عشق بلا حدود للكاتبه ايمووو كمال

البارت الثانى

توقفتها في الحلقة السابقة عند وقوع عشق على راسها

...فينهض الاب والام فورا عند سماع صراخ خالد وشيرى وقلبة يكاد ان يقف خوفا عليها فتسرع الام بكوب من الماء وتمسح وجها لعلها تفوق وبلا فايدة فيحاول الاب ان يضربها بلطف على خديها اكثر من مرة ولكن بلا فايدة وتمر الدقايق عليه كأنها ساعات حتى فاقت عشق وفتحت عينيها العسلى وهى تبتسم ابتسامة صغيرة وتنادى بابتى اتخضيت فهذه لعبتها المفضلة مع والدها يالها من بنت شقية فتحاول ان تنهض فتفشل فيحملها الاب في حضنة بكل عطف وحب ويضعها بجانبه على السرير ويهمس لها لية كدة ياعشق تخضى بابا عليكى ياروح قلب بابا تحاول عشق الرد لكنها لا تستطيع وتغرق في النوم فتنام في حضنة كعادتها فحضن والدها هو الامان والسكينة لها ....وتستيقظ عشق من نومها قبل والدها لتعاكس والدتها وتشاكسها كعادتها بان تلعب معها في اوانى المطبخ وتعمل ضجيج فتصرخ الام وتقول... الام:ياعشق ياحبيبتى كفاياكى ضجيج حببتى بابا لسة نايم واخواتك وعشق لا ترد فتحاول معها مرة اخرى لترد عليها تجد ان كلامها تقيل ولسانها لاينطق الكلام بسهولة اترعبت الام فاسرعت لتسيقظ محمد وتبلغة بحالة عشق
الام:محمد اصحى بسرعة يامحمد
الاب:صباح الخير يانادية مالك فى اية على الصبح
فيه اية ؟؟
الام: عشق يامحمد ينقبض قلب الاب لمجرد سماع اسمها
الاب: مالها عشق انطقى بسرعة قلبى هيقف يانادية
نادية بقلق:نطقها تقيل مش عارفة تتكلم خالص وبتهته في الكلام مش عارفة ليه
وتبكى الام ويقوم الاب مسرعا تجاه عشق وهو ينادى عليها عشق ياعشقى انتى فين حبيبة قلب بابا
عشق: اااانا ههههنا باااابتتتى
الاب:مالك ياقلبى بتتكلمى ليه كدة
عشق: مممممش عااااارفة
تبكى عشق وينقطع قلب محمد عليها وياخذها في حضنة لتهدأ ويقول لزوجتة الاب: احنا لازم نروح لمستشفى ضرورى يمكن لما وقعت على دماغها يكون ده السبب يالا بسرعة البسي وانا هلبسها بس الاول صحى العيال عشان يروحوا مدرستهم
نفذت الام كلام محمد واخذ عشق وذهب الى المستشفى ليعرفون سبب ثقل كلام عشق
حجز محمد لعشق وانتظر دخولهم وحكى للطبيب ما حدث امس من وقوعها على راسها امر الطبيب بعمل اشعه على الرأس لتوضيح السبب واخذ محمد عشق وزوجتة وعمل الاشعة وانتظر ظهورها وبعد مدة من الوقت اخذت الاشعة وذهب بها الى الطبيب وقال لهم ان الوقعة اثرت على مركز الكلام وكانت هى بالفعل سبب في ثقل لسانها وطلب منهم انها تذهب لمركز تخاطب حتى تتحسن حالتها وطمنهم ان الحالة بسيطة ويمكن معالجتها والافضل انها تلتقى مع اطفال في حضانة حتى تتكلم معهم مع الوقت بسهولة ...شكر الاب الطبيب وذهب الى منزله ليرتاح قليلا وظل يفكر في كلام الطبيب.
جلس محمد ونادى على زوجتة لتجيبة نادية نعم
الاب: اية رايك في كلام الطبيب انا كنت رافض انها تروح لحضانة خوف عليها ان حد من العيال يضربها ولا حد يأذيها انا ممكن اتجنن لو حد بس قرب منها
الام: اهدى يامحمد مش كدة حرام اللى بتعملة في نفسك ده بلاش تتعلق اوى كدة بعشق ده غلط عليك وعليها
الاب: انتى الى بتقولى كدة يانادية ازاى انتى اكتر واحدة عارفة ظروفها وازاى انا حبتها غصب عنى حبها في قلبى مش قادر اسيطر عليه
الام: ربنا يهديك يامحمد انا مش بقولك بطل تحبها انا بقولك بس حاول متتعلقش بيها اوى كدة على العموم فكرة الحضانة حلوة بس هتبقى صعبه على عشق انها تروح لانها مش متعودة تسيبك ابدا
الاب:هحاول معاها في مدرسة فتحت قريبة من البيت اوى وفيها فصول تمهيدى يعنى هيهتموا بالاطفال هى مدرسة خاصة اكيد هيعملوهم حلو
الام:خاصة يامحمد وانت حمل مصاريف زيادة
الاب:مش مهم اى فلوس اهم حاجة عندى سلامة عشق وان حالتها تتحسن بكرة ان شاء الله هروح اقدم لها وهشوف كدة موضوع مركز التخاطب وربنا يفعل الصالح يارب
الام:يارب يامحمد تتحسن بس انا برضو عيزاك تفهم العيال حالة عشق انت عارف هما برضو لسة صغيرين وممكن يتريقوا عليها وانا برضو هأكد عليهم بعدك واتابعهم .
الاب: حاضر يانادية لما يرجعوا من المدرسة هبقى اكلمهم وانتى خدى ساعتها عشق انزلى اشترى ليها حاجة حلوة
الام: حاضر يامحمد
ويمر الوقت والام تجهز طعام الغذاء لابناءها ويدخلوا الابناء ويسلموا على والدهم الذين يجدونة جالس حزين ويسالوة ماذا بك يا والدى
الاب:مفيش ياحبيبي بعد تاكلوا بس كنت عايزكم كدة في حاجة يالا بقى ادخلوا غيروا ملابس المدرسة وتعالوا عشان ناكل سوا
خالد وشيرى: حاضر يابابا
تدخل الام وتجهز السفرة وياخذ منها محمد الاطباق ليضعها على السفرة ويتناولوا الطعام في صمت ومحمد يحاول اطعام عشق حتى تم تناول طعامها بأكملة ثم قام وهو لا يتناول اى لقمة من الطعام لتسألة زوجتة الام:محمد انت مأكلتش ولا حتى لقمة هو الاكل معجبكش ولا اية
الاب:ابدا انا بس اكلت عشق ولما هى بتاكل كأنى انا اكلت وبشبع وكمان معنديش نفس خالص انا هقوم ارتاح شوية ...يدخل الاب وينادى على خالد وشيرى ويشرح لهم ببساطة شديدة حالة اختهم عشق ويحذرهم انهم يعلقوا على طريقة كلامها لان ذلك سوف يؤثر على حالتها النفسية ويكون سبب في تحسنها ويتفهم الاطفال ويوعدوا والدهم انهم يحاولوا التحدث معها ومعاملتها بلطف .