💕💞💕اَْلّقصِهً بعنَواَْن💏َ(( تٍزُوجُتٍ اَْجُباَْريِ))💕💞💕
١________٣
🌲🌲🌲🌲(( اَْلّباَْرتٍ اَْلّاَْولّ ))🌲🌲🌲🌲
اسمي رفل اليوم راح احجيلكم قصتي اول شي اوصفلكم شكلي اني طويله بشرتي حنطيه عيوني عسلي عندي اخ واحد مزوج وخوات اثنين مزوجات عمري ٢٤سنه خريجة تربيه احياء تخرجت صار سنتين كاعده ظليت ادور على شغل ماكو جنت دائمآ اتوسل بابا يدورلي شغل جان دائمآ جوابه ان شاء الله واشوف جنت اسهر طول الليل على النت وبالنهار اكظي نوم وبيوم من الايام كاعده وجان توصلي رساله على الفيس فتحت الرساله من واحد اسمه محمد كامل دازلي السلام عليكم شلونج رفل دخلت على صفحته ولد كلش حلو عيونه ملونه مرديت عفته وره شويه دز رساله انوب كال اني اعرفج عز المعرفه ومراقبج صار هوايه هم مرديت عفته كلت هذا شيريد ومنين يعرفني ظليت العب بالتليفون صليت الفجر ونمت كعدت الساعه ١٢الظهر كمت غسلت وانتظرت بابا حتى يجي حتى نتغده طبعآ اني انظف البيت بالليل يوميه قبل ماانام لان الصبح اكعد متأخره رحت على ماما كلتلها خابري بابا مو متت جوع خابرته كاللها نص ساعه واجي رحت كعدت على موبايلي ولكيته هم داز رسائل صباح الخير شلونج رد انوب داز رساله مصار عندج فضول اني منين اعرفج عفته مرديت اهو هذا منين طلعلي جنت ابد ماارد على رقم غريب او احد يدخلي على الفيس اجى الليل ورحت لزمت تليفوني وهم داز رساله كايل راح اكولج منين اعرفج كالي اني ادرس كلية رياضه واعرفج من من جنتي مرحلة ثالثه وجنت اراقبج وين ترحين وين تجين ويامن تمشين وبالصراحه عجبتيني كلش والاكثر اخلاقج مافديوم شفتج واكفه ويه ولد وسولفين وهذا جذبني الج كلش واكثر من مره ردت اصارحج بس خفت ترفضيني وكانوا اصدقائي من نفس قسمج دائمآ يكولولي عوفها متفيدك لان متكبره وشايفه نفسها ومتتحاجه بس دائمآ يمدحون باخلاقج وانتي هم مقاصره بالجمال لحد نهاية المرحله الرابع ردت اصارحج بس مااكدر. بيج قصص عراقيه حقيقيه من واقعنا.روعه الطائي
ومن تخرجت بسرعه سافرت لكندا وقبل شهر رجعت .قريت الرساله واني افرفر براسي معقوله احد جان يراقبني واني محاسه عليه ليش وين جنت ومحسيت عليه نمت كعدت نفس كل يوم وبسرعه فتحت التليفون لكيته هم داز رساله اتمنى تردين عليه ونيتي صادقه والله وبس توافقين اجيب اهلي اخطبج لان ماعندي لف ودوران وكل شويه يدز رساله اذا متردين راح اني اكتب وانتي اقري حجى عن عائلته وين عايشين عن خواته واخوانه ضل تقريبآ اسبوع ونص يراسلني بس اني مااجاوب ظل يتوسل بيه ان ارد عليه كلت خلي ارد اني شخسرانه رديت عليه كتله تفضل اخي شرايد كالي اول شي السلام عليكم ثاني شي رايدج على سنة الله ورسوله كتله اعذرني هذا شي مستحيل لا اعرفك ولا شايفتك بحياتي كال مابيها شي نتعرف كتله اني مو من البنات اللي يحبن يتعرفن كتله رجآءا بعد لاتدز رسائل كالي اني اعرف ابوج واخوج وكالي بابا وين يشتغل كتله ويعني كال لا ماكوشي بس ردت اكولج ان اعرف كلشي عليج كتله يله مع السلامه وبعد لاترسل شي لان مااجاوبك كالي ليش متقبلين ناقصني شي كتله اخي مااعرفك ولا اعرف انت منين واعرف اصلك فصلك كعد حجى وبالخير كال اني من العشيره الفلانيه كتله هذا اول عائق فرجاءآ بعد لاتراسلني كالي ليش كتله اهلي مينطوني شخص من غير طائفه لو اموت واني هم مااقبل بعد مرسل شي وظليت تقريبآ اسبوع انتظره يرجع يراسلني ماكو وره فتره نسيته وراح من بالي.
