غير_روحي_ وانسايني

6⃣0⃣

.#الحلقة_60:

اليلة هذيك رقدت هدى حزينة حاسة بلي مانها تكذب عليها وتتمسخر بيها وهي لي تبعد فيها على والديها رجعت منايفتها ومتحبش تهدر معاها...الجدة حست بيها متحبش تهدر معاها....حبت تفرحها
جات هدى من السيام قعدت تفطر .
الجدة:هدى..عندي خبر يفرح ليك
شافت فيها هدى فرحانة: بابا راهو جاي ؟؟
الجدة: لالا اليوم نديك عند ماماك هي مقدرتش جي انا نديك..
ناضت هدى فرحانة وتعنق في مانها ..وتقوللها نروحو درك..درك نروحو..
لبست هدى وراحت عند يماها..
يماها كانت مزالت متزوجتش مخطوبة برك...
كي لحقو هدى فرحت : ايه خالو ..جينا عند خالو ..
قربعو فالباب ..فتحتلها يماها الباب ...خاطر هي عايشة عند خوها وراح تتزوج من عند و ..ووالديها ميتين..
شافتهم نجاة نخلعت : هدى؟! هدى عنقت يماها وسلمت عليها وفرحانة
هدى: توحشتك ماما.
نجاة: مام انا بنتي ..
وشافت فالجدة مستغربة..وزعما حشمانة
نجاة: ادخلو
دخلو قعدو..هدى قاعدة قدام يماها مطلقتهاش فرحانة كي جات عندها
هدى: ماما جيت لعندك. ونبقا معاك....ياخي؟!
نجاة: روحي تلعبي مع ولاد خالك منبعد نهدرو..
راحت هدى تلعب وبقات الجدة ونجاة
نجاة: علاه جبتيهالي ؟؟ زعما باش نشدها عندي؟؟ الجدة: ايه الطفلة تحوس عليكم
نجاة: بصح راهي 12 سنة الحظانة لباباها ماشي ليا؟؟ الجدة: ايه علابالي بصح هو محبش يشدها وراح للخارج وهي تظل تحوس عليكم هبلتني
نجاة تشوف فيها بتحدي: ونتي علاه شديتيها مالاول ؟؟ كنتي تخليهاولو ليه هو يربيها
الجدة: هو راجل كيفاه يربيها وزيد راح وخلاها..ونتوما خليتوها فالمحكمة تبكي ورحتو نسيتي ؟! نجاة: منسيتش..يدبر راسو الحظانة ليه انا منشدهاش..
الجدة: يابنتي خافي مولاك.
نجاة: هذي الهدرة قوليها لوليدك ..ماشي ليا..انا راح نتزوج وراجلي قالي منحتاجش بنتك..
الجدة: تسمحي فيها على جال راجلك؟! نجاة: ايه من حقي نعيش حياتي ...وهي راهي عندك معندو مخصها وقولي. لباباها يبعثلها نفقة تاعها..واديها منا انا منحتاجهاش
الجدة: حرام عليكم تولدو الطفلة وتضيعوها..
نجاة:شوفي وليدك ماشي انا...
الجدة: ودرك كيفاه نقنعها باش نديها ؟ طمعتها تبقى عندك !
نجاة : ساهلة انا نقنعها .هدى....هدى ارواحي
جات هدى تجري وفرحانة
نجاة؛ روحي بنتي مع مانك...وانا نجي ليك كي نكمل شغالاتي..وهاكي نيميرو تليفون تاعي وكي تحبي عيطيلي
هدى: بصح ماما حابة نبقى معاك..
نجاة: بنتي شاطرة ...اقعدي عند مانك ونجيك..تليفون بيناتنا ..اوك
هدى تبسمت : اوك مطوليش
نجااة : منطولش...
خرجت الجدة مع هدى ...والامل عند هدى بلي يماها ترجع وتديها وماهيش عارفة بلي راح تتزوج ومترجعش...
جازو يمات هدى تستنا فيها جي مجاتش .....وكلما تعيطلها مترفدش...التليفون تولي تبكي
هدى: ماما متحبنيش...علاه مجاتش عندي .علاه مترفدليش تليفون ..؟؟ الجدة: ياك راكي معايا..خلينا منها ..
هدى بقا عندها الامل انو امها جي..وتعيطلها فالنليفون حتى وحد النهار رجعت تعيط يقوللها مغلق او خارج نطاق التغطية
*******************
فوت & كومونت بليز