قبل العرس بيومين ولازم مروة وفرح يعرفون بس شلون
ام حسام،، بنات تعالن عندي حجاية معاجن
مروة+فرح،، هاا اجينه
ام حسام،، بنتي فرح اني ادري بيج انتي ممقصرة لامع حسام ولامعانه بس بنتي حسام عقد ع بنت هو يعرفها وبعد يومين للزواج واني كلت لازم تعرفين
فرح،، من حجت هيج عمة مثل البركان وهاج بداخلي دخت وبعد حتى مااعرف شحجي بس كتلها مبروك ودموعي نزلن
مرررة،، شلون يمة هيج كل عقلة حسام مو عندة فرح تسوة عشر نسوان يمة ليش كسرتو گلب البنية اذا ميريدها ليش يعذبها
فرح،، مروة لاتحجين هيج كلشي قسمة ونصيب واني هسه اترخص لازم اروح لغرفتي
مشيت حتى اصعد لغرفتي واني دموعي نزلن شحجي شكول صدك من كالت مروة اجت وحدة تاخذة ع طبق من ذهب ليش ربي هيج صار اني شنو سويت خسرت دراستي وااهلي واستحملت كلشي وهسه تجي وحدة تاخد اول حب بحياتي
اوووف 😭😭بعد مااستحمل
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
حسام،،، بعد يومين للعرس وكاعد احضر رخت للسوك اخذت نوران وحجزتلها للصالون واخذتلها بدلة واني اخذت قاط
ومخليت شي مااخذته وغرفتي جديدة
كملنه وصلت نوران ورجعت للبيت دخلت البيت هدوء ونضيف
دخلت للغرفة وجان يندك الباب
مروة،، ممكن ادخل
حسام،، تفضلي مروشة
مروة،، حسام سمعت خاطب ليش هيج حسام ليش تكسر گلب فرح انته تدري شصار بيها من سمعت ادمرت بس انته تعرفها هي متبين لاحد دومها ساكتة
حسام،،، مروة انتي تعرفين شي واني اعرف شي
مروة،، اعرف حسام انو لان انته ممتقربلها هيج تحجي بس جان بأسلوبك المفروض تتقربلها انته هيج دمرتها ومراح تسامحك
حسام،، مروة انتي صغيرة ع هذا الكلام ولاتتدخلين عيب عليج
مروة،، كمت وكفت ع طولي وكتلة لا اني موصغيرة واعرف كلشي وفرح تحبك اي تحبك هي كالتلي ومتكدر تعترفلك
حسام،، بقيت مصدوم من كلام مروة محجيت شي بس (بداخلي) لج مروة هسه يلا تحجين لج ليش هيج من فات الأوان هسه يلا تحجين اووف لج والله مثل الي ضربني ع وجهي،،
ثاني يوم العرس ومخبوصين واجو عمامي وخوالي واني مصدوم واتسرعت ومشفت فرح ابد سئلت مروة كالت بالغرفة وطلعت من الغرفة ابد ليش هيج سويت المهم طلعت اروح اخذ نوران حتى اوديها للصالون ورحت ورجعت وبعدهي بغرفتها
صعدت عليها وكفت يم باب الغرفة واسمع صوت بجي
درت ادخل بس اتراجعت شسوي اذا دخلت مراح يتغير شي
رجعت واني مخنوك
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
فرح،، من يوم الي سمعت حسام راح يتزوج واني كطعت روحي من البجي بس مبجبت كدام احد منهم حتى لاابين ضعفي ولااحب اشكي لاحد اكتم بگلبي واسكت
