غير_روحي_ وانسايني

1⃣9⃣

.#الحلقة_19:

جازو يمات الصيف...الولاد ثم فالحومة شراو فيلو يلعب بيها...كامل شاريين غير هو مشراش يبقا يشوف فيهم يلعبو وهو يتفرج ولا يستنا كاش واحد يحن عليه ويخليه يلعب بيها شوي ...تقلق حب يشري هو كيفهم ...راح للدار زعفان...
كي جا باباه فليل ...قالو..
طاهر: نعم ؟؟ فيلو ...؟؟ منين ؟؟ سفيان: كامل ولاد الحومة عندهم غير انا ..
طاهر: واش دخلني فيهم...انا معنديش...قيسي قيس مانوكل فيكم ونشرب فيكم...معنديش باش نشريلك..
سفيان: بصح..
طاهر: سفيان روح متقلقنيش..
سفيان قلق راح قعد...مشنف ..
جات فضيلة قعدت تعوج في فمها
فضيلة: طاهر..
طاهر يقرا فالجرنان : اممم
فضيلة: عندي عرس ومخصوصة انا ولبنات لبسة...
ياخي منى عبير؟
منى: ايه بابا معنديش حوايج..
عبير: وانا ثان معنديش.
طاهر: ياك شريتلكم ديك الخطرة..
فضيلة: بوووه عندها بزااف..ودرك لبنات كبرو ويحبو يلبسو..وهوما مزيانات الله يبارك..
طاهر: اممممم هامليك فالخزانة شو في واش تحتاجي ..
فضيلة فرحت مع لبنات وداتهم للبيت ويخمو واش يشرو..
سفيان تقلق شاف في باباه.
سفيان: علاه ياك انا قتلك قبلهم ..علاه تمدلهم وانا متمدليش .
طاهر: الفيلو غالية .
سفيان: عله الحوايج ماشي غاليين ؟؟ طاهر: اوووه...المرة الجاية نشريلك..هوما بنات نتا راجل متبعهمش...
سفيان بقا يشوف في باباه بحقد...حس بالحڨرة عيني عينك..
طاهر : واش ؟؟ طير ترقد..
سفيان راح بيتو يرقد وهو يغلي تقلق حاب يشري فيلو..وباباه حرمو منها
غدوة منذاك واقف يشوف هو وواحد اسمو #ياسر.
ياسر: واش سفيان؟ معندكش فيلو؟؟ سفيان: مكاش
ياسر: انا قريب نجيبها..
سفيان:مليح يشريهالك باباك بصحتك
ياسر: لالا نشريها انا ..بدراهمي..
سفيان: كفاه؟؟ ياسر: راني نخدم..
سفيان : وين تخدم ؟! ياسر: عند الناس. .ويخلصوني
سفيان فرح خمم يديرو كيفو ويشري فيلو
سفيان: نجي نخدم معاك؟
ياسر: ارواح...غدوة راح نخدم فالبحيرة نقو الحشيش ..ارواح بكري بصح الخمسة هكاك خاطر منبعد تولي السخانة
سفيان: ان شاء لله...

يتبع.....
*******************
فوت & كومونت بليز