عشق بلا حدود للكاتبه ايمووو كمال

البارت 10

ودارت الأيام ومرت على الام الملكومة نادية فنجيدها جالسة فى غرفتها شاردة الذهن تفكر فيما حدث في الماضى وتتحدث بهمس وهى ممسكة بصورة زوجها محمد لتحدثة عن احوالها كما تعودت منذ سنين

الام:يااااه يامحمد مرت سنين كتير اوى على بعادك وكل اللى بيربطنا ببعض مكالمة كل اول شهر تقول فيها كلمتين مش اكتر انا حولتلك مصاريف روحى اصرفيهم ونطمن بسرعة علينا وتقفل الخط ...عمرك اه ما اتأخرت عليها في المصاريف ونفذت وعدك لينا وكنت كريم اوى معانا بس انا كنت محتجالك جنبى تشيل معايا الحمل انا اب وام يامحمد بس اقول اية ربنا ابتلانى و فرقنا عن بعضنا كل السنين دى كانت رحمتة واسعة اوى بيا عشان رضيت بقضاءة بقلب حامد وشاكر نعمتة فعوضنى بعيالك ياخالد اللى محستش بمشاكلهم ولا تربيتهم وكانوا نعم الاولاد البارين بيا ودة بفضل هداية ربنا ليهم كبروا على حب بعضهم لبعض وحبهم وعطفهم عليا ...عارف يامحمد برغم ان خالد كان صغير لما سافرت بس لما كل ما يشوفنى بعيط يقولى متزعليش يا ماما انا راجلك وسندك تحمل مسئولية نفسه ومسئولية اختة كمان وهو لسة صغير وكان ليها اخ واب واقف جنبها وبيساعدها في واجبتها زى ما كنت بتذاكر معاك حتى لما اخد الثانوية وجاب مجموع كبير فضل يدخل كلية التربية ويتخصص في مادة الرياضة زيك من كتر ما حببتة فيها شوفت انت مأثر فيه حتى وانت مش موجود كان نفسي تكون وسطنا وتفرح بيه وتشوفه اد اية ناجح كل الطلبة بتحبه وتفرح بشيرى وتعيش معاها طفولتها واحلامها ...

وتتذكر هنا يوم نتيجة تنسيق ومعرفة شيرى انها دخلت معهد الادارة والسكرتارية

فلاش باك

شيرى:يابشر ياقووووم انتو روحتوا فين ياماما

الام:اية يابنتى الهوليله والصراخ اللى بتصرخة ده اية اللى حصل

شيرى:ده حصل وحصل وحصل انا قبلت فى معهد الادارة والسكرتارية

الام:يافرحتها ام لالووا يوم ما جابت لالووو ياشيرين

شيرى:اوووبا احنا فيها من لالووو وامه كمان ولا بتقولى شيرين مش شيرى تبقى زعلانة ياست الكل لية بس انا عملت حاجة

الام:ايوة عملتى ياشيرى ونفذتى اللى في دماغك وقدمتى ورقك في المعهد من غير موافقتى

شيرى:اولا ياست الكل انا مقدمتش من نفسي خالد كان معايا ثانيا بقى ودى الاهم المعهد 4 سنين وكمان بنات بس يعنى هيدينى برضو شهادة عالية يبقى اية المانع بس انى ادرس حاجة بحبها وهتفوق فيها ان شاء الله وعارفة كمان ياماما المعهد بيبعت المتفوقين يتدربوا في اكبر الشركات وبيوظفوهم بعد التخرج يعنى هضمن مكان في شركة معتبرة كدة وياسلام بقى ياماما لو المدير يكون كدة شاب ومش متجوز ومووز كدة ويشوفنى ويعجب بيا ونتجوز ياااااه ياماما دى تبقى باضتلى بيضة دهب