#ما_بيدي
انتي مره عليك الله مع النسوان ماشفتي نفسك في المرايه ياخ والله لو ماابوي العارض ده جبرني عليك😠 الزيك دي مابعاينو ليها لكن اصبري لي ان ماطفشتك مني وخليتك تطلبي الطلاق براك ماابقى اسمي ياسر وانا دموعي نازله عشره عشره من كلامو وقلبي بينزف دم 😢وماشي على غرفتو وبيترنح قام وقع وضرب يدو مع الباب انا جريت عليهو عشان اشوفو قالي زحي مني ياخ ماتلمسيني انا بقرف منك عديييل ماتجي جمبي زحيت وبقيت واقفه بعاين ليهو ودموعي ماوقفو قام براهو ورقد في سريرو انا قعدت في الكنبه بره وللصباح ببكي صحى الصباح واستحمى وعاين لي مسافه مشى المطبخ لقى الاكل جاهز في السفره ماهبشو طلع عصير من التلاجه وجهز فطور براهو اكلو وطلع 😞بقى يومي يجيني سكران ونبذ ورا نبذ ويدو بقت تطول علي ضرب بيدو وبرجلو جسمي كلو اتملى علامات من ضربو ويصحى الصباح كأنو ماعمل حاجه😞 كان انيسي الوحيد مصحفي وصبري 😊بقيت اطلع بالصباح مره مره الف حولين المكان وكان في زي حديقه صغيره قريبه من البيت بيجو يتريضو فيها الصباح حلوه وهاديه وهواها يرد الروح هناك اتعرفت على وحده مصريه عايشها مع راجلها وماعندها عيال فرحت شديد لمن عرفتني سودانيه وبقت تجيني واجيها بس كانت مستغربه من اثار الضرب البتظهر في جسمي يوم والتاني وكنت بكذب عليها مره اقوليها وقعت ومره اضربت بالباب بس لمن ضغطتني شديد حكيت ليها بكل الحصل زعلت شديد واكتر شي زعلت مني قالت لي كيف ترضي كده على نفسك اطلقي قلت ليها انا لو اطلقت مابعرس تاني وبعدين امي زوله كبيره ماصدقت فرحت لي ماعايزه اكسر بخاطرها قالت لي والله انا حبيتك كتير وحاساعدك عشان تخلي راجلك زي الخاتم في اصبعك نحن المصريات مافي راجل بيغلبنا 😏قلت ليها انتو ماشاء الله جمال ولون وكلو بس انا ولا حاجه 😞قالت لي الرجال مابعاينو للجمال بس لدرجه انو ممكن عادي الواحد يكون متزوج ملكه جمال بس بيخونها مع وحده ماعندها ذره من الجمال تفتكري ليه قلت ليها ماعارفه علميني واكسبي فيني خير 😊قالت لي اول حاجه حتمشي معاي نظبطك من شعرك لحدي اظافرك وبعدها حاجيب ليك ملابس حلوه تخلي راجلك ينهبل عليك 😋اتحمست للفكره وبقيت يومي طالعه معاها ونازله وفعلا شكلي بقى مقبول شويه لمن حبيت نفسي 😍قالت لي اول خطوه تعمليها لمن يجي من بره سكران ماتسأليهو ولاتقربي عليهو خليك راقده في غرفه براك والصباح اياااااك تجهزي ليهو فطورو ولا تديهو ريق حلو نهائي المكان البيجي فيها هو انتي تقومي منها وفعلا بقيت ماشه بكلامها بقى يعاين لي باستغراب ولمن يجي بليل بيجي يدق لي باب غرفتي ويسئ لي باسوأ الكلمات بس مابفتح ليهو الباب والصباح باصحى واتشيك واجي اخت فطوري افطر قدامو والم اكلي وامشي غرفتي وهو مستغرب القوى قلبي فجأه كده شنو 😄لحدي مايوم جا داخل البيت بهدوء مازي كل مره كسير وكوراك براحه فتحت بابي ومشيت على اطراف رجولي ناحيه غرفتو اسمع صوت مره بتضحك معاهو وهو بيقوليها كنت وين الفتره الفاتت دي كلها ماعارفاني من غيرك انا ميت وكلامو كلو حب وتفاهه😩..يتبع
