غير_روحي_ وانسايني

1⃣5⃣

.#الحلقة_15:

دخل سفيان مع ناديا دواتو ...وخرجو ...كان مزال الحال ..ناديا لدارهم قبل متلحق لعشية ..
شافتها يماها مفهمتش .
باية:شكون هذا الطفل؟؟ ناديا : سفيان لي حكيتلك عليه...
ادخل سفيان.. دخلاتو لبيتها ...نحات فاست تاعها ويماها شوف فيها. .
راحت للكوزينة لقات يماها مطيبة شربة عدس...سقاتلو شوية ...وجابتلو ياكل...
باية: واش راكي ديري ياطفلة؟؟ ناديا: كولها كامل ...باش نشربلك دوا..
خرجت راحت للكوزينة موراها..
باية: مخفتيش باباه كاشما يقولك ؟؟ ناديا: معلاباليش بيه...ونخلي الطفل يموت ؟؟.. بعثوه يقرا وهو بااحمى...الطفل قريب غيب تالمو طلعتلو بزاف..واش حبيتيني ندير نخليه يموت؟؟ ولا نبعثولهم هكا ؟؟! باية: الله يهدي ما خلق بصح شوية هكا خليه يروح لا يخلقولك مشاكل في خدمتك..
ناديا: ايه علابالي..نروح نجيبلو الدوا ونرجع.
خرجت تزرب راحت للفارماسي شرات دوا وشراتلو شوية ياغورت وشيكولا وفرماج ..ورجعت..
دخلت لقاتو راقد...غاضها باش تنوضو..
باية: رقد.مسكين..
ناديا : خليه يريح شوية ونوضو..
شوية هكا ناض شربتلو دواه واعطاتلو ياكل ...وخباتلو الباقي في كرطابو
ناديا: متوريهم لحتى واحد..فليل كولهم فهمت !!! نوضاتو لبساتو فاست تاعو ..ولبست هي معاه..
ولبستلو صباط جديد جابتولو ورمات صباطو القديم
باية: تروحي معاه ؟؟ ناديا: ايه باش نوري لهذي المصفارة كيفاه تشربلو دواه ...ميعرفش يشربو وحدو..
باية: يابنتي خطيك منهم والله يخلقولك مشاكل
ناديا: معلاباليش بيهم...الخوف من ربي ماشي منهم
باية: واش نقولك يابنتي ربي معاك..
وسلمت على سفيان: ربي يشافيك وليدي
سفيان: نشالله..
سفيان وناديا خارجين مالدار ...
سفيان حبس وشاف في ناديا
سفيان: خليني نروح وحدي والله تدوس معاك
ناديا: اووو متخافش عليا حتى انا نعرف ندوس هههههه
سفيان: هههههه صح معلمتي ؟؟ ناديا تمشي وتضحك معاه وتحكيلو في صغرها كيفاه كانت تضارب وهو يضحك عليها..
لحقو للدار شافتهم فضيلة مالتاقة يضحكو راحت نوضت طاهر قاتلو
فضيلة: نوض نوض راهم جاو.
طاهر ناض قعد ..خاطر وليد الجيران يقرا معاه قاللهم داتو معلمة للطبيب ..
دخل سفيان وناديا وفضيلة تعوج في فمها..
سفيان شافهم خاف منهم هبط عينيه..
طاهر: قتلك المرة اللخرى متزيديش تدخلي ..ودرتي رايك..
ناديا: الطفل كان مريض في حالة ديتو للطبيب ..واش حابني ندير؟؟ فضيلة: كنتي جيبيه للدار حنا ندوه ...وزيد حمى برك نشرولو دوا وخلاص..
ناديا تنهدت : هاوليك دوا..
هذي يشربها 3 مرات فالنهار وهذي....وهذي...
فضيلة شداتو وحطاتو..
ناديا وقفت: انا درت واجبي كيفو كيف اي واحد فالقسم تاعي ..
طاهر: هذي آخر مرة تدخلي فيه...هذا وليدنا ورانا قايمينو
ناديا: كون راكو قايمينو وتحبوه متزعفوش كي ديتو بلعكس تفرحو..
طاهر: قتلك هي طلعلو في راسو..بصح نشتكي بيك ويبدلوك من ثم متخافيش..
ناديا تبسمت وشافت في سفيان : اشتكي على روحك..انا اصلا راح نبدل...العام هذا هو اللخر..
ناديا: اتهلا في روحك سفيان..وغدوة مجيش حتى تبرا ...
وخرجت تتبسم وراحت وخلاتهم يغلو..
طاهر: هذي حابة تبهدلنا ..
فضيلة: خطيك منها راهي رايحة سقسيت عليها قالولي راح تتزوج السنا نتهناو منها تخطينا ..
طاهر: احسن

يتبع.....
*********************
فوت & كومونت بليز