#ما_بيدي
قلت ليعو عشان اول مره اسمع منك كلمه حلوه😢قالي انا عايز اعتزر منك وخجلان والله من نفسي الايام الفاتت دي اثبتت لي انو قدر شنو انا صغير قصادك قدر شنو انا كنت انسان تافه وحقير حكمت عليك وكرهتك بس من شكلك وحبيت وحده ماتستاهل برضو عشان شكلها وانتي بعد كل المعامله الكعبه الشفتيها مني وقفتي معاي في محنتي ومرضي بالجد شكرا ليك وعايزك تسامحيني قلت ليهو ماتشكرني ده واجبي اتجاهك ومسامحاك لوجه الله 😊ويوم عن يوم صحتو ماشه في تحسن لحدي مارجع ياسر بتاع زمان وبقى يمشي طبيعي 😍ورجع لشغلو وبقى يتكلم معاي عادي ومتقبلني كمان بس للان انا بنوم في غرفتي وهو بنوم في غرفتو لكن باقي اليوم ونسه وضحك وايام اجازتو بيطلعني يلففني في البلد وبالجد بكون مبسوطه شديد معاهو😍وطبعا خليت العمل التطوعي الكنت مشاركه فيهو عشان اتفرغ لياسر واجهز ليهو احتياجاتو😊وبحكي على طول لصحبتي المصريه عن التطورات الحاصله وكانت مبسوطه معاي برضو 😊بس كان همها انو ليه لسه مالمسني 😅وكان بقوليها دي حاجه مامهمه مدام انا حاليا مبسوطه معاهو وبيني وبين نفسي كنت بحس انو لسه مااتقبل شكلي تمام عشان يقرب لي😞 وفي يوم قالي بدل ماقاعده ساي كده فكرت اعمل ليك مشروع صغير يملا زمنك قلت ليهو شنو قالي تجاره تشتريها من هنا وتسوقيها اونلاين في الفيس لناس السودان وفعلا اشتراها لي وبديت اشتغل فيها وماشاء الله مشت معاي وثبت اسمي في السوق وبقيت معروفه كمان 😍وكل يوم ياسر بكبر في نظري اكتر وبحبو اكتر 😍ودايما لمن يشوفني فرحانه هو بكون مبسوط وبيقولي كل البعملو ليك ده ولا ربع العملتيهو عشاني وفي يوم على غير العاده مامشى الشغل جيت سألتو مالك قاعد الليله قالي البسي طالعين قلت ليهو خير وين طالعين قالي البسي بس لبست وطلعنا وقفني جمب مركز تجميل وكان فيهو حجز باسمي قالي ادخلي وانا بنتظرك هنا بقيت ماعارفه الحاصل شنو مع انو كل فتره والتانيه بمشي لمركز التجميل وبهتم بنفسي بس المره دي هو الجايبني بنفسو😳دخلوني وعملو لي صيانه كامله بعدها لقيت في هنديه منظراني نقشت لي قالت لي انو راجلي وصاها انو تنقش لي بعدها جابو لي توب جرتق وجدله وحاجات العروس كامله ولبسوني ليها وانا لسه مخلوعه في البيحصل وطلعت ليهو بره واول ماشافني قام من مكانو وجا علي ومسك يدي وباسها 🙈قالي لمن كان عرسنا ماعاينت ليك وحرمت من احلى لحظه في حياتك عشان كده حبيت اعيدها ليك 😊.يتبع
