عشق بلا حدود للكاتبه ايمووو كمال

البارت 9

بارت زياده اهو .... هديه من الكاتبه :)

*****

تصرخ وفاء فجأة ياااااسر ...ياااااسر
ليستقيظ ياسر مفزوعا من صراخها ليقول
ياسر:فيه اية اية اللى حصل بتصرخى كدة لية في حد يصحى جوزة كدة انتى اتجننتى ياوفاء
وفاء بكل هدوء عكس البركان الذى بداخلها تمسك شطنة الفلوس وترميها على السرير بقوة وتتسال
وفاء:اية اللى جاب الفلوس دى كلها هنا ياياسر هى دى الاوراق اللى هتخلصها كنت بتكدب عليا امبارح مخبى عليا اية انا كنت حاسة انك مخبى عليا حاجة ومش عايزنى اعرفها انطق يا ياسر القلوس دى بتاعت مين؟؟؟
ياسر يصمت وعقلة من المفاجأة لا يستطيع التفكير واختراع اى كدبة اخرى لتصرخ وفاء بكل غضب لاول مرة في زوجها لتقول بحدة انطق
ياسربنبره غاضبة:فلوسى ارتحتى
وفاء: فلوسك ازاى ومنين كل الفلوس دى
ياسر: صفقة دخلتها من غير علم حسن ودى ارباحها
وفاء:صفقة وارباح اية الكلام ده انا اول مرة اسمع منك الحوار ده انا مش مقتنعة ياياسر انت بتكدب انا بعرفك من نظرة عينك ولما بتخبى مش بتقدر تبص في عينى
ياسر:لا بكدب ولا حاجة هى دى الحقيقة عايز تصدقى صدقى مش عايز تصدقى انتى حرة
وفاء:لا مش مصدقة ومش هصدق غير احساسى اللى بيقولىانك عامل كارثة وهعرفها ياياسر ولو اتاكدت مش هسامحك ابدا انت عارفنى كويس عمرى ما بسامح في الكدب ابدا
ياسر ينظر لها ويحاول ان يتماسك امامها بالقوة والصدق وهو بداخلة يلعن نفسه انه تسرع واتى بالفلوس معه الى المنزل واسرع الى الحمام لياخذ شور ليهدأ من اعصابة المتوترة
وبعد مدة خرج ياسر وارتدى ملابسة سريعا واخذ مفاتيح سيارتة بدون ما ينطق اى كلمة مع زوجتة ليتوجة الى الشركة
***************
ويرن تليفون فيلا هالة وحسن تسرع لتعرف من المتحدث وتجده مكتب العقارات الذى طلبت منهم البحث عن فيلا صغيرة او شقة ويبلغلها انهم عثروا على فيلا مناسبة ومطابقة للمواصفات التى بلغتهم بها لترد
هالة: تمام حضرتك الساعة 5 كويس جدا
مدير المكتب: منتظرينك يافندم وان شاء الله تعجب حضرتك
هالة :ان شاء الله مع السلامة
وتغلق معه وتأخذ فرحة الى مركز التخاطب لمستشارى التحدث باللغة المصرية حتى يحين موعد مكتب العقار
هالة:فروحة يالا حببتى عشان نلبس ونخرج
فرحة:هنرووووح بااااى
هالة:اه ياقلبى يالا بقى عشان منتأخرش
وتذهبوا الى المركز داعية الله ان تكون حالة فرحة بسيطة وتتحسن مع الوقت وتدخل هالة للاستشارى الذى يتحدث مع فرحة ويساعدها في التحدث بطريقة صحيحة للنطق ...وبعد ساعة من الجلسة يتحدث الاستشارى مع حالة فرحة لمدام هالة ليقول...
الاستشارى:الحمدلله يامدام هالة فرحة حالتها مش صعبة ومع التدريب والجلسات هتحسي بتحسن في النطق ان شاء الله احنا بيجلنا اطفال اصعب منها بكتير وبفضل الله بتتحسن
هالة:شكرا جدا يادكتور ربنا يطمنك يارب والجلسة الجاية امتى
الاستشارى:يوم الخميس ان شاء الله
هالة:ان شاء الله مش هنتاخر وهنيجى في المعاد بالظبط
وتخرج هالة وفرحة ويتجهوا الى الفيلا منتظرين حسن ليذهبوا الى مكتب العقار واذا بحسن يوصل
حسن:السلام عليكم ازيكوا حبايبى عاملين اية النهاردة يومكم كان ازاى
هالة: وعليكم السلام حبيبي مفيش لسة راجعين من مركز التخاطب والدكتور الاستشارى طمنى ان حالة فرح مش صعبة وهتتحسن بعد كام جلسة كدة
حسن:طب الحمدلله ربنا يطمنك وتكون احسن
هالة:يارب ياحسن بقولك احنا مفروض ننزل على بعد شوية عشان نلحق معادنا مع المكتب عشان نشوف الفيلا اللى اختروها هتعجبنا ولا لاء
