وصلت مع عمة للمستوصف بعد جانت الازدحامات
كلش
دخلنه ورحنه حجزنه يم الدكتورة
وجان اكو ٤ اسماء كدامنه انتظرت خلصوو
واجه دوري واني گلبي يدك بسااع
دكتوره التحليلات كالت
فرح حسين
فرح،،، نعم
الدكتورة،،، يلا حتى تسوين تحليل
فرح،، اي ماشي
دخلت وسحبت مني دم وكالت انتظري فد نص ساعه ويطلع التحليل مالتج
رجعت ع مكان الانتظار
واتنفست قووي بحيث حست عليه عمة
وكالت
ام حسام،،، يمة شبيج خايفة وشايله هم
الله كريم
فرح،،، والله عمة ماادري ليش خايفة
ام حسام،،، الله كريم بنتي
ورا نص ساعه، وجان الدكتورة تبدي تصيح الأسماء
ومن ضمنهن صاحت اسمي
كتلها نعم
سحبت الورقة مالت التحليل وجان تگول مبروك انتي حامل بالاسابيع الاولى
والله بعد مااعرف شلون اوصف فرحتي
عمة تباوع علية والابتسامة ممزوجة بفرحة بكل ملامح وجها
ام حسام،،، يمة الف مبروك وأخيرا راح اشوف جهال حسام
يايمة شكد فرحت وشكي طلع بمكانه مو كتلج هذا حمل
فرح،،، الله يباركلج عمة متتصورين شكد اني فرحانة والله
ان شاء الله عمرج طويل وتزوجين حفيدج مدري حفيدتج
ام حسام،،، ان شاء الله يمة يلا امشي خل نرجع للبيت
هسه هاي مروة اتخبلت خلينها بالبيت وعدها كومة شغل
فرح،،، يلا عمة امشي
ورجعنة للبيت واني من الفرح الي بية صدگت اسمي فرح
ودخلت للبيت والورقة ضميتها
وكلت لعمة ع اساس شوية صخونة مااريد حسام يعرف بطريقة عادية اريد اسويلة مفاجئة
وخطية عمة كالت ماشي مااحجي يمة انتي فاجئي حسام ومروة
صيحت مروووووة بضحكة
وبنفس الوقت فرحانة كلش
وجان تنزل مروة خطية تركض زين ماوكعت وتكسرت
تتنفس بساع وجها اصفر الظاهر فززتها
مروة،،، هااا فروحة خير شكو ولج شبيج
صوتج وصل سابع جار
فرح،،، حجيت وياها وبلگوة كتمت ضحكتي
ولج حتصيرين عمةةةةة
مروة،،، فركت عيوني ممصدگة الخبر
لالا صدگ والله
يعني حسام حيصير اب
وكمت اركص وابوس واحضن بفرح
صدگ فرحتلها كلش فرح انسانة كلش طيبة وتستاهل كل خير
فرح،،، باعي مروشة اني اريد اسوي مفاجئة لحسام
وأريدج تساعديني
مروة،،، اي مو تدللين شعندي غيركم احبل اجيب
😂 😂
فرح،،،،، هههه انجبي وساعديني بدون كلام
مروة،، ماشي باعي راح اكلج فكرة
حسام يجي بالليل يعني بعدلة ساعتين بالزايد
الي اكلج عليه تنفذينه وبدون كلام ماشي
فرح،،، ماشي يلا اطربينه
مروة،،، تاخذين ورقة التحليل وتخلينها يمج
من تشوفينه
وبهذا الحجي انتي ع سنگة عشرة يعني مكياج وعطر وترتيب
اريدج تجننين اخوي ماشي
ومن يدخل حاولي تسوين نفسج كاعد ترتبين الملابس ومن يجي يسلم ويدخل شيلي الورقة وانطيها اله
وشي إكيد الفضول راح يكتله فاأنتي بطريقتج كوليله 😉
