حسام،، رجعت واني افكر حتى اروح اخطب نوران بس هم احب فرح بس مااكدر المهم صارت الساعة بسته المغرب اجيت ع امي يمة يمة،
ام حسام ها يمة اني هنا تعال،،
حسام،، يمة حضري حالج بعد العشة راح نخطب البنت
ام حسام،، هاا يمة البنت فرح شنو ذنبها وشحلاتها جنها العافية لاتكسر كلبها وضهرها ابني،،
حسام،، يمة اني قررت واريدج تروحين ويااي واذا متحبين اني اروح باانزعاج حجة،،،
ام حسام،، لايمة امري لله اروح وياك تدلل
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
فرح،، دخلت للمطبخ اسوي عشة واجتي عمة كالت بنتي
استعجلي بالعشة حتى نطلع عدنة طلعة اني وحسام
فرح،، اي عمة دقايق ويكمل الاكل
راحت عمة تبدل حتى يطلعون واني گلبي ناغزني ومو مرتاحة واحس اكو شي واني افكر قطعت أفكاري مروة،،،
مروة،،، امممم شنو هاي ريحة الاكل كلش طيبة
فرح،،، اكلج مروة شبيهم عمة وحسام
مروة،، والله يافروحة مااعرف وهيه تاكل من الاكل وتحجي
فرح،، يلا شيلي ايدج ام كرش وروحي صيحيهم حتى ياكلون
مروة،، اممم لج فديت ايدج ياشيف فرح طبخج يجنن
انجمعنه ع الاكل وسكوت وهدوء محد حجة اكلو شوية وكام حسام وراحت وراه عمة الله يستر شكو كلبي مو مطمئن بس اني متعودة مااحجي اسكت دائما ساكتة
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
حسام،، اتصلت ع نوران وكتلها راح نجي اليوم اتقدملج حضري حالج،
نوران،، صدك بفرح ماشي يعمري 😘
حسام،،،سديت الجهاز وكملنه عشة وطلعنه اني امي ومكسور كلبي ع فرح بس مبينت (احجي بداخلي) ليش حسام يمكن تسرعت اذا انته تحب فرح ليش هيج سويت كل هذا الحجي بس كاعد احجي بداخلي جان اعترفت وفضيتها،،
وصلنه واستقبلونة الناس كلش محترمين وناس واصلين وحالهم المادي زين
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
مروة،،، لج فرررح تعاي جهازج يدك لج فرررح تعاااي
فرح،،، هااا هااا جيت كلبتي البيت شكو منو
مروة،، مااعرف تعاي اخذي جهازج
فرح،، اخذت الجهاز وجان اشوف هاي نوران من زمان ممتصلة علية مشتاقتلها بس ماادري يمكن الدراسة بعدتها عني
فرح،،، ألوو هلا عمري شلونج
نوران،، هلا يگلبي لج هاي وينج حركت الجهاز عليج ماكو متكوليلي شوكت تبقين الجهاز قريب منج
فرح،، لج الجهاز جان بالغرفة الثانية واني بالمطبخ اي احجي شلونج اخبارج شدعوة لج مشتاقتلج
