#ما_بيدي
لمن جات سألتها ياسر وين قالت لي في المستشفى اتخلعت وكنت قاعده وقفت على حيلي وقلت ليها مالو الحاصل شنو قالت لي عمل حادث وفي المستشفى 😒وهي ماشه ع غرفتها وبتتكلم قلت ليها وصفي لي المستشفى وين قالت لي انتي اخر وحده ممكن يحب يشوفها ماتمشي ليهو لمصلحتك 😒قلت ليها طيب هو كويس حصلت ليهو حاجه قالت لي مابعرف ودخلت وقفلت الباب في وشي طلعت المسا وركبت عربيتها وانا طوالي حصلتها بتاكسي لحدي ماوصلت المستشفى دخلت وانا جيت عشان ادخل منعوني 😞حاولت معاهم كتير بس رفضو رجعت البيت اسبوع كامل انا بمشي وبجي من المستشفى بلا فايده لحدي مايوم بالصباح جا ياسر داخل بس المره دي داخل على كرسي سايقاهو مرتو وحالتو تصعب على الكافر وشو منتهي ملامحو اتغيرت نهائيا😞عاينت ليهو وبكيت على طول من حالتو وجيتو قلت ليهو الف سلامه عليك مارد علي مرتو دفرتني وقالت لي ماقلت ليك ماعايز يشوفك او يتكلم معاك انتي مابتحسي ياوجه الغراب انتي قلت ليها طيب ماحيشوفني بس وريني الحصل ليهو شنو واوعدك مااجي جمبو ولا ازعجكم قالت لي حادث وبسببو اتشل شلل نصفي 😩قلبي وجعني عليهو شديد بس ماكان بيدي حاجه اعملها ليهو بقيت براقبو من بعيد 😞مرتو بتكون قاعده في التلفزيون بيناديها ولا بتشتغل بيهو ولو مشت بتمشي بزهج الاكل مابتعملو ليهو بقيت انا البعملو واخت ليها هي بس تشيلو وطلعاتها كترت من البيت مرات تطلع من الصباح تجي المسا وهو هنا براهو في البدايه لمن تكون مافي هي وهو يحتاج حاجه مثلا زول يساعدو للحمام كنت بجيهو انا عشان اساعدو وبيرفض وبيخاول يساعد نفسو براهو بس انا مابيأس وكل مره بعرض عليهو اني اساعدو فبقى يوافق بس كلام مابتكلم معاي مرتو بقت تكورك فيهو وتعايرو بأنو مشلول وانها استحملتو كتير وشويه شويه بقت تطلب الطلاق ودايما بتقوليهو انا وحده جميله والف من يتمناني البقعدني مع انسان زيك شنو مشلول وعلى وشك الافلاس ومره كانت بتسئ ليهو وقالت ليهو اتخيل جبنا اطفال مع انو ده مستحيل بعد حالتك دي😏لكن اتخيل معاي حيفتحو عيونهم في الدنيا ويلقو ابوهم مشوهه ومشلول كده ولا اهلي واصحابي لمن يحبو يزورونا انا حاقابلهم كيف بعد مايشوفوك وفي اللحظه ديك اول مره اشوف دموع ياسر كان مدمقر راسو ودموعو نازله وانا بدون مااشعر دموعي نزلت وجيت شاكلتها كوركت فيني قالت لي اشبعي بيهو اصلو بقى شبهك ودخلت غرفتها وقفلت الباب وفي يوم صاحب ياسر جا يزورو وهنا كانت الكارثه بعد ماقعد واتونس معاهو قاليهو انا والله ماعارف اقوليك شنو بس لازم اوريك بالحاصل وانت صاحبي واخوي ماعايز ادس عليك 😩الحقيقه سمر بتخونك 😩ياسر اتصدم وعيونو بقو زي الشرار قاليهو انت كزاب قاليهو والله ماكزاب لأنو البتخونك معاهو ده اخو صاحبي وهو سوري برضو ولمن وراني صورها في تلفونو وراني ليها على اساس عاهره نقضي معاها زمن بعد مااخوهو زهج منها 😥ياسر بقى يضرب في يد الكرسي ويبكي زي الطفل ويقول ليه يارب ليه بيحصل لي كده ليه صاحبو مسكو وهداهو وخلاهو يستغفر وهدا شويه بعدها صاحبو طلع .يتبع
