#ما_بيدي
مسك يدي وقالي بحبك ي مرتي 😊وباس راسي قدام الناس وانا الهبله دموعي ديل عشره عشره 😅مشينا اتغدينا بي توبي داك في مطعم ظريف وهادئ والناس كلها بتعاين لي والبيجي يتصور معاي لأنو كنت لابسه التوب والجدله والاكسسوارات كأنو عروس وكتييير القالو لي حلوه في اليوم داك واول مره طبعا اسمع الكلمه دي من الناس وياسر كان بس بعاين لي ومبتسم حسيت انو عمل كده عشان يرجع ثقتي في نفسي من تاني ورجعنا البيت وانا مشيت لغرفتي عشان اغير ملابسي فتحت الدولاب لقيت هدومي مافي😳جا داخل ياسر قالي تاني مافي زول مننا حينوم في غرفه براهو انا خجلت ودنقرت راسي قرب علي ومسكني من يدي وجراني عليهو وحضني وقالي والله العظيم ماعرفت معنى الحب بالجد الا معاك وربنا يطول في عمري عشان بس اكون سبب سعادتك وزي مابكيتك حابسطك وانسيك ياسر الزمان وانا كأنو في حلم مامصدقه شويه كده وكان يغمى علي من الكلام والحضن😅ساقني غرفتو ولقيتو مشتري لي قميص نوم حلو شديد وخاتيهو في السرير شلتو ومشيت استحميت واتجهزت ولبستو وجيت طالعه وحصل الحصل🙈وبالجد كان احلى يوم في حياتي واسي تمينا ٦سنه مما اتزوجنا وقدامنا عمر وعمران توأم طلعو حلوين لابوهم وحياتنا مستقره وحلوه واي اتنين بيشوفونا بيقولو انو نحن عرسنا عن حب 😅ماعارفين المعانا العانيتها وياسر بقى متعلق بي شديد وبحبني اكتر من نفسو وماشايف في الدنيا وحده غيري 😊ولسه اراء الناس واحكامهم علينا مابتنتهي البيقولو راجلها اسمح منها والبيقولو ماشاء الله الاولاد حلوين طالعين لابوهم والبقولو مصيرو حيعرس عليها وحده بتشبهو بس ده كلو ماشغالين بيهو لانو هم ماعايشين العشناهو وماعارفين انو البيحب روحك مابيهم شكلك بل بالعكس بيشوفك احلى انسان في الدنيا 😊💕❤
#وفي_الاخير
حابه اقول القصه برضو واقعيه وكتبتها ليكم بطريقتي وعايزاكم تعرفو انو الصبر نهايتو حلوه وانو ماتحكمو على الناس من شكلها عاشروهم بالاول وماتعايرو انسان بخلقتو لأنو ده بيوجع شديد ختو نفسكم مكانو وركزو ماانتو البتقسمو الارزاق عشان تحكمو فلان مابيستحق كده وفلان يستحق كده البيقسمها رب كريم مابينى عبد لجأ ليهو وانو الضعيف مصيرو ربنا بيقيف معاهو ويقويهو وانو الشايف نفسو ملك الدنيا ومافيها في ثانيه ممكن حالو يتبدل حبو بعض وعيشو بالنيه الطيبه وقدمو السمح😊
وفتكم بعافيه والقاكم في قصه تانيه وواقع احلى ❤