حسن :تمام ياهالة حاضر استريح بس شوية كدة عقبال ما ننزل
هالة :طيب ياحسن بس اوعى تنام
حسن:لاء متخفيش انا هريح شوية عقبال ما تعملي كوباية شاى كدة من اديكى الحلوين دول
تذهب هالة لعمل الشاى لحسن وعصير برتقال لفرحة التى لا تمل منه ابدا لتنجزة بسرعة وتقوم بشراب العصير لفروحة وتعطى الشاى لحسن
حسن:ياهالة يالا انا جاهز جهزتى انتى وفرح
هالة :اه خلاص ياحسن يالا بينا
ويذهبوا للمكتب وتنال اعجابهم الفيلا ويقرروا شراءها ويعودون الى الفيلا ليقرروا موعد ذهابهم هناك
هالة:الفيلا حلوة اوى ياحسن الحمدلله واحسن حاجة انها مفروشة وجاهزة على السكن بس انت لية مش هتبيع الفيلا دى هتحتفظ بيها لية
حسن :ياهالة مينفعش ابيعها افرضى ياسر جه فجاة لازم يلاقينى متواجد فيها ولو سال عليكى ولا حاجة هبقى اقولة انك سافرتى مثلا تغيرى جو
هالة:ياااه ياحسن للدرجة دى شايل هم ياسر
حسن:لا طبعا انا بس مش عايزة يعرف ولا يشوف فرحة غير لما تكبر شوية حتى انتى مش هتنزلى وانا هبقى انزل كل سنة كدة اتابع الشركة وارجعلكوا احنا مفروض تكون حريصين جدا ياهالة عشان خاطر امان وسلامة فرحة
هالة:عندك حق ياحسن ربنا يخليكى ويحفظها لينا يارب
حسن:امين يارب العالمين
**************
يجلس محمد شارد في غرفتة ومعه صديقة ابو مازن يشاهدوا التلفاز على برنامج دينى ومحمد شارد العقل
غير منتبه لكلام الشيخ لينبه ابو مازن لحديثة حيث كان يقول
ابومازن:محمد اسمع معايا كلام الشيخ بيقول كلام حلو اوى
محمد:هاااه بتقول حاجة
ابو مازن:لا انت مش معايا خالص بقول اسمع كلام الشيخ بيقول كلام حلو وموضوع الحلقة عن ابتلاء ربنا للعبد
محمد:ينتبه لكلمة ابتلاء طب عالى صوت التليفزيون كدة ونسمع بيقول اية
الشيخ:* يأتى البﻻء على شكل زوج مقصر/ابن عاق/ وفاة ابن/ فقدان حبيب /مرض/ خسارة أموال/ ناس تؤذيك/ الم من تصرفات أحباب/ ضيق في الرزق.
*أول ما ينزل عليك البﻻء مباشرة أرفع بصرك الى السماء وقل الحمدلله سينظر الله الى قلبك فإن علم منك الرضى فسيجازيك بأمرين يهون عليك البﻻء وسوف يرضيك .
*لا احد يمتلك حياة كاملة ولا قلبا خاليا ،ولا رأسا خفيفا من الاعباء،ولكن هناك من يدعو الله ويتوكل عليه
ابومازن:سبحان الله سمعت يامحمد كلام الشيخ زى ما يكون ربنا باعتلك الرسالة دى مخصوص عشان يهون عليك حزنك
محمد:فعلا يا ابو مازن كلامة يدخل القلب وفيه رسايل الحمدلله على كل حال
ابو مازن:قولها من جوة قلبك يامحمد لو قولتها ربنا هيحس بيك ويلطف بحالك
محمد: ادعيلى يا ابو مازن انا راضى والله بس مش قادر انسى مش قادر انا ممكن اتحمل اى حاجة من اللى قالها وهبقى سعيد لكن حرمانى منها ويارتنى عارف اذا كانت عايشة ولا...مش قادر حتى انطقها يمكن يمكن لو كانت حتى ماتت(يخفض صوتة يكاد انه يهمس) كنت ارتحت شوية وهكون عرفت مكانها لكن دلوقتى انا مدبوح وبنزف ومش عارف اراضيها فين انا بدعى ربنا في كل سجدة انها تكون بخير مع ناس يراعوا ربنا فيها ويحبوها زى ما كنت بعشقها واللى بيصبرنى انى دايما بحلم بيها مبسوطة وفرحانة وبتلعب يارب تكون بخير
ابو مازن:يارب يامحمد يجمعك بيها ويقرب البعيد
محمد:يارب ادعيلى
**************
يذهب ياسر الى شركة حسن ويدخل مكتبه وبعد لحظات تدخل سما وتبلغة ان مناقصة الحديد ضاعت على الشركة ليتظاهر ياسر بالغضب ويقول
ياسر:انتى بتقولى اية يا سما ازاى راحت مننا احنا مقدمين اقل الاسعار ازاى
