#ما_بيدي
مشينا الشقه ونفس الحركات لاطايق ياكل معاي ولا طايق مني كلمه ولا حتى بعاين لي ساي يا مع تلفونو ولا التلفزيون ي طلع، مشينا زورنا الاهل وبدينا باهلو ونحن في الطريق قالي اياك اسمع منك كلام مايعجبني واياك تظهري ليهم الحاصل بيناتنا قلت ليهو والحاصل بيناتنا شنو قالي ماعندك حق تسأليني بس اعملي القلتو ليك كنت حاسه بنقص وهو نقص في جمالي فكنت ببرر ليهو عمايلو معاي بالسبب ده وصلنا ولاقانا عمي وسلم علي وقالي ان شاء الله مبسوطين مع بعض انا قربت دمعتي تنزلي من الحاصل معاي بس ابتسمت وقلت ليهو اي ي عمي ولدك مامقصر معاي بحاجه وهو قاعد جمب امو قامت امو قالت لي وهو البتلقى ولدي مفروض تحمد الله ليل ونهار وكمان بقى من نصيبك انتي مفروض كل يوم تصلي ركعتين شكر قلت ليها بحمدالله ي خالتي وبشكرو عاينت لي بطرف عينها وقعدت تتكلم مع ولدها قالت ليهو مالك ياولدي جيت حالتك مبهدله كده وضعفت واتبشتنت عارفه العليك ماهين قام عمي نهره وقاليها خلي دلعك الزايد للولد ده بعد ده بقى راجل وقريب حيبقى بعيالو😡اخدنا قعدتنا معاهم وكلها كانت مطاعنه من امو ومشينا بيتنا واول ماقعدنا واتونسنا شويه امي حست بي😞خلت ياسر قاعد مع ابوي وقالت لي تعالي ي بتي عايزاك مشيت معاها الغرفه قالت لي اها اخبارك كيف قلت ليها كويسه ي امي😊قالت لي وياسر كيف معاك ؟قلت ليها تمام مامقصر معاي بحاجه 😊عاينت لي مسافه في عيوني قالت لي ي بتي انا امك احكي لي في حاجه مضايقاك طوالي ماقدرت امسك دموعي😭 وحكيت ليها كل الحاصل وقعدت اقوليها انا ذنبي شنو ي امي ليه مامن حقي اكون مبسوطه زي باقي البنات من وانا صغيره ماشفت يوم سمح حتى بعد عرست راجلي ماطايقني مع اني والله العظيم ماعملت حاجه تزعلو كل سببي اني ماسمحه يعني😢طيب انا ماخلقت نفسي انا لو بيدي ابقى احلى من كده امي لمن قعدت تبكي قالت لي انتي احلى وحده بروحك وطيبتك المابتتلقي في الزمن ده وراجلك خليك صبوره عليهو واصلك ماتتغيري من ناحيتو مصيرو حيعرف قيمتك ويقدرك اعملي العليك جيهتك ماتخليها وخليك واثقه في نفسك يابتي ومصيرو في يوم حيحبك كلامها دخل قلبي جووه وبرد علي شويه ومسحت دموعي واتونست معاها شويه ياسر دق لي قالي اطلعي بعد ده طلعنا مشينا بيتنا اول ماوصلنا ختيت ليهو العشا جمبو عايز يقوم مسكتو من يدو قلت ليهو عايزاك تاكل معاي قالي شبعان قلت ليهو ان شاء الله شويه بس😊كورك وقالي انتي مابتفهمي قلت ليك شبعان وزح يدي بقوه وقام اكلت براي وعبرتي في حلقي بس كلام امي في اضاني وقلت بصبر عليهو عدت الايام وبقينا على السفر وسافرنا لندن😍بلد سمحه وناسها سمحين 😊بس المشكله ماجمبي ناس عرب عشان امشي ليهم ويجوني طول اليوم بكون براي وراجلي بجي لبليل 😩بعد اسبوع من جيتنا راجلي جا داخل البيت سكران ويترنح واول ماشافني في وشو قعد ينبز فيني وقالي انتي مابتزهجي ماعندك كرامه مره راجلها ماطايقه ماطايق خلقتها البقعدها معاهو شنو وبعدين انا غلطان اقول عليك مره ياخ انتي غوريلا شيطان بومه اي حيوان الا بني ادم...يتبع
