مروة،، طلعت من فرح بعد تعبت من البجي ونامت والحزن الي بگلبها محد يشيلة
بس لو اعرف ليش هيج كاعد يسوي حسام جان ارتاحيت
يعني عايف فرح كلها جمال وأخلاق ودين وطايرلي ورا وحدة استغفرالله خل اسكت احسن
ام حسام،، يمة نوران تعاي جيبيلي مي حتى اخذ علاجي
نوران،، حاضر عمة تدللين
ام حسام،، باعي لاتحاولين تفرضين نفسج ترة تبقى فروحة الها معزة خاصة بگلوبنة وانتي مجرد جنة بالبيت تشتغلين حالج من حال البنات فهمتي
نوران،، خير عمة سامعة شي بعدين بعدي عروس وجديدة
هذا من اول يوم هيج
وصارت نوران تبجي بجي مكر حتى تسمع حسام
حسام،،، خير شكو شصاير شنو كل هل بجي منو ماات
نوران،، امك امك متحبني ومتريدني بالبيت
ام حسام،، يااا فلك طرج انا كتلج هيج،، لايمة گلبت الحجي انا كتلها تشتغلين حالج من حال البنات ومعزة فرح تبقى بگلوبنة ومحد يغيرها
حسام،، يمة ترة هذا اول يوم اذا من اولها هيج لاتخليني اتندم
نوران،، اني صاعدة لغرفتي مابية حيل مشاكل
وتبجي بجي مكر (يعني جذب او تتصنع)
🌸🌸🌸🌸🌸🌸🌸 🌸 🌸 🌸 🌸 🌸 🌸 🌸 🌸
فرح،، غفيت وكعدت ع صوت عمة ونوران صوت عالي ومن
بينهم اعتقد حسام بديتي بالمشاكل ينوران توقعت الدنيا كلها الا انتي صديقة عمري ماتصورت هيج ابد والله
دگ تلفوني وجانت امي تتصل،،
ام فرح،، هلا يمة شلونج اخبارج
فرح،، بصوت مبحوح هلا يمة شلونج مشتاقتلج
ام فرح،، شبيج يمة شبيه صوتج هيج يمة لاتخوفيني عليج
فرح،، لاماما مابية شي شوية مصخنة لاتخافين
ام فرح،، يمة رحمة ونور وسرور يسلمن عليج ومشتاقاتلج كلش
وعمتج اسماء اجتي من السفر بلكت تجين مشتاقتلج وتتفقدج وتسئل عليج
فرح،، ان شاء الله ماما اكول لحسام واذا قبل اجي سلمي ع بابا وع عمو حسن واسراء
ام فرح،،، ان شاء الله يمة مع السلامة
فرح،، الله وياج
سديته من امي ونزلت حتى احجي مع عمة وحسام بلكت يخلوني اروح ع اهلي مشتاقتلهم كلش ومن جيت هنا مارحت
دخلت ع غرفة عمة
فرح،، شلونج عمة
ام حسام،، علا بعد عمي اكعدي بنتي
فرح،، عمة اجيت اكلج امي اتصلت علية وكالت عمتي اجتي من السفر وكلش مشتاقتلهم بعد تقبلون اروح
ام حسام،، اي بنتي شكو بيها كولي لحسام وروحي
فرح،،، تسلمين عمة
