#ما_بيدي
مشيت غرفتي ومن الدموع ماشايفه شي لمن حسيت بحمى في جسمي كلو 😞ولسه صوت ضحكاتهم زايد وهي اخر قله ادب وتفاهه ومياصه نمت وانا خاته يديني في اضنيني عشان مااسمع حاجه صحيت الصباح متأخره على غير العاده طلعت بره واتصدمت بالقدامي 😱وحده طويله وسمحه سماحه والشعر لنص ضهرها وجسم مقسسسم شي عجيب واقفه وخاته يدينها حولين رقبتو وهو خاتي يدينو في نصها وهي بتقوليهو ماتتاخر علي حبيبي ومن لهجتها عرفتها سوريه قاليها وانا مابقدر اتأخر عنك اخلص شغل وارجع سريع وباسها في خدها وانتبهو لي واقفه قامت براحه فكتو وقالت ليهو دي هي الحكيت لي عنها 😒قاليها اي قالت ليهو ياحرااام مسكين ماكنت متصوره تكون للدرجه دي بس حبيبي ولا يهمك حعوضك عن كل العذاب الشفتو في بلدك (طبعا بلهجتها كل الكلام ده )وانا واقفه وساكته بس دموعي نازله قالي مش انتي عايزه تعرفي اي حاجه عني احب اعرفك دي مرتي سمر مرتي الاولى والاخيره وانتي ان شاء الله استحملينا بس شهرين تلاته واذا ماطلبتي الطلاق براك وبقت عندك كرامه انا حاطلقك واقول لأبوي ماقدرت اتفاهم معاك قلت ليهو طيب انت من البدايه كان توري ابوك انك متزوج وماعايز تتزوج تاني زنبي شنو انا تجيبني من اهلي وتعزبي العزاب ده كلو قالي زنبي ابوي بحبك وشايف انك الانسانه الممكن تعدلني شايفني واحد صايع ومنحل ولو عايزه تكلميهم اني متزوج التلفون معاك اتصلي ووريهم 😏وباس ديك في راسها وطلع وديك عاينت لي من تحت لفوق وقالت ياربي حاصبح وامسي بالوش ده يومي اخاف عيالي يجو شبهها ودخلت غرفتها انا من الصدمه قعدت في الكرسي وبقيت خاته يديني في راسي واتزكر انا ياتو زنب عملتو في حياتي عشان ربنا يجازيني كل الجزا ده طوالي لبست ملابسي وطلعت لصحبتي المصريه وحكيت ليها كل الحصل صحبتي نبزتو نبز ماخلت ليهو حاجه كرهتو شديد وقالت لي ولا يهمك كده حنعدل خطتنا ونفكر اول شي نخلص من المره الجديده الظهرت في طريقنا دي 😒بس اسي عندي ليك جمعيه خيريه عايزين متطوعين تعالي انضمي معاي بتفرق عليك همك شويه وتخليك تنسي راجلك المقرف ده وفعلا مشيت سجلت معاها وكانت الجمعيه بتخدم الناس ذوي الاعاقات الحركيه رغم الوجه الفي قلبي بس ماتشوفو بكون مبسوطه كيف لمن اخدم غيري واحس انو مبسوط بسببي والله بكون في عالم تاني بقيت ماشغاله كتير براجلي ومرتو بس صحبتي مصره انها تطفشها اكتر مني😅بقت لمن تعمل الاكل بخربو ليها ياعليت النار يازودت الملح ولمن تحب تنوم بعلي صوت التلفزيون او بعمل اي جوطه وطوالي نحن في مشاكل وراجلي لمن يجي طبعا بنبزني ليها وبيشاكلني وعادي بيديني كف قدامها باخد بكيتي في غرفتي وبسكت لحدي مافي يوم سمعتها بتكورك باعلى صوتها وبتتكلم بالانجيزي وكانت بتبكي الفهمتو انو في زول حصل ليهو حادث واسي هو في المستشفى جيت جاريه وقلبي مقبوض وسألتها الحاصل شنو قالت لي اسكتي مني يا وش النحس انتي وطلعت تجري وماشفتها تاني الا بعد يومين وراجلي من يومها ماجى وانا قلقت عليهو شديد رغم كل العملو فيني بس زي ماقالت امي طيبتي مابخليها..يتبع