سما:معرفش يافندم كل حاجة كانت ماشية كويس لحد اخر لحظة قدمت شركة الاسيوطى عرضها وهى اللى اخدتها لانها اقدمت سعر اقل مننا
ياسر :الاسيوطى تانى عملتها ولعبتها معايا يا اسيوطى ماشى انت اللى بدأت واللعب احلو
سما تنظر اليه ولا تصدق كلامه وتشك في كل حرف وتحلف بداخلها ان تعرف السر وراء ضياع الصفقة وتقرر الاتصال بمديرها حسن لتبلغة عن خسارة اول صفقة للشركة وفوز شركة الاسيوطى بيها
وتستأذن سما بالانصراف لتعود الى مكتبها لتتصل بحسن
سما:مساء الخير يا دكتور حسن
حسن:مساء الخير ياسما اخبارك اية والشركة اية احوالها؟؟
سما: انا بتصل بحضرتك عشان كدة يافندم
حسن:خير ياسما حصل اية
سما:صفقة الحديد والصلب اللى حضرتك كنت مظبط كل حاجة ومجهز الملف عشان نقدمة بعد سفر حضرتك للاسف رسيت على شركة الاسيوطى
حسن:ازاى الكلام ده ياسما انا حاطط الاسعار بنفسي ومحدش يعرف غيرى انا وانتى وانا قايلك تقدمى الملف بنفسك اية اللى حصل
سما:استاذ ياسر هو كمان على علم لانه طلب منى الملف بعد سفر حضرتك على طول واخده وقالى انه هو اللى هيقدمة وانا استغربت ولما حاول ارفض قالى قولتك انا اللى هقدمة لان الصفقة دى مهمة وخايف حد يطلع على الملف
حسن:امممم بقى ياسر هو اللى قدمة خلاص ياسما ربنا يعوض علينا وانا استقر بس وهتلاقى عندك ومش هعديهالك يا اسيوطى مع السلامة انتى ياسما وتبقى تبلغينى باى تفاصيل اول باول
سما:طبعا يا فندم انا تحت امرك مع الف سلامة.
يغلق حسن الفون ويفكر في طمع اخوة فهو يفهمة جيدا ومتاكد انه السبب وراء خسارتة للمناقصة ولكن ليس معه اى دليل فيرفع يده الى السماء ويدعو الله في نفسه ان يلهمة الصبر على ابتلاءة باخيه وان يهدي له نفسه
*************
يذهب ياسر الى الفيلا ويحاول الحديث مع وفاء ولكن تتقبل منه حديث فقلبها دليلها ويؤكد لها كدب ياسر فبعد فشل ياسر في مصالحتها يتركها ليذهب الى داخل مكتبة لعمل تليفون ولا ينتبه ان وفاء بقرب الباب لتسمع المكالمة عن طريق الصدفة وكانت بينه وبين الاسيوطى الذى يهنئة على الصفقة وهو سعيد ليتفاجأ بدخول وفاء
وفاء:انت وصلت بيك الجشاعة والطمع للدرجة دى يا ياسر تطعن وتخون اخوك في ظهرة وتبيعه لاكبر منافسية للدرجادى الطمع عمى قلبك انا ازاى كنت مغشوشة فيك كل السنين دى انا كنت بقول غيرة اخوات مش اكتر يابنت بكرو يفوق ويحس اد اية اخوة بيحبه لكن توصل لكدة لاء ياياسر انت خلاص قلبك الحقد ملاه انا مستحيل استمر معاك ثانية واحدة
ياسر:انتى اتجننتى اية اللى بتقوليه ده انا اخون اخويا جبتى الكلام ده منين
وفاء:للاسف سمعت بودنى وياريتى ماسمعت
ياسر:ياوفاء انتى فاهمة الموضوع غلط صدقينى
وفاء:اصدقك انا خلاص فقدت الثقة فيك ياياسر
ياسر:طب ادينى فرصة تانية انا بحبك
وفاء:فرصة تانية انا ياما اديتك فرص وانت ضيعتها انت خلاص مش بحب حد غير نفسك والفلوس حد الله بينى وبينك انا مش هقدر اسبيك عشان مظلمش عيالنا حد الله ما بينى وبينك ياياسر انا من النهاردة هعتبر نفسي مطلقة وده اخر قرار ومش ممكن ارجع فيه وانت عارفنى كويس وهحاول اعصر على نفسي شوال ليمون واكلمك ادام العيال عشان محدش يحس بحاجة واكراما للعشرة اللى بينا عمرى ما هقول لحسن اخوك مش عشانك لا عشان بس ميتصدمش في اخوك ابن امه وابوه
ياسر يقف مصدوم مطاطأ الرأس ولا يستطيع ان يدافع عن نفسة امام زوجتة ويترك لها المكان ويهرب بيعدا عنها
*************

