غير_روحي_ وانسايني

0⃣1⃣

.#الحلقة_1:

فاتح : واش سفيان متدخلش للدار؟؟ سفيان ينفخ في ڨاروه : مندخلش مزال الحال
فاتح : وعلاه ياخويا ؟؟ ياك عارف عمي الطاهر يتقلق؟؟ سفيان: خطيني منو....يتقلق للصبح .
فاتح : دبر راسك انا راني طالع واذا سقساني نقولو على بلاصتك...
سفيان رما ڨاروه ووقف
سفيان: اصبر نجي معاك ..بردت.
فاتح: هيا ..
طلع سفيان وفاتح وليد عمو للحومة تاعهم..الدنيا ليل شهر سبتمبر دخلة تاع الخريف ...البرودة بدات طيح طريق فارغة فات نص ليل.
فاتح طلع لدارهم وكمل سفيان للدار ..لحق عند الباب نحا صباطو ودخل ...لقا باباه يستنا فيه.
طاهر وجهو ميعجبش شاف في سفيان مغشش
طاهر: هذا وين تدخل نتا ؟!! سفيان مجاوبوش ورايح داخل لبيتو...شدو باباه من يدو
سفيان حبس
طاهر: وين كنت ؟؟ وزيد مزلت تتكيف...نتاجك راهم يقراو ولا يخدمو ونتا قاعد غير للتسوفيج والصوالح العيانين والسهرات ؟؟! سفيان شاف فيه : ياك راني خاطيكم نتا ومرتك وبناتك؟؟ طاهر: ياوليدي راني نخمم في صلاحك..
سفيان: عمري 21 سنة نعرف مليح صلاحي متوريهليش نتا..
طاهر: بصح انا باباك ..
سفيان: هههههه وقيل بصح امنت روحك نتا بابا ؟!! طاهر تقلق من هدرة سفيان ومن جبهة حرقة في قلبو عليه.
سفيان: ياخي حالة يخي ...قالو بابا. .
وكمل دخل لبيتو رقد...
ترما في فراشو حاب يرقد تنهد كل يوم هكامع باباه يحس روحو ضايع معندوش بلاص وهذا من نهار عرف بلي جابوه مالميتم وماهوش وليدهم ...
طاهر قعد فالكورسي تنهد يخمم في مشاكلو وفي سفيان وليدو والماضي تاعو لي مزال ياثر عليه

يتبع.....
*********************
فوت & كومونت بليز