#الحلقة_62:
جازو يمات مور موت مانها لهدى...هدى بقات وحدها فالدار هذيك..خرجت تخدم على روحها خاطر معندها حتى مدخول...
تخدم فالنهار وفليل تبقا وحدها دور تخاف باش ترقد وهي في دار وحدها...تبقا تبكي حتى ترقد ...
الخوف فالدار وهي صغيرة وحدها تتستوحا وحدها ..ومرات تتخايل حاجات مكانش منهم..وتبات تنوم في كوشمار مالخوف لي فيها..
رجعت مرعوبة من دار وحدها تغلق كامل الدنيا وكون تسمع صوت تنخلع وتتغطى وتبكي وتشهق مالخوف ..حاولت وحاولت توالف مي مقدرتش...قرت تروح عند يماها. بلاك تفهمها وتخليها عندها ...
غدوة منذاك راحت الصباح ومعولة تفهم يماها وتقوللها نخدم على روحي مراحش يخدم عليا راجلك ..ونبقا عاقلة ونعاونك فالشغل المهم منباتش وحدي نخاف.
راحت عند خالها واعطالها لادراس تاع يماها...رفدت كابتها وصاكها وراحت.
لحقت للدار تنهدت ...دقدقت فالباب ..
فتحتلها نجاة الباب وشادة بيبي في يدها وليدها .يعني خو نجاة ..
نجاة شافتها نخلعت متوقعتش جيها و للدار وهي مخبية على ناس دارها بلي عندها طفلة...
هدى تتبسم تحاول تهدي روحها خاطر شافت وجه يماها بلي نقلب كي شافتها
نجاة: واش جابك لهنا ؟؟ نجاة: بقيت وحدي قلت نجي نسكن عندك ..
نجاة: ياربي على هذا اابلا منين طاح عليا...روحي قبل مايشوفوك..
هدى حست بقنطة غاضتها عمرها: ماما نخدم على روحي ونعونك فالدار
نجاة: قتلك روحي راكي كبيرة واخدمي على روحك..
هدى : ماما نخاف نبات وحدي..
جات سلفتها لنجاة سقساتها عليها شكونها
نجاة: غالطة فالدار ...روحي يابنتي ماشي هنا وين تحوسي...
وغلقت الباب في وجها..
هدى دموعها نازلين على يماها لي حاوزتها وحشمانة بيها وكانها بنت حرام...كانت قادرة تفضحها مي هي وكلت عليها ربي..
وراحت تمشي رافدة كابتها وتبكي طريق كاملة غاضتها عمرها تبكي بحرقة ...لي يشوفها يستغرب فيها...ملقاتش هد ى حل ومحال ترجع للدار وحدها الخوف هلكها وقهرها..قرت تروح عند خالها بلاك يحن قلبو ويخليها عند و
****"*******
فوت& كومونت بليز
أنت تقرأ
غير_روحي_ وانسايني
Romanceكرونيك اخرى من اروع ما كتب ... اسمها #غير_روحي_وانسايني كرونيك حزينة 💔💔 انسانية 😥😥 فيها بزااف حزن ...لكن بزااف عبر وفايدة وتخلينا نتعمقو في مجتمعنا ونحسو ببعضانا ... قراءة ممتعة 😉
