كل يوم هنزل 2 بارت بأذن الله :)
----------------
تستيقظ نادية مبكرا كعادتها مع صوت المنبة لتقوم في همة ونشاط مع اذان الفجر لتتوضأ وتصلى وتدعو الله ان يبارك لها في ابناءها ويحفظهما لها ويرجع لها طفلتها عشق وان يحفظها من اى شر ويهدى زوجها ويعود في اقرب وقت وتختم صلاتها بوترها اليومى وتنهض لتستقيظ اطفالها
الام:ياخالد ياخلودى يالا ياحبيبى هتتأخر على مدرستك قوم بقى اية النوم ده
خالد:صباح الخير ياماما انا قومت اهو خلاص
الام:صباح الفل ياقلبى يالا ادخل الحمام اغسل وشك واتوضا عشان تصلى الصبح عقبال ما اجهزلك الفطار والسندوتشات وصحى اختك لحسن دى بتغلبنى كل يوم
خالد:حاضر ياماما دى شيرى مش بتشبع نوم مش عارف بتجيبة منين
خالد:ياشيرى قومى بقى ولا حياة لمن تنادى هو انا لازم يابنتى كل يوم اعمل مهرجان عشان تقومى مش بتحرمى ابدا انتى حرة اما هجيب المية ولسة هيغرق اختة بالمية تقوم شيرى بجرى
شيرى:خلاص خلاص قومت اهو اهو بلاش مية والنبى ياخالد حرمت
خالد بضحك:ايوة كدة ناس تخاف متختشيش
تجرى شيرى بسرعة على الحمام تغسل وجهها وتتوضا لتصلى مع خالد فرض الصبح ويجهزوا حتى يتناولوا فطورهم مع والدتهم ويذهبون سويا الى مدرستهم في حب وتعاون مع بعضهم لتودعهم الام وتسلم عليهم
الام:اتفضلوا حبايبى السندوتشات اوعوا تنسوا تكلوها ومصروفكوا اهو حافظوا عليه اوعى يقع منك ياشيرى زى كل يوم
شيرى وخالد:حاضر ياماما اطمنى هناكل السندوتشات كلها ونشترى حلويات ونمشى فوق الرصيف ونمسك ايد بعضنا حفظنا كل التعليمات والله يالا سلام بقى
الام بضحك :كدة برضو ياولاد بتتريقوا عليا كل ده عشان خايفة عليكوا ده انتوا اللى ليا ماشى ياخالد انت وشيرى اصبروا عليها
يمسك خالد يد اختة ويلقى قبله في الهواء لامه ويودعها ويذهبون الى مدرستهم القريبة من منزلهم .
تقوم الام باعمال المنزل اليومية من ترتيب وغسل الملابس واعداد الطعام ويمر الوقت سريعا حتى وهى في دوامة الاعمال اذ بولادها يطرقون الباب فتفتح لهم وعلى وجهها ابتسامة مرحبه بهم
الام:حمدلله على السلامة ياحبايبى يالا بسرعة ادخلوا خدوا شور وغيروا هدومكم وصلوا فرض ربنا عقبال ما احضر السفرة عشان تتغدوا وبعدين تعملوا واجبتكم يالا ياشيرى بلاش كسل
شيرى:حاضر مش معنى يعنى شيرى ماهو خالد اهو لسة مرحش الحمام ولا كل حاجة شيرى شيرى
الام:عشان مفيش حد مغلبنى غيرك يالمضة يالا ادخلى
خالد:اسمعى كلام ماما ياشيرى ومتتعباش حاضر ياماما هنفذ كل اللى انتى عايزاه ياحببتى
الام:ربنا يكرمك ويباركلى فيك ويهديك ليا ياخالد يارب
تقفز شيرى على كتف والدتها بسرعة لتصرخ وتقول
شيرى:وانا وانا مفيش دعوة ليا ياست الكل
الام:وانتى ياروح ماما ربنا يباركلى فيكوا يارب واشوفكوا كدة ناجحين ومتفوقين دايما يارب
وينفذوا الاولاد ما طلبتة الام في حب ورضا ثم يتناولوا غذاءهم ويذاكروا دروسهم في نشاط
شيرى:خالد انا مش عارفة احل المسئلة دى ساعدنى فيها
خالد:ورينى كدة بصى ياسيتى دى تتحل بالطريقة دى هتبقى اسهل ليكى بابا كان دايما بيشرحهالى كدة فهمتى
شيرى:اه فهمتها الله دى طريقة سهلة جدا انت ياخالد شرحك حلو اوى شكرا ياخالد
خالد:العفو ياحببتى لو حاجة وقفت معاكى تانى تبقى تقوليلى اشرحهالك
شيرى:ربنا يخليك ليا عارف ياخالد بابا وحشنى اوى ونفسي يجى واشوفة
خالد:وانا كمان ياشيرى وحشنى اوى بس لازم نذاكر كويس عشان لما يرجع يلاقينا شطار وانا هنا معاكى لو احتجتى اى حاجة شورى بس وانا انفذها
شيرى:ربنا يخليك ليا انت وماما يا احلى اخ في الدنيا
.......................
أنت تقرأ
عشق بلا حدود للكاتبه ايمووو كمال
عاطفيةجميع حقوق الملكية تخص الكاتبه ايمووو كمال الإنسان في الحياة معرض للإبتلاء من الله سبحانه وتعالى... فنجد منا من يصبر على هذا الإبتلاء بصدر رحب، وقد نجد من لا يتحمل ويهرب منه.... هذا هو الحال في روايتنا فسوف نتعرف ونغوص في شخصياتنا لنتعرف جزاء من صب...
