غير_روحي_ وانسايني

1⃣2⃣

.#الحلقة_12:

دخل سفيان للقسم هكاك يسيل...شافتو معلمة تاعو نخلعت فيه.
ناديا: نحي اافاست تاعك راهي تقطر..
نحاها سفيان وعلقها تنشف...ويدفي في يديه في جيبو والو...بردو بزااف وحتى القسم مفيهش مدفئة..
قاتلهم المعلمة اكتبو...هوما يكتبو...وهو مقدرش حتى يشد الستيلو وحتى كي شدو يدو باردة بزاف مقدرش يكتب...حط الستيلو وحط يدو في جيبو يدفي فيهم..
شافتو المعلمة تاعو. راحت ليه.
ناديا: سفيان..
شافها طلع راسو مخلوع. : نعم؟؟ ناديا: علاه مراكش تكتب ؟؟ سفيان هبط راسو وساكت..
ناديا: علاه مراكش تكتب جاوبني !! سفيان خرجلها يديه من جيبو شافتهم منفخين مالبرد..
ناديا وجعها قلبو عليه
ناديا: سفيان فطرت! ؟
سفيان ساكت محبش يهدر رجع يحشم يهدر ولا يشتكي ولا يقول خاطر كبر شوية على واش كان..
ناديا فاهماتو .قاتلو حك يديك مع بعضاهم مليح حتى يدفاو وننبعد اكتب. ..
شوية هكا رجع يكتب وهو اصلا جيعان مقدرش يركز ولا يفهم الدرس
ناديا حاسة بيه كانت حابة تمدلو كاش حاجة ياكلها مي مكاش كيفاه...محبتش تحشمو قدام لي يقراو معاه خاطر رجع يحس ويتحسس .وبلاك يزعف وميحبش
هدى تقعد موراه لسفيان سمعت واش هدرت معاه ناديا وحاسة بيه بلي مفطرش خاطر شافتو ماشي مركز...
كان عندها شوية قاطو فالكرطاب تاعها....جبداتو ومداتولو
سفيان شاف فيها مستغرب .
سفيان: واش هذا؟؟ هدى: قاطو!!
سفيان: علابالي قاطو..بصح علاه مديتيهولي؟؟ هدى: عندي منو زيادة قلت نمدلك..
سفيان كان جيعان شدو ومرفضوش .وبقا ياكل فيه بالتخبية...وناديا شافتو مي خلاتو في هواه ....
لعشية رجع للدار بدل حوايجو لي تشمخو اىصبح ومكانش عند و وقت يروح يبدلهم...
قاعد قدام الفورنو يسخن ..
فضيلة: سفيان روح عمرلنا قرعة الڨاز راح تخلاص والقاز راهو ناقص..
سفيان: بففف البررد..
طاهر: سفيااان....روح ياك غير هنا وارجع ..انا كنت قدك نجيب كلش ونخدم ونقرا..
سفيان: هاتي القرعة نديها.
مدتهالو داها يمشي والبررد قريب المغرب....يمشي ويرولي فيها لحق ...بقا يستنى في دالتو..لقا ولاد الحومة ثم..شعلو النار وقاعدين يسخنو ويضحكو...حتى جا القاز وعمرولهم ورجعو للدار....
سفيان يرولي فالقرعة بسيف حاس روحو دايخ ...بلعقل بلعقل حتى لحق...لقاهم راقدين..دخلها للكوزينة وراح لبيتو دخل فراشو بردان تكمس ورقد

يتبع......
*******************
فوت & كومونت بليز