وتمر الايام على فرحة وهالة في الفيلا الجديدة وفرحة بأستمرار تلعب في حديقة الفيلا او على الارجوحة التى تعشقها وهالة لا تترك يوما جلسات التخاطب فهى حريصة كل الحرص عليها واوقات كثيرة يذهب معها حسن ليطمئن بنفسه عليها وتتحسن فرحة مع الوقت وتتحدث كما كانت ليزداد سعادة حسن وهالة بفرحة التى من يوم ما عثروا عليها وتحولت حياتهم 180 درجة واصبحت اكثر سعادة ومرح بوجود فرحة وسطهم.

وتمر الايام والسنين لتكبر فرحة التى اصبحت فتاة تبهر وتجذب كل من يلقى نظرة عليها....

تستيقظ فرحة مبكرا في نشاط وتنزل على السلالم بدلال لترى والدها حسن
فرحة:صباح الخير ياسنسن
حسن:سنسن يافروحة مسمعتكيش هالة وانتى بتقولى سنسن دى يابنت ياشقية عيب على الشيبة اللى في راسى دى وتقولى سنسن
فرحة:شيبة مين بس دى زودتك وكار على وكارك ياباببتى وبقيت امور ومووز انت عارف لو مكنتش بابابتى كنت اتجوزتك على طول
حسن:اتجوزتينى كدة مرة واحدة تعالى ياهالة شوفى بنتك
هالة:في اية يافروحة مالك بتناكفى في حسن لية كدة على الصبح
فرحة ببراءة: انا معملتش حاجة يالولو خالص ده انا حتى ملاك مش ناقصى غير الجناحات هههه
هالة وحسن يضحكون على ابنتهم وشقاوتها ليقول حسن
حسن:طب يالا ياملاك افطرى بسرعة عشان متتأخريش على جامعتك ياقلبى انا عايزك تخلصى بقى اخر سنة وتجيبى تقدير زى كل سنة عشان تشيلى معايا مسئولية الشركة وارتاح انا بقى وافضالك يالولو ونطلع بقى سفرية حلوة كدة من بتوع زمان
فرحة:ايوة بقى يا سيدى عايز تدبسنى في الشغل وتستفرض بالمزة ماشية معاكى يالولو ولا راحت عليكى يافرحة
هالة:ايوة بقى ياحسن انا نفسي فعلا اغير جو ونسافر في اى مكان ولا حتى نرجع مصر لما تخلص فرح انا وفاء وحشتنى اوى هى وعيالها
حسن:والله فكرة وانا كمان وحشونى والله تخلص فروحة ونبقى نقرر هتعمل اية هنكمل هنا في دبى ولا اصفى الشركة ونرجع كلنا اللى فيه الخير يقدمة ربنا
وتذهب فرحة الى جامعتها حيث تدرس في كليه تجارة قسم ادارة اعمال مثل اباها حسن الذى يساعدها في دراستها وجعلها طالبة متفوقة ويشهد لها الجميع بذكاءها ونبوغها ويتوقعوا لها مستقبل باهر وتقدير مرتفع

وتنتهى احداثنا عند هذا الحد ياترى هيحصل اية مع فرحة وهل هتوافق على رجوعها مع والديها الى مصر ام ماذا؟
وياترى اية اللى حصل مع نادية واخوتها والسنين ماذا فعلت بهم؟
ومحمد ياترى اتغير وشعر بخطأه تجاة اولاده ولا لسة عناده مسيطر عليه؟
كل الاسئلة دى هنعرف اجابات في حلقتنا القادمة .

دمتم سالمين❤