يصمت محمد ويسرح مدة وهو يحدث نفسه ويقول الى هذه الدرجة سرقتنى الايام والسنين لم اشعر انك كبرتى صغيرتى ويتقدم لك خطابك ويدقون بابك لينتبة فجاة على سماع صوت شيرى تنادية وتقول له...
شيرى:اية يابابا حضرتك ساكت ومش بترد عليا هو عندك اي اعتراض
محمد:ابدا ياشيرى سرحت فيكى حببتى انك كبرنى وبقيتى عروسة زى القمر وهيجى عريس ويخطفك منى
شيرى:هههه يخطف مين ده انا قاعدة على قلبك ومربعه كمان
محمد: ههههه ربعى ياستى زى ما انتى عايزة بس اياكى تمشى وتروحى تربعى في مكان تانى... ويغمز بعيونة
شيرى بخجل: يعنى حضرتك معندكش مانع
محمد: ابدا ياحببتى ده يوم المنى انى افرح بيكى بس احكيلى عنه وعن ظروفه
شيرى وهى مرتبكة وخايفة يرفضة بسبب ظروفة تقول في تردد
شيرى:بصراحة يابابا هو محاسب في بنك ولسة بيدأ حياته وعايش مع والدتة بيرعاها عشان مريضة ومسنة ومعندوش اخوات هو وحيدها وعرض عليا اننا نتجوز مع امه عشان مش هيقدر يسبها لوحدها وانا بصراحة ما ممنعتش لانى حسيت اد اية بيحبها ويرعاها وده خلانى اوافق لان اللى ملوش خير في امه مش هيبقى له خير فيا
محمد:عندك حق يابنتى اللى بيتمسك بامه كدة يبقى ابن بار وائتمنه على بنتى وانا راضى ومش خايف وان كان على ظروفة مش مهم ابدءوا حياتكم خطوة خطوة وخليكى زى والدتهم صبرت معايا وعايشت على المرة قبل الحلوة وعمرها ما اشتكت ابدا ...حددى معاه يوم الجمعة وقولى لخالد عشان يفضى نفسه ويقابلة معايا
شيرى: خالد عارف من زمان يابابا وقابلة واتعرف عليه اول ما كريم صارحنى انا مقدرش اخبى عنه حاجة ابدا... خالد بالنسبالى مش اخ ده اخ واب وحبيب وصديق كل حاجة ليا ربنا يخليه ليا يارب
محمد بحزن يدرك للمرة المليون حجم الجرم الذى اتسبب فيه لاسرتة لانه كان يتمنى ان شيرى تقول عليه هو كل هذا الكلام وليس عن خالد ليشعر بمدى المسئولية التى كانت على عاتقة خالد طول السنوات الماضية فيرد بحزن..
محمد:امين يارب ربنا ميحرمكوش من بعض حببتى ....تمام يالا قومى بلغيه بمعادنا بس بسرعة بلاش رغى التليفوتات ده مش بحبة
لتضحك شيرى وتقول له مداعبه والدها بحب انتى بتغيرى يابيضة
محمد:اااه بغير وبغير اوى كمان انا لسة ملحقتش اشبع منك
شيرى: متخافش يابابا لسة بدرى دى خطوبه بس مش اكتر
محمد:ربنا يتمم بخير حببتى ومتشليش هم لاى حاجة وانا عينى ليكى ياقلبى وهجهزك احلى جهاز
شيرى تسرع لتحضن والداها بحب وتقول
شيرى: ربنا يخليك ليا وميحرمنيش منك يارب
أنت تقرأ
عشق بلا حدود للكاتبه ايمووو كمال
Romanceجميع حقوق الملكية تخص الكاتبه ايمووو كمال الإنسان في الحياة معرض للإبتلاء من الله سبحانه وتعالى... فنجد منا من يصبر على هذا الإبتلاء بصدر رحب، وقد نجد من لا يتحمل ويهرب منه.... هذا هو الحال في روايتنا فسوف نتعرف ونغوص في شخصياتنا لنتعرف جزاء من صب...
