#ما_بيدي
قامت امي جاتني جوه وقالت لي يابتي تعالي سلمي عليهو واعرفي بس انو مافي زول ضاغط عليك انا ماااااطمنت لكلامه ده😅طلعت وانا مدنقره راسي وسلمت عليهو وقعدت في الكرسي وخجلانه طبعا😄قمت رفعت عيوني وشفتو وياريتني ماشفتو 😩كبيييير قدر جدي وعندو سنتين في خشمو زي ظهر الليدو وبعد ده شايف نفسو ولا سألني ولا كتر كلامو طوالي استأذنو وطلعو وقالو بنجيكم مره تانيه انا دخلت غرفتي وقعدت ابكي وانعل في حظي ياخ اي انا ماسمحه لكن مالدرجه انو يجيبو لي واحد قدر جدي يعني خلاص شايفين انو مافي زول حيقبل بي غير الكبير ده تاني يوم جارنا دق لابوي وقاليهو الراجل رجع لمرتو وقال كل شي قسمه انا لا عرفت احمد الله انو كسر حنكي ولا ازعل عشان رفضني قلت كل شي لخير وربنا خاتي لي الاحسن مرت الايام والحال في حالو لحدي مايوم عمي دق لابوي وقاليهو جاين نشرب معاكم شاي المغرب انا وولدي ياسر 😊عمي ده بريدني شديييد دون اخواتي وبقولي طوالي ستهم وبتكيف لونستي شديد وولدو ياسر ده مغترب في لندن ومن نحن عمرنا 10سنه تاني مااتلاقينا اها جونا وضيفناهم انا جيت قعدت جمب عمي ومنداحه في الونسه وولدو صاري وشو وساكت سغيل ودمو تقيل😒لكن النصيييحه قرض ياخ طول ولون والدقن ده يتحرم على غيرو ليهو حق يشوف نفسو والريحه دي من الله ماخلقني ماشميت زيها 😍بس مفتري ياخ ماسك تلفونو ولو سألوهو يرد بتحت نخرينو الكريه 😒اها اثناء مابتونس مع عمي قالي اها ي بتي رايك شنو في ياسر ولدي انا قلت ليهو مالو كويس ماشاء الله قالي لو اتقدم ليك بتوافقي انا هنا حسيت بنفسي اتخدرت ولساني تقل وجاني مغص فجأه وبقيت زي الواقعه في بير سامعه الصوت بعيد وماقادره ارد كيف الكلام ده ياخواني انا الشينه دي اعرس الولد المز ده بنات السودان انعدمن بنات لندن انعدمن مامعقول بس قطع افكاري عمي وهو بيقولي انا كلمت ابوك وهو ماعندو مشكله قلنا ناخد رايك قلت ليهو البتشوفو ي عمي قالي على بركه الله نقرا الفاتحه وامي لمن دموعها نزلو واخواتي مامصدقات جاني راجل زي ده مال وجمال 😍عدت الشهور وجابو سد المال وامي دي نهائي ماشفناها اصلها من زمان ماعندها شغله باهل راجلها لكن اختو ظريفه معاي من زمان وبتحبني وواعيه ماشاء الله دكتوره كبيره وماليه مركزها لحدي يوم العرس وانا في الكوافير مامصدقه روحي وقايله نفسي في حلم لحدي مادق لي تلفون قالي انزلي منتظرك😊ومن هنا بدت الدرامات نزلت وكالعادي انو العريس يكون منتظر عروستو في الاستقبال بس مالقيتو دقيت ليهو قلت ليهو انا تحت قالي انا في العربيه بره اطلعي لي انا بقيت عامله كده😳وصحباتي نفس الشي مصدومات من حركتو انا قعدت اعتزر واصلح في صورتو قدامهم قلت ليهم يمكن زعل عشان اتأخرت عليهو 😅طلعت لقيتو قاعد قدام وشافني جاي مانزل فتح لي العربيه شغال في تلفونو بلعتها وفتحت لي العربيه صحبتي دخلت وهم قعدو ورا طول الطريق بيتكلم بالتلفون ولا حتى اتلفت عاين لي انا دخلت في احراج شديد وانكسرت فرحتي من بدايتها😞وصلنا الصاله ونزل وبقى منتظرني..يتبع
