غير_روحي_ وانسايني

5⃣3⃣

.#الحلقة_53:

ياسمين عيطت وبعدت شوي وبقات شوف في سفيان دقدقو للراجل هذاك...قريب قتلو وناس تسلك فيه بسيف.
سفيان: تزيد تهدر مع **** ***** تفو خماج...
ناس سلكت بيناتهم ...سفيان مسح على وجهو وراح كمل طريقو...شاف ياسمين لقاها راحت...راح يزرب بلاك يلحقها.
دخل لقاها راح تطلع للفيلة الفوق...راح بالقلقة هذيك جبدها بقوة وهي مخلوعة فيه..
ياسمين: وشبيك سفيان ؟! شادها من يدها حتى وجعها ودخلها وين يخدم وخبطها على الحيط حتى وجعها عيطت..
بقات شوف فيه وخايفة منو
سفيان يغلي عيط عليها: واش بي ر*** نتي؟؟ عاجبك حالك فالطريق يشوفو فيك ويتبلاو فيك...
ياسمين غاضتها عمرها دمعو عينيها: وعلاه انا واش درت؟؟ سفيان: مراكيش شوفي في وجهك طابلو.
ياسمين: ومنبعد؟! نتا واش دخلك.؟؟ مدخلك فيا ...ندير واش نحب..
سفيان: ندخل فهمتي...ندخل..
ياسمين تعيط: متدخلش قتلك حياااتي وانا حرة فيها...وندير واش نحب ونلبس واش نحب..
سفيان: والله والله ونزيد نشوفك هاك متخرجيها
ياسمين جات رايحة وتنحدى فيه: نخرج ومدخلك فيا ..
عاود جبدها عند و: نتي متفهميش ر*** متفهميش ؟! ياسمين تبكي: واش نفهم..واش نفهم؟! سفيان: نحبك ياراسة يماك نحبك. .
ياسمين شوف فيه وقلبها يضرب هذا واش كانت حابة تسمع
سفيان: مانيش عارف وقتاش ولا كيفاش...بصح نحبك ليا برك...نتي تاعي برك ومنحب حتى واحد يشوف في ق****** ياسمين: وعلاه مصراحتنيش قبل!! وخليتها في قلبك..
سفيان في قلبو : خاطر عارف مراحش نكون ولا تكوني ليا..
سفيان: مانيش عارف...مانيش عارف...
وقعد
ياسمين قعدت مقابلاتو: علابالي عندك عقدة مالنسا وماضيك ميهمنيش...انا تهمني نتا برك ..نتا..
شاف فيها : ونتي تحبيني ؟؟ جاوبي ؟! قاتلو براسها ايه وهبطت عينيها ..
سفيان: من وقتاش؟!
ياسمين' من اول يوم شفتك فيه وحبيت تجبدك ليا..
سفيان: علاه...علاه حبيتيني .....انا مانيش مليح ونتي متستاهلينيش.
ياسمين : علاه تقول هكا؟؟
سفيان: مانيش مليح ومنقدرش نتزوج ونبني عايلة..
افهمي هذي ..
ياسمين: مانيش فاهمة...ياك تحبني ونحبك..علاه تقولي هاك..
سفيان وقف ووقفها معاه: منقدرش انا...وظروفي وماضي تاعي صعيب ميسمحليش ..
ياسمين: نعاونك ..نوقف معاك..حتى للخر ...دير ثقة فيا..
سفيان تبسم مقهور: لالا...مستحيل...انا حياتي صعيبة ...ومحال نقدر نفهمك كنت خايف من حبك وهاني طحت فيه...روحي يا بنت الناس روحي وانسايني. .
وشدها من يدها وخرجها وغلق الباب..
بقات واقفة عند الباب وتبكي : اعطيني فرصة سفيان.
اعطيني ..نقدر نعاونك....سفيان ...حرام عليك...خليني نعاونك...سفيان...راح يجي واحد يخطبني ..ومانيش حابة نخليك...سفيان...سفيان..
سفيان يسمع فيها وقلبو دم عليها بصح مقدر يدير والو..
راحت ياسمين لبيتها شبعت بكا باش رقدت...
الصبح ناضت هبطت شوفو لقاتو راح...قاللها العساس بطل الخدمة وراح...
دخلت للقراج وقعدت تبكي كانت حابة تعاونو وتريحو مي ماهيش عارفة بلي محال تقدر لا هي ولا غيرها وهو هرب منها قبل مايغرق فيها كثر
******************
فوت & كومونت بليز