#ما_بيدي
جبت ليهو عصير ختيتو ليهو جمبو براحه وطلعت بعد شويه سمعت صوت الكبايه ضرب بيها الحيطه واتكسرت جات مرتو بالمسا اول ماجات قاليها كنتي وين 😠بكل برود قالت ليهو عند صحبتي قاليها عند صاحبتك ولا عند زبون يا........نبذها اسوأ النبذ الممكن تسمعوهو قالت ليهو كيف تقول علي كده 😠بعد مااستحملتك واستحملت مرضك وقرفك دي جزاتي قاليها تحبي اجيب ليك زباينك واسألهم قدامك ووراها اسماءهم سكتت مسافه قالت ليهو عايز تعمل شنو اسي قاليها انتي طالق ضحكت ضحكه مستفزه قالت ليهو ده الكنت بتمناهو يامعاق ي مسخ وورقتي تصلني في اسرع وقت دخلت لمت هدومها وطلعت في وقتها هو قعد في غرفتو مسافه ماحبيت ادخل عليهو على طول قلت اكيد بكون زعلان شويه كده واسمع صوت حاجه ضربت الارض جيت جاريه لقيتو واقع في الارض وبيبكي باعلى صوتو زي الطفل 😢من غير مااشعر حضنت راسو علي وقعدت ابكي معاهو😢لحدي ماخف من البكا وسكت مسافه وهو في حضني قمت تكلتو ورفعت في السرير ورقدتو وطلعت مشيت جبت ليهو حليب قلت ليهو اشربو انت من الصباح مااكلت حاجه ماارد لي كان سرحان بس طلعت وقعدت في الكنبه وصاحيه وبعاين ليهو وانا في البرنده هو مانام للصباح وانا مانمت بقت ايامنا ماشه بالبطئ وكل يوم ماشه حالتنا الماديه اسوأ وحالت ياسر الصحيه اسوأ وباع العربيه بتاعتو عشان يقدر يسدد الفواتير العليهو وبالباقي نعيش بيهو والاكل بتاعو بقى قليل وبحاول معاهو بكل الطرق انو يرجع لحالتو الطبيعيه بس هو الرافض حتى رفض انو يمشي لدكتور العلاج الطبيعي وقفت معاهو شديد في الايام دي من اكلو وشرابو وحمامو كنت بساعدو فيهو بقى يشكرني بعد اي حاجه اعملها ليهو😊 جيتو في يوم وقلت ليهو ياياسر عايزه احكي ليك قصتي من وانا صغيره وعارفاك بتكره تسمع صوتي بس معليش استحملني شويه وحكيت ليهو انو كنت بتهان وانا صغيره بسبب شكلي الماعندي يد فيهو وانو في ناس بتبعد مني عشان انا شينه وعمري ماحبيت ولا اتحبيت وكيف كنت بتوجع وبسكت وبصبر وكيف قدرت اكسب الناس بمعاملتي الحلوه معاهم وانو حياتي بدت تتصلح من زمان لمن بديت ادعي واخت املي على الله وانو الحياه قصيره فيها الحلو وفيها المر وانو المصايب دايما بتبدا كبيره بس مع الايام بتصغر وكده اول مره اشوفو يبتسم لي ماتشوفو فرحت قدر شنو بابتسامتو دي 😊😍وقمت منو مشيت جهزت الاكل وجيت ختيتو ليهو اكل منو شويه وشكرني ورقد نام واول مره ينوم مسافه طويله كده 😊صحى وناداني براهو 😍عشان اجي ادخلو الحمام حالتو النفسيه بقت ماشه تتصلح يوم بعد يوم وبراهو قالي نمشي لدكتور العلاج الطبيعي وفرحت شديد انو وافق😍واصحابو ماقصرو معاهو وحالتو الصحيه ماشه في تحسن وفي يوم لقيتو بيقرا في سوره يوسف وكان صوتو حلو شدييييييد وهو برتل في الايات جيت قعدت جمبو وانا مبتسمه لحدي ماخلص السوره وعاين لي قالي انتي عارفه انو اول مره الاحظ انو ابتسامتك حلوه كده انا اتخلعت في كلامو اولا ما في زول قبل كده قالي ابتسامتك حلوه وتاني حاجه انو قالها لي ياسر 😍قالي مالك مخلوعه قلت ليهو..يتبع
