا اليوم بذات مااخلي شي يأثر علية
كمت رحت للمطبخ،، وسويت كيك ولقمة القاضي
وكملت وصعدت لغرفتي وطلعت ثووب هوو قصير لحد جوة الركبة وسبحت وخليت مكياج خفيف
وخليت شعري مفتوح بالعادة اظفرة بس بقينة هيج
وصدك تجرأت بنفس اليوم الي راحت نوران اني طويت ورقتها
المهم نزلت وجان تشوفني مروة بقت مصدومة وفاتحة حلكها وعيونها
فرح،،، مروة شبيج مصدومة
مروة،،، ولج هذا الجمال وين جان لج اذا اني شفتج وعيوني زاغن لعد اخوي شيسوي
فرح،،، ههههه وجع لج اسكتي بس فكرت بكلامج واني احبه فتجرأت اليوم حتى أبدى شي جديد ويااه لان بصراحه نوران جانت السبب وراحت وماكو غير هذا الوكت اتقربلة
مروة،،، اول مره اعرف انتي انأنية
فرح،،، لاوالله موأنانية بس خسرت كلشي واني أحق بحسام من نوران صح هي جانت زوجته بس اني هماتين زوجته بس اني جنت أتنازل هوااي
لحد ماكلشي صار موبرضاتي
مروة،،، صح كلامج وترة والله هو يحبج
فرح،،، مروة ترة اني هم احبه وماجنت احب يتأذى
مروة،،، احسن تفكيرج عجبني بس اكلج استغلي الوضع وافتحي موضوع الدراسه بلكت يوافق
فرح،،، هههه ولج هو اني خلي اتجرأ اكعد وياه بغرفة وحدة ويصير خير
