بعد مرور يومين وطلع تحليل فرح،،
اجه الدكتور
وكال منو فرح حسين
حسام،، نعم اني زوجها خير دكتور
الدكتور،،، تعال وراي للغرفة
حسام،، اوك تفضل دكتور
كعدت مع الدكتور وكال انو التحليل طلع
الدكتور،، اخ حسام الأخت فرح من كثر الصدمات صارلها هذا الشي ولاتخاف مجرد عرض بسيط صح يكولوله ورم لكن حميد
ما يأثر بس ديروبالكم هاي المرة سلامات لكن المرة الجاية الله اعلم،، وهاي علاجات خليها تلتزم بيها ومن تكعد تكدرون تاخذونها للبيت
حسام،، من هيج حجه الدكتور والله من الفرح بعد ما اعرف شنو اسوي وعدت نفسي انو ماأذيها ابد واتقربلها
لان اني احبها ومثل الغباء مني هيج سويت
كمت واتشكرت من الدكتور
ودخلت لغرفة فرح جانت نايمة وكاعدة يمها مروة
بصوت خفيف صحت مروة وانتبهت
حسام،،، مروة لج مررروة تعااي اكلج شي
مروة،، اي اي جيت خير شكو
بس طلعت من الغرفة وسحب أيدي
حسام،، لج مروة التحليل مال فرح نضيف
مروة،، شهكت شهكة قوية وخليت ايدي ع حلگي مع ابتسامة عريضة من الفرح وكمت اكمز مااريدها تحس
حسام هسه هي نايمة
والحمدلله ماحست وكدرنه نعرف انو هيه مابيها شي
بس تشكي من راسها
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
فرح،، جنت احجي مع مروة وفجأة نمت مدري غفيت
وحلمت حلم انو اني بمكاان مثل الصحراء ومابيه احد
بس اني وحسام
واجه تقرب مني كلششش ولزمني من ايدي قووي
وكعدت فتحت عيوني ماكو احد جانت مروة يمي ماكو
بس كعدت مرتاحة لأول مرة هيج انام نوم وتمسك حسام بية بالمنام خلاني ارتاح انو مراح يتخلى عني
بس ماطول هاي معاي وبنفس البيت (نوران المقصودة)
مراح اتقرب من حسام
اجتي مروة دكت الباب
ودخلت
فرح،، هلا مروشة
مروة،، هلا فروحة الحمدلله ع السلامة اكلج الدكتور كال تكدرين اطلعين من المستشفى وردت اجي قبل شوية بس جنتي نايمة كلت مااكعدج
فرح،،، اي لج مروة جنت نايمة وهمات حلمانة حلم غريب
وحجيت الحلم لمروة وكالت ان شاء الله خير
وكالتلي احضر نفسي حتى حسام يكمل الإجراءات ونطلع من المستشفى
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مصطفى،،، صار شكم يوم وحسام مو ع بعضة اتصل بيه ميجاوب رحت للبيت ماموجود ان شاء الله ماكو شي
والدوام هم مااجه
اتصلت ع حسام
مصطفى،،، هلا ضلع هاي وينك يمعود صارلك شكم يوم ماكو اذا السبب الموضوع ذاك (خطوبته لمروة)
حسام،،، قاطعت مصطفى بالكلام وكتله لاوالله ولك بس عندي ضروف ومكدرت حتى اجي للدوام
