تذهب عشق لتقابل ادهم ويجلسون قي حديقة الفيلا ويظهر عليها القلق والارتباك ليبدأ ادهم في الحديث قائلا
أدهم:مالك يافرحتى انا حاسس انك عايزة تقولى حاجة ومش قادرة تنطقى صرحينى ياقلبى
عشق:بصراحة اللى عايزة اقوله ممكن يهدد علاقتنا
ادهم:يهدد علاقتنا مفيش حاجة في الدنيا ممكن تخلينى ابعد عنك ابدا الا اذا انتى مكنتيش بتحبينى
عشق:انت عارف وواثق جدا من حبي وعشقى ليك يا ادهم
أدهم:خلاص قولى اية اللى مخبياه عنى ومترددة تقوليه
#عشق بلا حدود بقلم ايمووو كمال
عشق:بصراحة كدة انا هتبرع لعم محمد بكليتى
أدهم ينظر لها مصدوم ولا يستطيع ان ينطق
عشق:شوفت بقى انت ساكت لية من حقك على فكرة انك ترفض انك تكمل مع واحدة معرضة انها تتعب بعد كدة بكليتها وتعانى معاها ..ادهم انا بعفيك من اى...هشششش
وهنا قاطعها ادهم وضع كفه على فمها ولم تكمل كلامها ليقول
ادهم:اية اللى بتقوليه ده ليه تعملى كدة مهما كنتى بتحبيه وضحى واتبرعلك دمه ميدكيش الحق انك تتبرعيلة يافرحة في حاجة مش مفهومة لية
عشق:ارجوك اعفينى من الاجابة
ادهم:لا يافرحة مش هعفيكى في شئ في علاقتك بالاسرة كلها غريب وانا مصمم اعرف
عشق ببكاء وصريخ:عشان مش هقدر اشوفة بيتعذب امام عينى وانا في امكانى انقذة ومنقذهوش ...مش هستحمل انى افقدة زى ما فقدت بابا حسن ..مش هقدر يا ادهم ..والله ماهقدر
أدهم:ولية كل الحب ده
عشق:عشان ابويا فهمت ابويا اللى توهت منه من سنين ...ابويا اللى اتعذب في بعادى وساب الدنيا كلها وهرب واشتغل في الكويت لانة مقدرش يفضل وانا مش موجودة في نفس البلد..عرفت لية مش قادرة اشوفة بيتعذب واقف ساكتة ...عرفت سر حبه وهو حتى ميعرفش لحد دلوقتى انى بنتة ..عرفت انا بحبهم ليه كلهم من قبل بابا ما يعترفلى ان ماما هالة لاقتنى تايهة واخدتنى وكتبونى باسمهم وسافرت ومرجعتش غير لما كبرت
اعتقد ان دلوقتى انا مش بنت عمك بنت رجل الاعمال وطلعت بنت بسيط ميسور الحال..بعد كل ده لسة عند موقفك يا ادهم ..لسة عايز تكمل معايا
أدهم ينظر لها وهو في حالة لا يرسى لها ليفوق من غفلتة ويقول
ادهم:فرحة انا لما حبيتك حبيتك عشان نفسك مش عشان بنت عمى ولو كنتى اى بنت تانية كنت برضو حبيتك وعشقتك بس انا خايف عليكى وده من حقى العملية مش سهلة
عشق:على فكرة اسمى عشق مش فرحة ..فرحة خلاص كانت وهم وعيشت فيه سنين انا دلوقتى حقيقة وواقع عايش اسمه عشق ..وبعدين انا الحمدلله الكلية التانية بحالة جيدة بفضل الله والانسان ممكن يعيش بربع كليه وربنا هيعافينى عشان خاطر بابا وافرحة بس انا عايزاك تبقى جنبى لان محدش هيعرف انى انا اللى هتبرع واتفقت مع الدكتور انى هخرج على طول واكمل علاجى في الفيلا وهتكون معايا ممرضة وهو هيعدى عليا كل يوم
أنت تقرأ
عشق بلا حدود للكاتبه ايمووو كمال
عاطفيةجميع حقوق الملكية تخص الكاتبه ايمووو كمال الإنسان في الحياة معرض للإبتلاء من الله سبحانه وتعالى... فنجد منا من يصبر على هذا الإبتلاء بصدر رحب، وقد نجد من لا يتحمل ويهرب منه.... هذا هو الحال في روايتنا فسوف نتعرف ونغوص في شخصياتنا لنتعرف جزاء من صب...
